[10] 2 Samuela 5

¹Na yavusa taucoko e Isireli era sa lako mai vei Tevita e Epironi ka tukuna, "Keimami sa nomu sui ka lewemu talega.

²"Ena veigauna sa oti ni sa tui tiko vei keimami o Saula, o iko ga sa liutaki Isireli yani ka kauti keimami lesu tale mai; sa tukuna vei iko o Jiova, 'O na vakatawani Isireli na Noqu tamata ka mo na lewa e Isireli.'"

³Era sa lako kece mai na qase e Isireli vua na tui e Epironi, sa cakava o Tevita na Tui e dua na veiyalayalati vata kei ira e Epironi ena mata i Jiova. Era sa lumuti Tevita me tui Isireli.

⁴Sa yabaki tolusagavulu o Tevita ni vakatekivu na nona lewa, ka sa lewa tiko e Isireli me vasagavulu na yabaki.

⁵Mai Epironi sa lewa tiko e Juta me vitu na yabaki ono na vula, mai Jerusalemi sa lewa kina me tolusagavulu ka tolu na yabaki e Isireli kei Juta.

⁶Na tui kei ira na nona tamata era sa lako ki Jerusalemi me ra valuti na Jepusaiti, o ira sa tiko ena vanua “ o ira sa vosa oti vei Tevita ka vaka: "Mo kua ni lako mai ki ke; o ira na mataboko kei na wamalai era na vakasavi iko." Ni sa nanuma, "Ni o Tevita ena sega ni lako yani ki kea."

⁷Ia, o Tevita sa taura na bai kaukauwa kei Saioni. (oqori na Koro i Tevita).

⁸Sa tukuna o Tevita ena siga o ya, "O koya sa kaba cake mai na yasana ni wai ka vakadrukai ira na Jepusaiti (na mataboko kei na wamalai “ o ira sa cati vakalevu mai vei Tevita) erna digitaki me i liuliu ka kavetani talega." Era sa tukuna kina, "O ira na mataboko kei ira na wamalai era na sega ni lako mai ki vale."

⁹Sa tiko o Tevita ena vanua qaqa ka vakatoka me "na Koro i Tevita." Sa qai taratara cake wavoki o Tevita mai kea ka kauta yani ki loma.

¹⁰Sa toso tiko o Tevita ka sa yaco me levu sara. Sa tiko vata kei koya o Jiova sa cecere sara.

¹¹O Irami na tui Taia, sa vakau daunitukutuku vei Tevita, kei na veivuni-Sitari, kei ira na dautaravale kei na dautavatu. Era sa tara e dua na vale vei Tevita.

¹²Sa kila o Tevita ni sa vakadeitaki koya o Jiova me tui e Isireli, ka sa vakacerecerea talega na Nona matanitu ena vukudra na Nona tamata na Isireli.

¹³Sa tauri ira na watina lalai kei na watina lelevu e Jerusalemi, ena nona lako mai Epironi. Era sa vakasucuma vei Tevita e levu na luvena tagane kei na yalewa.

¹⁴Oqo na yacadra sa vakasucumi vua mai Jerusalemi: O Samua, o Sobaba, o Nacani, o Solomoni,

¹⁵O Ibari, o Ilisua, o Nefeki, o Javia,

¹⁶O Ilisama, o Iliada kei Iliveleti. Era Sa Vakadrukai Na Filisitia

¹⁷Era sa rogoca na Filisitia ni ra sa lumuti Tevita me tui Isireli. Era sa lako cake kece na Filisitia me vakasaqarai Tevita. Sa rogoca o Tevita, ka sa lako sobu ki na bai ni koro kaukauwa.

¹⁸Era sa lako talega na Filisitia me toka wawa ena Buca mai Refaimi.

¹⁹Sa vakatarogi Jiova o Tevita ka vaka: "O ni na soli ira beka ki ligaqu?" Sa sauma mai o Jiova, "Mo lako cake, Ni'u na soli ira vakaidina ki na ligamu."

²⁰Sa lako o Tevita ki Peali-Perasimi, ka sa vakadrukai ira mai kea, ka tukuna, "O Jiova sa musuka rua na meca e mataqu, me vaka sa curumi yani na wai." Sa vakayacani kina na vanua o ya me Peali-Perasimi.

²¹Era sa biuta tu e kea na nodra matakau, o Tevita kei ira na nona tamata era sa kauta tani yani.

²²Era sa lako cake na Filisitia ka tovolea me tuvani ira tale ena Buca mai Refaimi.

²³Ni sa vakatarogi Jiova tale o Tevita, sa sauma mai o Jiova, "Mo kua ni lako cake; mo lako wavokiti ira ga ka lako cake yani mai na veivuniberi.

²⁴"Ni o sa rogoca na rorogo ni tuva vakaivalu mai na veivunikau (beri), mo ni basuka sara yani vakatotolo. O Jiova ena lako yani ena vukumuni e matamuni me samuti ira na mataivalu ni Filisitia."

²⁵Sa cakava vakakina o Tevita, me vaka sa vakaroti koya kina o Jiova; sa vakasavi ira na Filisitia mai Kipa ka yaco sara ki Qasa.