[2] Lako Yani 4

¹Sa sauma o Mosese ka vaka: "Vakacava kevaka era sa sega ni vakabauti au ka sega ni via rogoca na domoqu; me ra tukuna kina, 'O Jiova sa sega ni rairai vei iko.'"

²Sa vosa vua o Jiova ka vaka: "Na cava sa tiko oqori e ligamu?" "Na i titoko," sa sauma mai o koya.

³"Viritaka ki na qele,"sa viritaki ki na qele sa vuki me gata ka sa dro mai kea o Mosese.

⁴Sa vosa tale na Kalou vei Mosese, "Mo dodoka yani na ligana ka taura na buina," (sa dodoka yani na ligana ka taura na buina ka sa vuki tale me titoko e ligana),

⁵"Me ra vakabauta kina ni o Jiova na nodra Kalou na nomuni qase, na Kalou i Eparama, na Kalou i Aisake, na Kalou i Jekope sa vakatakilai koya vei iko."

⁶Sa tukuna tale vua o Jiova, "Biuta na ligamu e vuremu." Sa cakava vaka kina o Mosese, ena gauna sa kauta tani mai kina, sa seka vula ena vukavuka.

⁷Sa tukuna tale vua o Jiova, "Biuta tale na ligamu e vuremu." Sa cakava tale vaka kina, ka sa yaco me savasava me vaka ga e liu.

⁸"Ena yaco dina vaka kina, kevaka era sa sega ni vakabauti iko, se era sa sega ni via kila na i tukutuku ni matai ni vakatakilakila, me ra sa vakabauta na i tukutuku ni ka sa yaco oqo e ligamu.

⁹"Ena yaco kevaka era na sega ni vakabauta nai vakatakilakila e rua oqo, se vakarorogo ki na domomu, mo qai kauta mai na wai mai na uciwai ka sova ki na qele mamaca, na wai oqori ena vuki me dra ena qele mamaca."

¹⁰Sa tukuna vei Jiova o Mosese, "Noqu Turaga au sa sakasaka ena vosa, e sega e liu ka yacova mai na Nomuni sa qai vosa oqo vua na Nomuni tamata; au sa berabera ni vosa ka yame kaka."

¹¹Sa tukuna vua o Jiova, "O cei sa bulia na gusu ni tamata? Se, o cei sa cakava me ra galu na tamata, me ra vara, me ra rai se mataboko? Sa sega beka ni oi Au, o Jiova?

¹²"Mo lako, ka, au na tiko vata kei na gusumu ka vakavulici iko ena ka mo tukuna."

¹³Ia, sa tukuna mai o Mosese, "I Jiova, mo ni tala tale e dua o ni sa vinakata me tala."

¹⁴Sa cudruvi Mosese vakaukauwa o Jiova ka sa tukuna kina: "Sa sega beka ni tacimu o Eroni na Livai? Au sa kila ni gusu matata ni vosa o koya. Raica sa lako talega mai o koya me tavaki iko. Ni sa raici iko o koya ena mamarau na yalona.

¹⁵"Mo vosa vua ka biuta na vosa e gusuna, Au na tiko vata na gusumu, Au na tiko vata talega na gusuna, Au na vakavulici iko ena ka mo cakava.

¹⁶"Me nomu gusu ni vosa o koya vei ira na tamata. o koya me vaka na gusu vei iko.

¹⁷"Mo kauta na i titoko oqo e ligamu, mo na vakayagataka me caka kina na i vakatakilakila eso."

¹⁸Sa lesu o Mosese vei nona momo o Jacoro ka tukuna vua: "Au kerea mo laivi au me'u lesu tale vei ira na taciqu era tiko mai Ijipita, me'u la'ki raica se era se bula tiko se sega." Sa tukuna o Jacoro vei Mosese, "Mo lako ena vakacegu."

¹⁹Sa vosa vei Mosese o Jiova mai Mitiani, "Mo lesu tale ki Ijipita; o ira kece sa vinakata mo vakamatei, era sa yali yani."

²⁰Sa vakavodoka na watina kei rau na luvena ki na asa, ka lesu ki na vanua o Ijipita. Sa taura tiko nai titoko ni Kalou e ligana.

²¹Sa tukuna o Jiova vei Mosese, "Ni o sa lesu tale ki Ijipita, mo raica ni caka kece nai vakatakilakila e matai Fero, me vaka au sa biuta e ligamu Au na vakayaloqataki koya me kua kina ni sereki ira na Isireli.

²²"Mo tukuna kina vei Fero, 'Sa tukuna vaka oqo o Jiova, "O Isireli sa Luvequ dina, na Noqu ulumatua."

²³"Au sa tukuna vei iko, laivi na Luvequ me lako me mai qaravi Au. Kevaka o sa sega ni via sereki koya, mo kila, Ni'u na vakamatei na luvemu, na nomu ulumatua."'"

²⁴Sa yaco na gauna, ni rau sa sota kei Jiova, ka sa vinakata me vakamatei koya.

²⁵Sa taura o Sipora e dua na vatu gata ka ciliva na luvena ka biuta e yavai Mosese ka tukuna, "Mo kila, ni o sa watiqu ena dra vei au!"

²⁶Sa laivi koya me lako, sa qai tukuna Sipora, "O iko na tagane vakawati ni dra!" ” baleta na veicilivi.

²⁷Sa vosa o Jiova vei Eroni, "Lako ki na vanua liwa mo drau sota kei Mosese." Ni rau sa sota ena ulunivanua i Jiova, mo reguci koya.

²⁸Sa tukuna o Mosese vei Eroni na vosa kece i Jiova, o koya sa veitalai mai, kei na i vakatakilakila sa vakaroti mai vua.

²⁹O Mosese kei Eroni e rau sa lako ka vakasoqoni ira kece mai na na qase ni Isireli.

³⁰O Eroni sa vosataka kece na veika sa vosa kina na Kalou vei Mosese. Sa qai cakava nai vakatakilakila ena matadra na tamata.

³¹Era sa vakabauta na tamata; ni ra sa rogoca ni sa talevi ira tale na Nona tamata na Isireli o Jiova, ka sa raica talega na nodra vakararawataki, era sa vakacuva na uludra ka lotu vua.