[13] 1 Veigauna 18

¹Ni sa oti oqo sa yaco ni sa valuti ira tale na kai Filisitia o Tevita, vakamalumalumutaki ira, ka tauri Kaca kei na kena veikoro mai na ligadra na kai Filisitia.

²Sa qai vakadrukai Moape, ka ra sa yaco na kai Moape me tamata cakacaka i Tevita, ka kauta mai nai vakacavacava.

³Ka sa vakadrukai Adadesa na tui So me yacovi Emaci, ni sa lako me la'ki vakadeitaka na nona kaukauwa mai na bati ni Uciwai na Uferetisi.

⁴Sa taura mai vua o Tevita e dua na udolu na qiqi ni valu, vitu na udolu na dauvodo ose, kei na ruasagavulu na udolu na sotia taubale. Sa sereki ira talega na ose o Tevita, vakavo ga o ira sa maroroya o koya me baleta na qiqi ni valu e dua na udolu.

⁵Ni ra sa lako mai na kai Siria mai Tamasiko mera mai vukei Adadesa na tui Soba, o Tevita sa vakamatei ira e lewe ruasagavulu na udolu na kai Siria.

⁶Sa qai biuta mai Siria o Tevita eso na mataivalu vakatawa; ka ra sa yaco me tamata i Tevita na kai Siria ka soli vakacavacava ki vua. Ia oqo sa maroroi Tevita o Jiova e na vanua kecega e lakova.

⁷Ia o Tevita sa taura nai sasabai koula e tu vua na tamata i Adadesa, ka kauta mai i Jerusalemi.

⁸Mai Tibaca talega kei Kuni, na veikoro i Adadesa, sa kauta mai kea o Tevita e dua nai wiliwili varasa levu, o koya e a cakava kina o Solomoni na taqe varasa levu, na veiduru, kei na veiyaya varasa.

⁹Ia oqo ni sa rogoca o Tou na tui Emaci ni sa vakadruka na mataivalu kecega i Adadesa na tui Soba,

¹⁰Sa talai Adorama na luvena vei Tevita na tui, me kidavaki koya ka vosa vakalouvinakataki koya, baleta ni sa veivala kei Adadesa ka sa vakadrukai koya (ni o Adadesa e a dauvala voli kei Tou); ka sa kauta o Adorama na veimataqali yaya koula kecega, na siliva kei na varasa.

¹¹Na tui o Tevita sa vakacabora kece talega oqori vei Jiova, vakakina na siliva kei na koula e a kauta mai na veivanua oqo O mai Itomi, mai Moape, mai vei ira na tamata i Amoni, mai vei ira na kai Filisitia, kei ira talega na Ameleki.

¹²E dina o Avisai na luve i Seruwaia e a vakamatea e tinikawalu na udolu na kai Itomi mai na Buca ni Masima.

¹³Sa biuta talega o koya eso na mataivalu vakatawa mai Itomi, ka sa yaco mera tamata cakacaka kecega i Tevita o ira na kai Itomi. Ia o Jiova sa maroroi Tevita ena vanua kecega e lakova.

¹⁴E dina sa tui tiko o Tevita e Isireli, ia sa tuvana vinaka na nona lewa ka vakatauca na lewa dodonu vei ira kecega na nona tamata.

¹⁵O Joave na luve i Seruwaia tagane sa lewa na mataivalu taucoko; o Josevata luve i Ailude tagane sa dauvola nai tukutuku;

¹⁶e rau sa bete o Setoki na luve i Aitube tagane kei Avimeleki na luve i Avaiata tagane; o Savisa na vunivola;

¹⁷O Penaia na luve i Jioiada tagane sa lewai ira na Kereci kei na Peleci; ia o iratou na luve i Tevita tagane e ratou sa ena veiqaravi liu e voleka vua na tui.