[47] 2 Koronica 9

¹Ena vuku ni nodra qaravi o ira sa lotu, e bibi vei au me'u vola vei kemudou oqo;

²Ni'u sa kila na nomudou yalorawarawa, na ka oqo au vakadokadokai kemudou kina vei ira mai Masitonia, o ira mai Akaia era se vakarau tu mai ena yabaki sa oti; ia na nomudou loma katakata ena cakacaka e la'ki vei vakauqeti vei ira.

³Ia au sa talai iratou yani na veiwekani, me kakua ni ka wale na neitou vakadokadokai kemudou, ia me vaka au sa tukuna, mo dou vakarau tu;

⁴De mani so vei ira na kai Masitonia ena lako vata yani kei au, ka ra qai laki raica ni dou sega tu ni vakarau, keitou(na sega ni rawa ni vunia lo!) de keitou na qai mata madua ena ka keitou dau vakadokadoka.

⁵O koya oqo, au sa nanuma kina me ratou sa liu yani vei au o iratou oqo, me ratou sa na vakarautaka rawa nai solisoli loloma, dou sa kumuna rawa me vaka nomudou yalayala, vakarautaki tu ena yalo dina ni lomasoli ka sega ena vosakudrukudru kei na voraki.

⁶Ia au sa tukuna vaka oqo: O koya sa kaburaka vakalailai, ena tamusuka talega vakalailai, kei koya sa kaburaka vakalevu, ena tamusuka talega vakalevu.

⁷Me sa nakita rawa mai yalona na tamata yadua na ka me mai solia, me kakua ni vosa kudrukudrutaka se me voraki; ni sa vinakata na Kalou na soli ka ena yalo e mamarau.

⁸E sega ni dredre vua na Kalou, me vakasaututaki kemudou ena veiyau talei kecega mo dou vutuniyau tu kina, ka vakauasivi mo dou uasivi ena cakacaka vinaka kecega.

⁹Me vaka na ka sa volai: "Sa veiwaseyaka yani o koya, Ka sa solia vei ira na dravudravua; Na nonai valavala dodonu ena tudei tu me Sega ni mudu."

¹⁰Ia oqo, o koya sa vakarautaka na sore ni sila vua na daukabukaburaki, kei na madrai me kakana, me vakarautaka ka vakatubura nai tei dou kaburaka, me vuai yadrau mo dou na sega ni taqea rawa na vua ni nomudou i valavala dodonu,

¹¹Ni dou sa vakavutuniyautaki vakalevu ena ka kecega ena vuku ni nomudou lomasoli, o koya sa vakavuna me vakacaucautaki vakalevu na Kalou ena vukuda.

¹²Ena qaravi ni cakacaka oqo e sega walega ni sotavi kina na nodra gagadre na tamata lotu, ia eda sa vakasinaiti talega ena vakavinavinaka vua na Kalou.

¹³Ni sa laurai na vakavotukana ni nomudou cakacaka vua na Turaga, era na vakarokorokotaka na Kalou ena ka dou vakaraitaka mai na nomudou talairawarawa ki nai tukutuku vinaka kei Karisito, vakatalega kina nomudou wasea na nomudou i yau kivei ira kei ira na tamata kecega,

¹⁴Era na dau nanumi kemudou ena masu, ka na dau mositi ira tu na nomudou bula, ena nodra raica ka vakadinadinataka na loloma ni Kalou vei kemudou.

¹⁵Me ia na vakavinavinaka vua na Kalou, ena vuku ni nonai solisoli loloma,e dredre me vakamacalataki rawa!