[54] 1 Timoci 2

¹O koya oqo au sa kerea vakabibi me caka mada e liu na masumasu, na veinanumi ena masu, na masu e sega ni cavuka, kei na vakavinavinaka me ia ena vukudra na tamata kecega.

²Ena vukudra talega na Tui kei ira na veiliutaki tiko, me rawa ni da vakavotuya cake tikoga kina na bula dina vaKalou sai koya na bula dina me bulataki.

³Ni ka oqo sa vinaka ka dodonu ena mata ni Kalou na noda i vakabula.

⁴Ni sa gadreva o Koya me vakabulai na tamata kece ka kila sara na dina.

⁵Ni sa dua ga na Kalou ka dua na dauveisorovaki ena maliwa ni tamata kei na Kalou, sa i Koya oqori o Jisu Karisito.

⁶Sa soli Koya me kedra i voli na tamata kecega, ena vakaraitaki koya ena gauna sa lokuci tu.

⁷Na ka oqo au sa lesi kina me'u kena dauvunau ka i apositolo talega “ Au sega ni tukuna tiko e dua nai tukutuku lasutaki, au tukuna tiko nai tukutuku dina baleti Karisito “ oi au na qasenivuli vei ira na kai matanitu tani ena vakabauta kei na dina.

⁸Au vinakata vei ira na tagane me ra daumasu ena vanua kecega, me ra laveta cake na ligadra savasava, me kua ni ra yalo ca tiko se ra vakatitiqa.

⁹Me vaka talega kina o ira na yalewa, mera dau daramaka nai sulu e rakorako, kei na bula e kilikili kei na yalo e malumalumu, me kua soti ni vakaivukivukitaki na ulu se va koula se na veimataniciva eso, se na veiveisau ni daramaki nai sulu sau lelevu,

¹⁰Ia vei ira na yalewa lotu e vinaka na bula e kilikili era sa vakaraitaka tiko, io me vakadinadinataki ena nodra cakacaka.

¹¹Me dau vulica na yalewa me dau vakamalumalumutaki koya, ka me dau sogota tiko na gusuna ena levu na gauna.

¹²Au sega ni vakatara e dua na yalewa me veivakavulici se me liutaka na tagane, ia me dabe ka galu tiko.

¹³Ni o Atama e buli e liu, qai buli e muri o Ivi.

¹⁴O Atama e sega ni rawai, na yalewa ga e a rawai ka vakavuna me rau talaidredre.

¹⁵Ena vueti cake tale kevaka me na vakaluveni ka bula taka tiko na vakabauta, na loloma, na yalosavasava kei na yalomatua.