[9] 1 Samuela 31

¹Era sa vala vakaukauwa na Filisita kei ira na Isireli; era sa dro na Isireli mai na matadra na Filisitia, era sa davo mate ena ulunivanua o Kiliboa.

²Era sa cicivi muri Saula kei iratou na luvena o ira na Filisitia, era sa vakamatei Jonacani, Apinatave, Malakisua, o iratou na luvei Saula.

³Sa tosovi Saula yani vakaukauwa nai valu; o ira na dauvana era sa vanai Saula ka sa mavoa sara vaka ca.

⁴Sa tukuna o Saula vua na nona daucola yaragi, "Mo suaki au mai ena nomu i sele, de ra qai lako mai na sega ni cili oqo ka suasualaki au ka vakacacani au vakaca sara." Sa bese o nona daucolayaragi “ ni sa rere vakalevu. Sa taura ga na nona i sele o Saula ka davoca yani.

⁵Ni sa raica na nona daucola yaragi na ka sa cakava o Saula “ sa davoca talega na nona i sele ka mate vata kei Saula.

⁶O Saula, oiratou na luvena tolutolu, na nona daunicola yaragi kei ira kece na nona sotia, era sa mate kece ena siga o ya.

⁷Ni ra sa rogoca na Isireli ena yasa ka dua ni buca kei ira sa tiko ena yasa kadua ni Joritani ka raica talega ni ra sa dro na Isireli ka sa mate talega o Saula kei iratou na luvena; era sa dui biuta talega na nodra koro ka dro; era sa qai lako mai na Filisitia ka taukena.

⁸Sa qai yaco ena siga ka tarava, ni ra sa lako mai na Filisitia me ra kauta nai toki ni valu, era sa raici Saula kei iratou na luvena ni ratou sa mate tu ena Ulunivanua o Kiliboa.

⁹Era sa musuka na uluna ka taura na nona i yaragi ni valu ka vakauta nai tukutuku e Filisitia taucoko, me ra tukuna ena nodra valenilotu ni matakau vei ira kece talega na tamata.

¹⁰Era sa biuta tu nai yaragi nei Saula ena valenisoro nei Asitoreci, ka era sa vesuka tu na yagona ena lalaga kei Beci-Sani.

¹¹Ni ra sa rogoca na tiko e Jabesi-Kiliati na veika era cakava na Filisitia vei Saula,

¹²Era sa tucake na tamata qaqa ka lako ena bogi taucoko, ka kauta tani na yago i Saula kei iratou na luvena mai na lalaga e Beci-Sani “ ka era sa kauta mai e Jabesa ka vakama e kea.

¹³Era sa kauta na suidratou ka buluta ena vuni tamarisi e Jabesi ka lolo tiko me vitu na siga.