[13] 1 Veigauna 24

¹Ia oqo na nodra i wasewase na luve i Eroni. O iratou na luve i Eroni tagane o Netava, Avaiu, Iliesa, kei Icama.

²Ia e rau a mate o Netava kei Aviu e na matai tamadrau ni se sega na luvedrau; o koya oqo e rau sa qarava kina na cakacaka vakabete o Iliesa kei Icama.

³O Tevita kei Setoki mai vei ira na luve i Iliesa tagane, kei Aimeleki mai vei ira na luve i Icama tagane, e ratou sa qai wasei ira ki na nodra dui gauna ni veiqaravi.

⁴E lewe levu cake nai liuliu e kunei vei ira na luve i Iliesa tagane mai vei ira na luve i Icama tagane, ka ra sa mani wasei me vaka oqo. Vei ira na luve i Iliesa tagane e tinikaono na ulu ni vei vuvale i tamadra, ka walu na ulu ni vei vuvale i tamadra mai vei ira na luve i Icama tagane.

⁵Era sa wasei vakaoqo ena vakawiri madigi, e dua nai wase mai na duatale, e tu o ira na liutaka na qaravi ni vale tabu kei ira na liutaka na qaravi ni vale ni Kalou, mai vei ira na luve i Iliesa tagane kei ira na luve i Icama tagane.

⁶Kei na vunivola, o Semaia na luvei Nacanieli tagane, e dua vei ira na Livai, sa vola ena i vola, e na mata ni tui, o ira nai liuliu, o Setoki na bete, Aimeleki na luve i Avaiaca, kei ira na ulu ni vei vuvale i tamadra na bete kei na Livai, e dua na vuvale i tamana e wili vei Iliesa ka dua e wili vei Icama.

⁷Ia oqo sa dusi Jioiarivi nai matai ni madigi, na kenai karua vei Jedaia,

⁸nai katolu vei Arimi, nai kava vei Seorimi,

⁹nai kalima vei Malakia, nai kaono vei Mijamini,

¹⁰nai kavitu vei Akoso, nai kawalu vei Avaitia,

¹¹nai kaciwa vei Jesua, nai katini vei Sekanaia,

¹²nai katini-kadua vei Ilaiasivi, nai katini-karua vei Jakimi,

¹³nai katini-katolu vei Upa, nai katini-kava vei Jesepeavi,

¹⁴nai katini-kalima vei Biliqa, nai katini-kaono vei Imara,

¹⁵nai katini-kavitu vei Esira, nai katini-kawalu vei Apisese,

¹⁶nai katini-kaciwa vei Pecaia, nai karuasagavulu vei Jiesekeli,

¹⁷nai karua-sagavulu kadua vei Jakini, nai karua-sagavulu karua vei Kamule,

¹⁸nai karua-sagavulu katolu vei Delaia, nai karua-sagavulu kava vei Measaia.

¹⁹Oqo nai tuvatuva ni nodra veiqaravi ni ra sa lako mai ki na vale i Jiova me vaka na veitabaki ni ligai Eroni na tamadra, ni sa vakaroti koya kina o Jiova na Kalou nei Isireli.

²⁰Ia o ira na vo ni luve i Livai tagane: vei ira na luve i Amirami tagane, Suvaele; vei ira na luve i Suvaele tagane, Jedeia.

²¹Me baleti Riavaia, vei ira na luve i Riavaia tagane, nai matai o Isaia.

²²Vei ira na luve i Isari tagane, o Selomoci; vei ira na luve i Selomoci tagane o Jevaci.

²³Vei ira na luve i Epironi tagane, Jeraia nai matai, Amaraia nai karua, nai katolu o Jeasieli, kei nai kava o Jikamiama.

²⁴Vei ira na luve i Usieli tagane, o Maika; vei ira na luve i Maika tagane, o Semira.

²⁵Na taci Maika, o Isaia; vei ira na luve i Isaia, o Sakaraia.

²⁶Oi rau na luve i Merari tagane o Mali kei Musi; na luve i Jeasaia tagane, o Peno.

²⁷Na luve I Merari tagane vei Jeasaia o Peno, Soama, Sakuri, kei Iveri.

²⁸Vei Mali: O Iliesa, o koya e sega na luvena tagane.

²⁹Vei Kisi: na luve i Kisi tagane, o Jeramieli.

³⁰O iratou talega na luve i Musi tagane o Mali, Eta, kei Jerimoce. Oqo o ira na luve i Livai me vaka na vei vuvale i tamadra.

³¹O ira talega oqo era vakawiri madigi me vakataki ira na wekadra na luve i Eroni, ena mata i Tevita na tui, o Setoki, Aimeleki, kei na veiulu ni vei vuvale i tamadra na bete kei na Livai. O ira na tamadra era sa liu era sa tautauvata kei ira na tacidra era sa gone.