[12] 2 Tui 20

¹Sa Vakabalavutaki Tale Na Bula Nei Esekaia 1 E na gauna o ya sa tauvimate o Esekaia ka mani voleka sara ni mate. Sa qai lako vei koya o Aisea na parofita na luvei Emosi ka tukuna vua, "Sa vosa vakaoqo o Jiova: 'Mo cokonaka vinaka na nomu vuvale, ni o na mate vakaidina ka sega ni bula.'"

²Sa qai vuki o koya kina lalaga, ka masu vei Jiova, ka vaka,

³"Mo ni nanuma mada oqo, i Jiova, au masu, e na noqu dau lako voli e Matamuni e na dina kei na yalododonu, ka'u sa cakava ga na ka e dodonu e Matamuni." Sa tagi vakalevu sara o Esekaia.

⁴Sa qai yaco, ni se qai yaco tikoga o Aisea e loma donu ni rara, sa yaco mai vei koya na vosa i Jiova, ka tukuna mai vua,

⁵"Mo lesu tale ka tukuna vei Esekaia na nodra i liuliu na Noqu tamata, 'Sa tukuna vakaoqo o Jiova, na Kalou nei Tevita na tamamu: "Au sa rogoca na nomu masu, Au sa raica na wai ni matamu, Au na vakabulai iko vakaidina. Ena i katolu ni siga o na cabe cake kina vale i Jiova.

⁶"Au na kuria tale na nomu siga me tinikalima tale na yabaki. Au na vakabulai iko kei na koro oqo mai na liga i tui Asiria; Ka'u na taqomaka na koro oqo e na Vukuqu, kei na vukuna na Noqu tamata o Tevita."'"

⁷Sa qai vosa o Aisea, ka tukuna. "Mo taura e dua na i buli lolo." Era sa taura ka buluta kina na nona bo, ka sa bula cake sara mai o koya.

⁸Sa qai tukuna o Esekaia vei Aisea, "Nai vakatakilakila cava e tiko ni na vakabulai au o Jiova, ka'u na lako cake talega kina ki na vale i Jiova e na i katolu ni gauna?"

⁹Sa qai vosa o Aisea, ka tukuna, "Sa i koya oqo na i vakatakilakila vei iko mai vei Jiova, ni na cakava o Jiova na ka e sa vosa oti kina o Koya; me toso i liu na i yaloyalo me tini na i kalawa se me suka tale i muri me tini na i kalawa?"

¹⁰Sa qai sauma yani o Esekaia, "E ka rawarawa ga na kena lako sobu na i yaloyalo me tini na i kalawa; sega, laiva mada me suka i muri na i yaloyalo me tini na i kalawa."

¹¹Sa qai kaci yani o Aisea vei Jiova, ka sa vakasuka tale mai o Koya na i yaloyalo me tini na i kalawa i muri, ka lako sobu kina na i vakatakilakila ni matanisiga i Easi.

¹²E na gauna o ya o Pirotaki-Palatani na luve i Palatani, na tui Papiloni, sa kauta e dua na i vola kei na ka ni loloma vei Esekaia, ni sa rogoca o koya ni tauvimate tiko o Esekaia.

¹³Sa vakarogoci iratou vakavinaka o Esekaia, ka vakatakila vei iratou na veivale taucoko ni nona i yau “ na siliva kei na koula, na kaloni kei na waiwai ni lumu, kei na nona i yaragi “ kei na ka kecega e kunei e na nona i yau. E sega tale e dua na ka me tiko e nona vale kei na nona matanitu e sega ni vakatakila vei ira o Esekaia.

¹⁴Sa qai lako o Aisea na parofita vei Tui Esekaia, ka tukuna vua, "Na cava e ratou tukuna na tamata oqo ka ra lako talega mai vei iko mai vei?" Sa tukuna sara o Esekaia, "Era lako mai na dua na matanitu yawa sara, mai Papiloni."

¹⁵Sa qai tukuna, "Na cava so era sa kunea ena nomu vale?" Sa sauma o Esekaia, "Era sa raica na ka kecega e tu e noqu vale; sega tale ni qai vo e dua na ka e na noqu i yau, ka'u sega ni vakatakila vei ira."

¹⁶Sa qai tukuna o Aisea, vei Esekaia, "Rogoca na vosa i Jiova:

¹⁷'Raica, sa lako tiko mai na siga, na ka kece oqori e tiko ena nomu vale, kei na veika kece era a binia tiko mai na nomu qase, me yacova na siga oqo, e na kau kece yani ki Papiloni; sega ni dua tale na ka me vo,' sa tukuna oqori o Jiova.

¹⁸'Era na kauta laivi talega e so na luvemudou tagane ka ra lako sobu mai vei kemudou, o koya dou na vakasucuma, ka ra na la'ki euniki (matanivanua) e na vale nei tui Papiloni.'"

¹⁹Sa qai tukuna o Esekaia vei Aisea, "Sa rui vinaka na vosa i Jiova o sa cavuta!" Ni sa tukuna o koya, "Ena sega beka na vakacegu kei na dina e na noqu veisiga?"

²⁰Ia na vo ni vei cakacaka kece i Esekaia “ nona kaukauwa, na nona a cakava rawa e dua na tobu wai kei na sala ni wai me vakau mai kina na wai ki na koro “ e sega li ni ra volai tu e na i vola tukutuku ni veigauna baleti ira na tui e Juta?

²¹Sa qai mai moce yani O Esekaia kei ira nona qase. Sa mani taura o Manasa na luvena na lewa me kena i sosomi.