[30] Emosi 3

¹Dou rogoca na vosa i Jiova, sa vosataka me baleti kemudou na Isireli ka baleta na mataqali kecega, Au a kauta cake mai na vanua o Ijipita, ka vaka:

²"Oi kemudou duadua Au kila mai na veimataqali tale eso e vuravura; o koya oqo Au na cudruvi kemudou ena nomudou caka cala."

³E rawa li vei rau e lewe rua me rau lako vata, kevaka e rau sega tu ni yalovata?

⁴E rawa li ni tagi na laione mai veikau, ni sa sega ni dua na kena? Ena tagi li na luve ni laione mai na nona qara ni sa sega na kena?

⁵E rawa li ni vesuki e dua na manumanu vuka kevaka me sega na kena dai? E rawa li ni cariba na dai kevaka me sega ni dua na manumanu e coko kina?

⁶Kevaka me uvuci na davui ena koro, e rawa li ni ra rere kina na tamata? Kevaka me dua na rogorogo ca e yaco, e sega beka ni a vakavuna o Jiova?

⁷E dina sara ni sega ni dua na ka me vakayacora na Kalou o Jiova. E dau qai vakatakila tikoga nona ka vuni vei ira nona tamata na parofita.

⁸Ni sa tagi mai na laione! O cei me sega ni rere? Ni sa vosa na Kalou o Jiova! O cei e rawa ni ia na parofisai?

⁹"Dou kacivaka ena veivanua mai Asitoti, kei na veivanua mai Ijipita, ka vaka, 'Dou vakasoqoni vata mai ena ulunivanua o Samaria; sa toso tiko mai e dua na rorogo kosakosa, ka levu era sa vakasaurarataki tiko kina.

¹⁰Ni ra sa sega ni kila na caka dodonu,' sa tukuna o Jiova, 'Era vakayaco i tovo kaukauwa kei na butako ena nodra vei tikotiko.'"

¹¹O koya oqo sa tukuna o Jiova: "Ena dua na meca ena vakayacora ena vanua taucoko; ena kauta tani nomu kaukauwa, na nomudou vei vale ena ravubasuki."

¹²Sa tukuna o Jiova: "Me vaka nona kaliraka tani mai ena gusu ni laione nai vakatawa, e rua na yava se dua na tiki ni daliga, ena vaka kina na mataqali i Isireli ena nodra kau tani ka vakatikori Samaria O kina tutu ni davodavo kei na bati ni mocemoce balavu!

¹³Mo rogoca ka tusanaka na mataqali i Jekope," sa tukuna na Kalou o Jiova, na Kalou Ni lewe vuqa,

¹⁴"Ena siga dina o ya Au na cudruvi Isireli ena vuku ni nona talaidredre, Au na la'ki vakaraica na vakacacani ni cabocabo ni soro mai Peceli; na i leu balavu ena i cabocabo ni soro ena musu laivi me bale sobu kina qele.

¹⁵Au na vakarusa laivi na vale ni draki katakata, kei na vale ni draki batabata; na vale ni qaravi Kalou matakau ena vakarusai, kei na veivale dau dokai ena talaraki sobu," sa tukuna o Jiova.