[13] 1 Veigauna 9

¹Ia sa volai tu o ira kecega na Isireli me vaka na dui nodra i tabatamata, ka sa dina sara, ni sa volai kece tu oqori ena kedra i vola tukutuku na tui e Isireli. Ia o Juta sa kau tani yani vakabobula ki Papiloni baleta na nodra talaidredre.

²Ia o ira nai matai ni tamata mera taura na nodra i votavota ena nodra veikoro o ira na Isireli, o ira na bete, Livai kei na Necinimi.

³Ia era sa tiko e Jerusalemi na luve i Juta, kei na so na luve i Penijamini, kei na so talega na luve Ifereimi kei Manasa;

⁴O Ucei na luve i Amiude tagane, na luve i Omiri tagane, na luve i Imeri tagane, na luve i Bani tagane, mai vei ira na kawa i Veresi, na luve i Juta tagane.

⁵Vei ira na Sailonaite: Asaia na ulumatua kei ira na luvena tagane.

⁶Vei ira na luve i Sera tagane: Jeueli, kei ira veiwekani ” e ono na drau ka ciwasagavulu.

⁷Vei ira na luve i Penijamini tagane: Salu na luve i Mesulame tagane, na luve i Odavia tagane, na luve i Asenua tagane;

⁸O Iveneia na luve i Jeroama tagane; Ela na luve i Usi tagane, na luve i Mikeri tagane; Mesulame na luve i Sevataia tagane, na luve i Reueli tagane, na luve i Ivenaia tagane;

⁹kei ira na veiwekani, me vaka na nodra i tabatamata “ e ciwa na drau ka limasagavulu ka ono. O ira kece oqo na ulu ni vei vuvale i tamadra ena loma ni veivale i tamadra.

¹⁰Vei ira na bete: Jedaia, Jioiarivi, kei Jakini;

¹¹O Asaraia na luve i Ilikaia tagane, na luve i Mesulame tagane, na luve i Setoki tagane, na luve i Meraioci tagane, na luve i Aituvi tagane, na vunivola ni vale ni Kalou;

¹²O Adaia na luve i Jeroama tagane, na luve i Pasuri tagane, na luve i Malakia tagane; o Measai na luve i Adiela tagane, na luve i Jasera tagane, na luve i Mesulame tagane, na luve i Misilemeci tagane, na luve i Imera tagane;

¹³Kei ira na wekadra, era ulu ni vei vuvale i tamadra ” e dua na udolu, vitu na drau ka onosagavulu. Era tamata gugumatua e na cakacaka ni veiqaravi e na vale ni Kalou.

¹⁴Vei ira na Livai: O Semaia na luve i Asuvi tagane, na luve i Aserikama tagane, na luve i Asavaia tagane mai vei ira na luve i Merari tagane.

¹⁵O Vakebakara, Eresi, Kalala, kei Matanaia na luve i Maika tagane, na luve i Sikiri tagane, na luve i Esava tagane.

¹⁶O Opetaia na luve i Semaia tagane, na luve i Kalala tagane, na luve i Jetucuni tagane; kei Berekaia na luve i Esa, na luve i Elikana tagane, o koya e bula voli e na veikoro vaka Nitofa. O Ira Na Livai Era I Vakatawa Ni Matamata

¹⁷O ira nai vakatawa ni matamata o Salumi, Akubu, Talimoni, Aimani, kei ira na wekadratou. E nodra turaga o Salumi.

¹⁸Me yacova mai o ya era sa dau vakatawa na matamata ni nodra keba na luve i Livai ena matamata ni Tui mai na tokalau.

¹⁹O Salumi na luve i Kore tagane, na luve i Ebiasava tagane, na luve i Kora tagane, kei ira na wekana, mai na vale i tamana, na Koraiti, era sa liutaka na cakacaka ni veiqaravi, nai vakatawa ni matamata ni vale ni soro. O ira na tamadra era sa dau i vakatawa ni matamata ki na vale i Jiova.

²⁰Ia o Fineasi na luve i Iliesa tagane sa nodra vunivola tu mai ena veigauna sa oti; o Jiova sa dau tiko vata kei koya.

