[26] Isikeli 30

¹Na vosa ni Kalou sa lako tale mai vei au, ka vaka,

²"Luve ni tamata, mo parofisai ka vaka, 'Sa tukuna vakaoqo na Kalou o Jiova: "Dou qoqolou, 'E na ca na siga o ya!'

³Ni sa voleka mai na siga, e dina sa voleka mai na siga i Jiova; e na dua siga ni o loaloa, na nodra gauna na veimatanitu.

⁴Nai seleiwau ena lako mai ki Ijipita, kei na rarawa levu ena tarai Iciopea, ni ra sa bale mate na moku e Ijipita, ka ra kauta tani na nodra i yau, ka sa talaraki sobu na nona yavu.

⁵"O Iciopea, Libia, kei Lidia, na tamata kece era veimaliwai, o Kupi, kei ira na na tamata ni veivanua era nodra i to, era na bale vata kei ira e nai seleiwau."

⁶'Sa tukuna vakaoqo o Jiova: "O ira era totaki Ijipita era na bale, Kei na viavialevu e vuku ni nona kaukauwa ena vakamalumalumutaki sobu mai. Mai Mikidoli ki Saieni o ira era tiko kina era na bale e nai seleiwau," e tukuna o Jiova na Kalou.

⁷"Era na lala tu e na kedra maliwa na veivanua lala, kei na nona veikoro ena tu e na maliwa ni veikoro sa biu wale.

⁸Era na qai kila ni sai Au o Jiova, Ni'u a waqaca e dua na bukawaqa mai Ijipita, ka ra sa vakarusai kece era dau vukei koya.

⁹E na siga o ya na dau tukutuku era na lako yani mai vei Au e na waqa me vaka-rerei ira na kai Iciopea vakawelewele, kei na rarawa levu ena yaco vei ira, me vaka e na siga i Ijipita; e dina sa lako tiko mai!"

¹⁰'Sa tukuna vakaoqo na na Kalou o Jiova, "Au na vakaotia talega na lewe vuqa mai Ijipita e na liga i Nepukanesa na tui Papiloni.

¹¹O koya vata kei ira na nona tamata, e vakadomobula duadua vei ira na veimatanitu, ena kau mai me vakarusa na vanua; Era na ucuna na nodra i seleiwau me yaviti Ijipita, ka vakasinaita na vanua e na tamata mate.

¹²Au na vakadiva na uciwai, ka volitaka na vanua ki na ligadra na tamata ca; Au na cakava me biu wale na vanua, kei na ka kecega e tu kina, e na ligadra na vulagi. Oi au, o Jiova, Au a vosa."

¹³'Sa tukuna vakaoqo na Kalou o Jiova: "Au na vakarusa talega na matakau, ka vakavuna me tarovi nai vakatakarakara mai Nofi; Ena sega tale turaga mai na vanua o Ijipita; Au na vakatubura na rere e na vanua o Ijipita.

¹⁴Au na cakava me vanua lala o Pacirosi, vakamai Soani, ka vakayacora na veicudruvi e No.

¹⁵Au sovaraka na Noqu cudru ki Sini, na vu ni kaukauwa i Ijipita; ka muduki ira laivi na lewe vuqa mai No,

¹⁶ka vakamai Ijipita; o Sini ena rarawa vakalevu, o No ena basuraki, kei Nofi ena sotava na rarawa e na veisiga.

¹⁷O ira na cauravou ni Eveni kei Pi-beseci era na bale e nai seleiwau, ka ra na kau vakavesu na veikoro oqo me ra vakabobulataki.

¹⁸Mai Tapanesi na siga ena butobuto talega, Ni'u sa na musuka maikea nai vua i Ijipita. Kei na nona kaukauwa viavialevu ena muduki ga vua; ia vei koya, e dua na o ena tabonaki koya, o ira talega na luvena yalewa era na vakabobulataki.

¹⁹Au na cakava vakaoqo na veicudruvi vei Ijipita; Era na qai kila ni sai Au o Jiova."'"

²⁰Ka sa oti oqo e nai ka tinikadua ni yabaki, e nai matai ni vula, e nai kavitu ni siga ni vula, na vosa i Jiova sa lako mai vei au, ka vaka,

²¹"Luve ni tamata, Au sa musuka na liga i Fero na tui Ijipita; ka raica, e a sega ni vadretitaki me mavo, se viviraki kina e dua na kau, me kaukauwa ka rawa ni taura nai seleiwau.

²²"O koya e tukuna kina na Kalou o Jiova: 'E dina, Au na mecaki Fero na tui Ijipita, ka na musuka na ligana ruarua, o koya e kaukauwa kei koya e sa ramusu; Au na cakava talega me lutu tani mai ligana nai seleiwau.

²³'Au na dui vakasavi ira na kai Ijipita e na maliwa ni veimatanitu, ka veibiuyaki ira e na veivanua.

²⁴'Au na vakaukauwataka na liga i tui Papiloni ka solia na Noqui seleiwau ki na ligana; ia Au na musuka na liga i Fero, ka na vutugu o koya e matana e na vutugu ni tamata sa mavoa vakaca sara.

²⁵'Au na vakaukauwataka vakaoqo na liga i tui Papiloni, ia na liga i Fero ena lutu sobu; ka ra na kila ni sai Au o Jiova, e na gauna solia kina na Noqui seleiwau ki na liga i tui Papiloni ka sa dodoka yani o koya ki na vanua o Ijipita.

²⁶'Au na dui vakasavi ira na kai Ijipita e na maliwa ni veimatanitu, ka veibiuyaki ira ki na veivanua. Era na qai kila ni sai Au o Jiova.'"