[2] Lako Yani 5

¹Sa oti oqo, "E rau sa lako o Mosese kei Eroni ka vosa vei Fero ka vaka: 'Laivi ira na Noqu tamata me ra lako ka Solevu vei Au ena vanua liwa, sa tukuna o Jiova.'"

²Sa sauma mai o Fero, "O cei o Jiova me'u rogoca na domona ka sereki ira na Isireli me ra lako? Au sa sega ni kilai Jiova ka sega talega ni laivi ira na Isireli me ra lako."

³E rau sa tukuna, "Na nodra kalou na Iperiu sa rairai oti vei keirau, me keimami lako mada me tolu na siga ki na vanua liwa me vakacaboi soro vei Jiova na neimami Kalou, de qai saumi keimami ena mate ca, se e na i sele i wau."

⁴Sa tukuna vei rau na tui Ijipita, "Mosese kei Eroni, na cava drau sa via kauti ira tani kina na tamata mai na nodra cakacaka? Me ra lesu tale ki na veika era sa cakava tiko."

⁵Sa tukuna mai o Fero, "Raica era sa lewe levu mai na tamata ena vanua, drau sa qai cakava tale me ra cegu mai na nodra cakacaka!"

⁶Ena siga tiko ga o ya sa vakarota o Fero vei ira na i liuliu ni cakacaka kei ira na veiliutaki tiko ka vaka,

⁷"Me kua tale ni soli na sasa me ra bulia kina na vatubuli me vaka e liu. Me ra lako sara ga o ira me ra la'ki kumuni sasa mai.

⁸"Me ra vakai colacolataki ena i votavota ni vatubuli era sa dau cakava e liu. Me kua ni vakalailaitaki, ni ra sa ka wale; era sa tagi tiko ga ka tukuna tiko, 'Me da lako ka vakacaboi soro ki vua na noda Kalou.'

⁹"Me soli vakalevu vei ira na cakacaka me ra cakava tiko, me ra kua kina na veika e lasu."

¹⁰O ira na i liuliu ni cakacaka kei ira na veiliutaki ena cakacaka, era sa lako ka vosa vei ira na tamata ka vaka: "Sa tukuna mai o Fero, 'Au na sega ni soli vei kemuni na sasa.

¹¹'Mo ni lako ka vakasaqara na sasa ena vanua cava ga o ni na kunea kina; ena sega ni vakamamadataki na nomuni cakacaka.'"

¹²Era sa lako yani ki na vanua o Ijipita taucoko me ra vakasaqara mai kina na sasa.

¹³Era sa vakatotolotaki mai vei ira na i liuliu ni cakacaka ka vaka: "Mo ni cakava na cakacaka o ni sa daucakava ena veisiga, me vaka ga sa sinai tu na sasa."

¹⁴O ira talega na luvei Isireli era sa veiliutaki, me ra liutaka eso na i wasewase ni cakacaka, era sa totogitaki talega mai vei ira na veiliutaki i Fero, ka ra sa tarogi, " A cava o ni sega kina ni yacova na i yalayala ni cakacaka ena dua na siga me vaka e liu?"

¹⁵Era sa lako mai Fero ka tagi o ira na Isireli sa wasei tu me ra liutaka eso na cakacaka ka vaka: "Ena cava o sa cakacaka kina vakaoqo vei ira na nomuni dauveiqaravi?

¹⁶"Sa sega na sasa e soli vua na nomu tamata, ka ra tukuna vei keimami, 'Cakava na vatubuli! E dina era sa kuitataki na nomuni dauveiqaravi, ia na cala sa tiko vei ira na nomuni tamata."

¹⁷Sa tukuna mai o koya, "O ni sa vucesa ga! O ni sa vucesa ga! O ni sa tukuna tiko kina, 'Me da lako cake ka vakacaboi soro vei Jiova.'

¹⁸"O koya oqo mo ni lako ka cakacaka ni sa sega ni soli vei kemuni e dua na sasa, ia, me kau ga mai na i yalayala ni vatubuli e dodonu me caka ena dua na siga."

¹⁹Era sa raica na luvei Isireli ni sa tarai ira na leqa ni sa tukuni oti vei ira, "Me kua ni lailai na i wiliwili ni nomuni vatubuli me vaka na i yalayala ni dua na siga."

²⁰Ni ra sa lesu mai vei Fero, era sa mai sota sara kei Mosese kei Eroni, ni rau sa wawa tu me sotavi ira.

²¹E rau sa vosa sara vei ira, "Me rai tiko vei kemuni o Jiova ka lewai kemuni ni kemuni sa cakava me keimami sega ni taleitaki mai vei Fero kei mai na matadra talega na nona dauveiqaravi me ra taura kina na i seleiwau me vakamatei keimami." Sa Vakadeitaki Na Nodra Sereki Na Isireli

²²Sa lesu tale vei Jiova o Mosese ka tukuna, "I Jiova, ena cava o ni sa kauta mai kina na leqa vei ira na tamata oqo? Ena cava o ni sa talai au mai kina?

²³"Ni'u sa lako mai vei Fero me'u tukuna na Yacamuni, sa cakava tiko ga na ka ca vei ira oqo: ka o ni sega tiko ga ni sereki ira na Nomuni tamata, ni dodonu oqo."