[2] Lako Yani 2

¹Sa dua na tagane mai na vale i Livai, sa lako ka taura me watina e dua na goneyalewa luvena e dua na Livai.

²Sa kunekune sara na goneyalewa oqo ka vakasucuma e dua na gone tagane. Ni sa raica o tinana ni sa mata vinaka na gone, sa qai vunitaki koya me tolu na vula.

³Ni sa dredre tiko na kena vunitaki na gone, sa botana vinaka e dua na sova e na drega kabi vinaka, ka biuta kina na gone, ka vakacirima yani ki uciwai.

⁴Sa tu vakayawa yani o ganena me vakaraica tiko se cava ena yaco vua.

⁵Sa lako mai o luvei Fero goneyalewa, me mai sisili e wai. Sa lako voli na nona dauveiqaravi ena bati ni uciwai; sa raica sara na sova ni sa ciri tiko e wai ka sa kaciva na nona dauveiqaravi me kauta mai vua.

⁶Ni sa dolava na sova, sa raica e dua na gone ni sa tagi tiko, sa qai lomana vakalevu, ka tukuna, "Oqo sara ga e dua na luve ni Ipiriu."

⁷Sa tukuna sara o ganena vei luvei Fero, "O vinakata me lako mai e dua vei ira na yalewa ni Ipiriu me mai qarava vei iko na gone?"

⁸Sa tukuna na luvei Fero, "Mo lako," sa lako o ganena ka kauti tinana mai.

⁹Sa tukuna na luvei Fero vei tinana, "Kauta na gone ka qaravi koya vinaka ena vukuqu, au na solia na kemu i sau." Sa kauta na gone ka susuga.

¹⁰Sa tubu levu na gone ka sa kau lesu tale vei na luvei Fero yalewa, sa yaco me luvena. Sa vakayacani koya sara o Mosese ka tukuna kina, "Baleta ni'u sa kauti koya tani mai wai."

¹¹Ni sa oti na veika oqo, ena nona sa tubu cake o Mosese me yalomatua mai, sa lako ki vei ira na tacina me raica na nodra vakaocai. Sa raica e dua na Ijipita ni sa kuitataka tiko e dua na Iperiu, e dua vei ira na tacina.

¹²Sa veiraiyaki o koya, ni sa sega ni raica e dua, sa vakamatea na kai Ijipita ka buluta ena veinuku.

¹³Ni sa lako tale yani ena i ka rua ni siga, e rau sa veivala tiko e rua na Iperiu, sa vosa sara veikoya sa vakavuna na veivala, "Na cava o sa mokuta tiko kina na nomu i tokani?"

¹⁴Sa sauma mai o koya sa veimoku tiko, "O cei sa lewa mo mai vakatulewa vei keirau?" O sa nanuma beka mo mai vakamatei au me vaka o sa vakamatea na kai Ijipita o ya? Sa rere o Mosese ka vaka: "Sa dina, sa kilai na veika oqo!"

¹⁵Sa rogoca o Fero na veika oqo, ka sa vakasaga me vakamatei Mosese. Sa dro o Mosese mai na matai Fero ka la'ki tiko ena vanua vakamitiani; sa la'ki dabe sobu ena dua na mata ni wai.

¹⁶Na bete mai Mitiani sa vitu tiko na luvena yalewa. Era sa lako mai me taki wai, sa taura tiko na wai me ra gunu na manumanu nei tamadra.

¹⁷Era sa lako mai na i vakatawa ka vakasavi ira tani; ia, o Mosese sa tucake mai ka vukei ira na goneyalewa oqo, ena nodra vagunuvi na manumanu.

¹⁸Ni ra sa lako mai vei Rueli na tamadra, sa taro sara yani o tamadra, "Sa vakacava ni oqo o ni sa lako mai vakatotolo e dai?"

¹⁹Era sa sauma mai, "E dua na kai Ijipita sa vukei keimami mai na ligadra na i vakatawa, o koya talega sa vukei keimami ena taki wai, me ra gunu kina na manumanu."

²⁰Sa tarogi ira na luvena yalewa ka vaka: "Sai vei o koya? Ena cava dou sa biuti koya kina? Me kacivi mai, me mai kana madrai mada."

²¹Sa vinaka na yalo i Mosese me ratou tiko vata mada, sa solia na luvena yalewa o Sipora vei Mosese me watina.

²²Sa vakasucuma o Sipora e dua na luvena tagane ka vakayacani koya o Kerisoni ni sa tukuna, "Au sa vulagi tiko ena dua na vanua tani."

²³Sa qai yaco ni sa toso tiko na gauna sa mate na tui mai Ijipita. Era sa tagi vakalevu na Isireli ena vuku ni veivakabobulataki, era sa tabalaka na domodra ka sa lako yani vua na Kalou na nodra tagi ena vuku ni nodra vesuki.

²⁴Sa rogoca na Kalou na nodra tagi ka sa nanuma na Kalou na Nona veiyalayalati kei Eparaama kei Aisake kei Jekope.

²⁵Na Kalou sa rai vei ira na luvei Isireli, Na Kalou sa rogoci ira ka vaka io kina.