[5] Vakarua 15

¹"Ni sa mai cava e vitu na yabaki, mo ni qai vakatara me sa boko kece na dinau.

²"Me vaka oqo na kenai vakarau: o ira kece sa solia na dinau vei ira na wekana me ra solia na veivakagalalataki; me kua tale ni taroga mai vua na wekana se tacina, ni sa vakatokai oqo, na veivakagalalataki i Jiova.

³"Mai vei ira na vulagi e rawa ni kemuni taura; ia, mai vei ira na tacimuni e dodonu mo vakagalalataki ira,

⁴"Vakavo ga, ke sa sega na dravudravua ena kemuni maliwa; ni o Jiova sa veivakasaututaki oti ena vanua sa solia veikemuni mo ni taukena me vaka na nomuni votavota “

⁵"Ni kemuni sa vakarorogo vakavinaka ga ki na domo i Jiova na nomuni Kalou, ka qarauna moni maroroya vakavinaka na i vakaro kecega sa vakaroti vei kemuni e daidai.

⁶"Na Kalou o Jiova ena vakalouvinakataki kemuni, mo ni vaka sa yalataka vei kemuni; Mo ni dausolia vei ira na veimatanitu, mo ni kua ga ni taura mai vei ira; mo ni lewa vei ira na veimatanitu, me kua ga ni ra lewa mai veikemuni e dua na ka.

⁷"Kevaka sa tiko veikemuni e dua na dravudravua mai vei ira na tacimuni ena nomuni tikotiko sa solia vei kemuni o Jiova na nomuni Kalou, mo ni kua ni yalo ca vei ira se bese ni dodoka na ligamuni mai ki vei ira na tacimuni dravudravua oqo,

⁸Mo ni dolava ga na ligamuni vakalevu vei ira, ka gadreva vakalevu me vukea na nodra leqa se leqa cava ga.

⁹"Mo ni qarauna ga de so na vakanananu ca e lako mai veikemuni mo ni tukuna kina, nai ka vitu ni yabaki na yabaki ni veisereki, ka sa tekivu me ca mai kina na yalomuni vua na tacimuni dravudravua ka sega ni solia vua e dua na ka, sa na qai tagi vua na Kalou o koya ena vukumuni, sa na qai dina kina nai valavala ca ena kemuni maliwa.

¹⁰"E dodonu mo ni solia dina vua, me kua na yaloca mai veikemuni ni o ni sa solia e dua na ka, baleta ena veika kece oqo sa dauveivakalouvinakataki kina o Jiova, ena nomuni cakacaka kei na ka kece sa tara na ligamuni.

¹¹"Era na sega ni yali na dravudravua mai na vanua; au sa vakarota kina, 'mo ni dolava na ligamuni vei ira na tacimuni, vei ira na dravudravua vei ira talega era gadreva na veivuke ena vanua.'

¹²"Kevaka sa dua na tacimuni, yalewa se tagane e Iperiu, sa volitaki veikemuni, ka sa qaravi kemuni me ono na yabaki ena i ka vitu ni yabaki mo ni qai sereki koya me lako ena galala.

¹³"Ni kemuni sa sereki koya, me kua ni lako ena liga lala;

¹⁴"Mo ni solia vei koya na veika mai na nomuni loma ni bai, na veika mai na rara ni butu sila, na veika mai na i vurevure ni waini. Na veika sa vakasaututaki kemuni kina na Kalou mo ni solia vakayalovinaka vei ira.

¹⁵"Mo ni kila ga ni o ni a tiko vakabobula mai Ijipita, sa qai voli kemuni lesu mai na Kalou o Jiova; o koya oqo au sa vakarota ki na veikemuni na ka oqo.

¹⁶"Kevaka sa mani yaco me sa tukuna mai, au na sega ni lako tani mai veikemuni baleta ni'u sa lomani kemuni kei na nomuni vale, ni'u sa bula vinaka talega mai vei kemuni.

¹⁷"Mo ni qai cula na daligana me i vakatakilakila ni sa nomuni tamata me Sega ni mudu. Me caka talega vaka o ya vei ira na yalewa.

¹⁸Ena sega ni dredre mo ni vakatalai koya wale tu ga; ni sa vaka tu ga e lewe rua o koya ena loma ni ono na yabaki. Na Kalou ena vakasaututaki iko ena ka kecega o cakava.

¹⁹"Na ulumatua ni manumanu kecega e ka tagane me vakatabui vua na Kalou; me kua ni vakacakacakataki se koti na vutidra.

²⁰"Oi kemuni kei ira na nomuni vuvale mo ni kana tiko ena matani Kalou o Jiova ena yabaki kei na veiyabaki ena vanua sa digitaki oti o Jiova.

²¹"Kevaka sa kune kina e dua na ka ca, kevaka sa lokiloki se mataboko se dua sa ca sara kina vakalevu, mo ni qai kua ni vakacabora vei Jiova na Nomuni Kalou.

²²"Mo ni qai kania ga ena loma ni nomuni bai; o ira sa tawasavasava kei na savasava na dia ni veikau lalai se na dia ni vanua.

²³"Mo ni kakua ga ni kania na kena dra; me sova laivi yani ena qele me vaka na wai.