[30] Emosi 4

¹Dou rogoca na vosa oqo, oi kemudou na bulumakau ni Pasani, ka tiko ena ulunivanua o Samaria, o koya ka vakasaurarataki ira na dravudravua, ka vakalolomataki ira na luveniyali, ka dau tukuna vua na watimu, "Mo kauta mai na yaqona, meda mai gunu!"

²Sa bubului na Turaga o Jiova ka sa cavuta na nona yalododonu: "Raica, ena yaco na gauna ena kauti kemuni tani kina o Koya ena bati ni siwa, na nomudou kawa era na siwati talega.

³Dou na curuma na bai sa kasura tu, dou na veituitui veitaravi yani, dou na laki biu sara ki Amoni," sa tukuna o Jiova.

⁴"Dou lako mai Peceli ka mai murimuria na lomamudou ki Kilikali dou tosoa cake sara, na talaidredre, dou kauta mai nomudou i soro ena vei mataka, kei na nomudou i katini ena vei katolu ni siga.

⁵Dou vakacabora talega nai soro ni vakavinavinaka sa vakatubutaki, mo kacivaka ka vunautaka na soli ni madrali ni vakavinavinaka; mo dou vakaraitaka kina nomudou loloma, oi kemudou na mataqali i Isireli!" sa tukuna na Kalou o Jiova.

⁶"Au solia vei kemudou na masi ni bati e nomudou veikoro lelevu. Ni oti koso na kemudou madrai dou sega ni bau via lesu mai vei au." Sa tukuna o Jiova.

⁷"Au sa tarova vei kemudou na uca, ni se vo e tolu na vula me ia na tatamusuki. Au vakatauca na uca ena dua na yasa ni koro, Au tarova tu na uca me kua ni tau ena dua na yasa ni koro. Ni dua na yasana e tau kina na uca, e dua na yasana e lauqa ni sega ni tau kina na uca.

⁸Ena rua na koro se tolu, era na vakasaqaqara mera gunu wai, ia era na sega ni gunu rawa; dou a sega tikoga ni via lesu mai vei Au," sa tukuna o Jiova.

⁹"Au na ceburaka vei kemudou na manumanu ni kau kei na vila kevaka sa levu mai nomudou i teitei. Nomudou were ni vaini, nomudou vei lolo, kei na nomudou vei vuni olive era na kanilaka na vodre; dou se sega tikoga ni via lesu mai vei au," sa tukuna o Jiova.

¹⁰"Au a tala vei kemudou na mate dauveitauvi vaka “ Ijipita; au a vakamatei ira nomudou cauravou ena i seleiwau, kei ira vata tukuna nomudou ose ka ra a vesuki tale tu ga ena veivakabobulataki; au vakatubura cake nai boi gaga mai na nomudou keba me curuma na ucumudou; io dou qai sega tikoga ni via lesu mai vei au," sa tukuna o Jiova.

¹¹"Au a taura vakaukauwa eso mai vei kemudou, me vaka na kena tauri Sotoma kei Komora vakaukauwa na Kalou, dou a vaka tu na kau ni sa kama oti, io dou se sega tikoga ni via lesu mai vei Au," sa tukuna o Jiova.

¹²"O koya oqo Au na kitaka kina vaka oqo, Isireli, vei iko Au na vakayacora, mo vakarautaki iko, mo drau na sota kei na nomu Kalou, O iko Isireli!"

¹³Mo raica, ni sai Koya ka bulia na veiulunivanua, ka vakatubura na cagi, ka sa tukuna vua na tamata na ka sa dau vakanananu kina, o Koya sa cakava na mataka ni vakarau kida me butobuto mada, ka dau lakova na veiyasana cecere kei vuravura Ona yacana o Jiova, na Kalou ni lewe vuqa.