²¹O Sakaraia na luve i Miselemaia tagane sai vakatawa ni katuba ni vale ni soro.

²²O ira kecega sa digitaki me ra i vakatawa ni matamata era lewe rua na drau ka tinikarua. Era sa volai tu me vaka na dui nodra i tabatamata, ena nodra veikoro. E rau a digitaki ira ki na nodra i tutu dokai oqo oTevita kei Samuela na parofita.

²³Io o ira kei ira na luvedra era sa lewa na matamata kecega ki na vale ni Kalou, na vale ni soro, sa nodra i lesilesi.

²⁴O ira nai vakatawa ni matamata era sa lesi ki na matanicagi e va: na tokalau, ra, vualiku, kei na ceva.

²⁵Ia o ira na wekadra mai na loma ni koro era na dau lako vata mai kei ira ena veigauna eso me vitu na siga.

²⁶Ia nai tutu dokai oqori e ratou taura tu e lewe va nai vakatawa i liuliu; e ratou kawa i Livai. Ka ratou lewa na veirumu kecega kei nai yau ni vale ni Kalou.

²⁷Ka ra sa tiko vakavolivolita ga na vale ni Kalou baleta ni sa nodra i tavi, ka ra sa lewa na kena dola ena veimataka.

²⁸Ia oqo eso vei ira era lewa nai yaya ni veiqaravi, ni ra sa dau wilika na levu ni yaya ena kena kau mai ki loma kei na kena kau lesu yani ki tuba.

²⁹Eso vei ira sa lesi me vakaraica nai yaya kecega ni vale vakaturaga e wili kina na kena e lelevu kei na ka lalai, kei na valawa matailalai, kei na waini, kei na waiwai kei na ka boi vinaka kei nai saluwaki.

³⁰Kei na so vei ira na luve ni bete era daucakava nai lumu vakai saluwaki.

³¹O Maticia na Livai, na ulumatua i Salumi na luve i Kora, sa nonai tavi me lewa na ka kecega sa tavu e nai tavuteke.

³²Kei na so vei ira na veiwekani na luve i Koaca, era lewa na kena vakarautaki na madrai dauraici me baleta na veiSiga ni Vakacecegu.

³³O ira oqo na daunisere, era ulu ni nodra vei vuvale na Livai, era tiko e na vei rumu e loma, ka ra sa vakalalagataki mai nai tavi tale eso; ni ra sa digitaki ki na cakacaka o ya e na siga kei na bogi.

³⁴O ira na ulu ni nodra vei vuvale na Livai oqo era sa ulu tiko ena nodra i tabatamata kecega. Era vakaitikotiko e Jerusalemi.

³⁵O Jeieli na tamai Kipioni, na yaca i watina o Maeka, e tiko mai Kipioni.

³⁶Na luvena ulumatua tagane o Avitoni, qai o Suri, Kisi, Peali, Neri, Netava,

³⁷Kedora, Aio, Sakaraia, kei Mikiloci.

³⁸Ia o Mikiloci na tamai Semeama. E ratou tiko volekati ira talega na wekadra e Jerusalemi, kei ira na veiwekani.

³⁹O Neri na tamai Kisi, o Kisi na tamai Saula, ia o Saula na tamai Jonacani, Malekisua, Avinatave, kei Esi-Peali.

⁴⁰Na luvei Jonacani tagane o Meriba-Peali, ia o Meriba-Peali na tamai Maika.

⁴¹O iratou na luvei Maika tagane o Paiconi, Meleki, Tarea, kei Easi.

⁴²Ia o Easi na tamai Jara; o Jara na tamai Alemeci, Asimaveci, kei Simiri; kei Simiri na tamai Mosa;

⁴³O Mosa na tamai Vinea, o Refaia na luvena tagane, Eliasa na luvena tagane, kei Aseli na luvena tagane.

⁴⁴O Aseli e ono na luvena tagane kei na yacadratou oqo: Asirikama, Bokeru, Isimeli, Searaia, Ovetaia, kei Ena; oqo o iratou na luve i Aseli tagane. Nai Cavacava Vakaciriloloma I Saula Kei Iratou