[10] 2 Samuela 6

¹O Tevita sa soqoni ira vata tale na tamata digitaki ni Isireli e tolusagavulu na udolu.

²Sa tucake o Tevita ka lako vata kei ira na tamata mai Baele e Juta me kauta cake mai na Kato ni Kalou na yacana sa kacivi ena yaca na Kalou sa Cecere o koya sa tiko ena maliwa ni Jerupi.

³Era sa biuta na Kato ni Kalou ena dua na qiqi vou ka kauta tani mai na vale nei Epinatavi o koya sa toka ena delana. O Usa kei Aio na luvei Epinatave, e rau sa vakauta yani na qiqi.

⁴E rau sa kauta tani mai na vale nei Epinatavi “ sa toka e delana, ka lako vata mai na Kato; sa liu tiko o Ai.

⁵O Tevita kei ira kece na Isireli era sa qiria tiko nai vakatagi ena mata i Jiova, ena i yaya ni vakatagi dui veimataqali caka ena kau, na api, na kena mataqali vakawa, na tibereli, na dramu kei na sibali.

⁶Ni ra sa lako mai ki na vanua ni butu sila nei Nakoni, sa tara yani na Kato ni Kalou o Usa ni sa taloki na bulumakau sa tuya tiko na qiqi.

⁷Na cudru i Jiova sa tarai Usa, ka sa samuti koya na Kalou ena vuku ni nona cala; sa mate e kea ena yasa ni Kato ni Kalou.

⁸Sa cudru vakalevu o Tevita ena vuku ni veika sa cakava o Jiova vei Usa, sa vakatoka kina na yaca ni vanua o ya me Veresi-Usa me yacova na siga oqo.

⁹Sa rerevaki Jiova ena siga o ya o Tevita; ka tukuna, "Me na lako vakacava mai vei au na Kato ni Kalou?"

¹⁰Sa sega ni kauta na Kato i Jiova o Tevita vata kei koya ki na koro i Tevita; sa kauta o Tevita vakatikitiki ki na vale nei Opeti-Etomi na Kitaiti.

¹¹Sa tiko ga na 'Kato i Jiova' ena vale nei Opeti- Etomi nai Kitaiti me tolu na vula. Sa vakalouvinakataki iratou o Jiova kei na nodratou veika kece.

¹²Sa tukuni vua na Tui o Tevita ka vaka: "Na Kalou sa vakalouvinakataka na vale nei Opet- Itomi kei na ka kecega sa nona, baleta na Kato ni Kalou." Sa lako o Tevita me kauta mai na Kato ni Kalou mai na vale nei Opeti-Itomi ki na Koro i Tevita ena mamarau.

¹³Ni ra sa tekivu tiko nai tosotoso ni Kato ni Kalou, era sa tekivu me vakacabora na bulumakau kei sipi.

¹⁴Sa tekivu me meke tiko o Tevita ena mata i Jiova, ena nona vinaka taucoko; sa daramaka tiko e dua na Efoti lineni.

¹⁵O Tevita, kei ira kece na Isireli, era sa kauta cake mai na Kato i Jiova ena kaikaila kei na domo ni davui.

¹⁶Ni sa kau cake tiko mai na Kato i Jiova ki na Koro i Tevita, o Mikeli na luvei Saula sa rai tiko yani ena katuba leka, ka sa raici Tevita ni sa ladelade tiko ena mamarau ena mata i Jiova; na yalona sa beci Tevita sara ga vakalevu.

¹⁷Era sa kauta mai na Kato i Jiova, ka biuta ena loma ni vale ni veitavaki sa vakarautaka o Tevita. Sa vakacabora o Tevita nai soro kama kei nai soro ni veivinakati vei Jiova.

¹⁸Ni sa oti na nona vakacabora nai soro kama kei nai soro ni veivinakati; sa vosa vakalouvinakataki ira na tamata ena yaca i Jiova ni lewevuqa.

¹⁹Sa qai wasea vei ira na tamata kecega, vei ira na Isireli taucoko, na yalewa, na tagane, e dua nai buli madrai kei na lewe ni manumanu kei na vua ni vaini. Era sa lako kece na tamata ki na nodra dui veivale.

²⁰Sa lesu mai o Tevita me vakalouvinakataka na nona vuvale. O Mikeli na luvei Saula sa lako mai me sotavi Tevita ka tukuna sara, "Sa rui totoka na tui Isireli ena siga oqo ni sa sega ni ubi koya e dai ena matadra na nona goneyalewa, me vaka e dua na tamata wale sa sega ni madua ni luva sote tu!"

²¹Sa tukuna o Tevita vei Mikeli. "Au sa cakava oqo vei Jiova, o koya sa digitaki au ka sega ni o tamamu kei na nona vuvale, ka sa digitaki au me'u lewa vei ira na Nona tamata e Isireli. O koya oqo, au na qiria kina nai vakatagi e mata i Jiova.

²²"Au na vinaka cake sara mai na kena oqo, au na vakamalumalumutaki e mataqu, vei ira na noqu goneyalewa o koya o sa vosa kina, mai vei ira ga, era na vakarokorokotaki au tikoga."

²³Sa sega ni vakaluveni o Mikeli na luvei Saula me yacova na nona mate.