[1] Vakatekivu 11

¹Na vuravura taucoko sa dua ga na kena vosa ka sa dua talega na kena i vosavosa.

²Sa qai yaco, ni ra sa lako tiko mai na tokalau, era sa kunea sara e dua na buca ena vanua o Sina, ka era sa tiko sara kina.

³Era sa veivosaki vakai ira ka vaka, "Me da sa buli vatutuva mada ka kuvuya vakavinaka." Sa tu vei ira na veika me buli kina na vatutuva oqo.

⁴Era sa tukuna sara, "Ni lako mai, meda tara mada e dua na noda koro kei na dua na vale vakaitaba, na delana me tiko mai lomalagi; me kilai kina na yacada, de, eda na qai vakasesei yani ena matai vuravura taucoko."

⁵Sa lako sobu mai o Jiova me raica na koro kei na vale vakaitaba, o koya era sa tara tiko na tamata.

⁶Sa tukuna o Jiova, "Era sa dua ga na tamata, ka sa dua ga na nodra vosa. Raica oqo na veika era sa tekivu mera cakava, sa sega na veika e tiko tale, me na tarova na veika era sa nakita.

⁷"Mai, Medatou lako sobu ka vakasesea na nodra vosa, me ra kakua ni veikilai vosavosa kina."

⁸O Jiova sa vakacemuri ira tani mai kea ki na veiyasai vuravura kece, sa mai tu vakadua na tarai cake ni koro.

⁹Sa vakayacani na koro o ya me Pepeli, baleta, ni o Jiova sa vakasesea na nodra vosa kecega e vuravura. Mai kea talega sa wasewasei ira yani kina ki vuravura taucoko.

¹⁰Oqo na kawa tamata i Semi. O Semi sa yabaki dua na drau ni sa vakasucumi vua o Afakisati, oqori ni sa oti e rua na yabaki mai na waluvu.

¹¹Ni sa sucu oti o Afakisati, sa bula tale tiko o Semi me lima na drau na yabaki, ka sa so tale na luvena tagane kei na luvena yalewa.

¹²O Afakisati sa yabaki tolusagavulu ka lima ni sa sucu o Sala.

¹³Sa sucu oti o Sala, sa bula tale tiko o Afakisati me yabaki va na drau ka tolu, ka sa so tale na luvena tagane kei na luvena yalewa.

¹⁴Sa yabaki tolusagavulu o Sala ni sa sucu o Eba.

¹⁵Sa bula tiko o Eba me va na drau ka tolu tale na yabaki ka sa so tale na luvena tagane kei na luvena yalewa.

¹⁶Sa yabaki tolusagavulu ka va o Eba ni sa sucu o Veleki.

¹⁷Ni sa sucu oti o Veleki, sa bula tale tiko o Eba me va na drau tolusagavulu na yabaki ka sa so talega na luvena tagane kei na luvena yalewa.

¹⁸Sa yabaki tolusagavulu o Veleki ni sa sucu o Reu.

¹⁹Ni sa sucu oti o Reu, sa bula tale tiko o Veleki me rua na drau ka ciwa na yabaki ka sa sucu tale eso na luvena tagane kei na luvena yalewa.

²⁰O Reu sa yabaki tolusagavulu ni sa sucu o Seruki.

²¹Ni sa sucu oti o Seruki, sa bula tale tiko o Reu me rua na drau ka vitu na yabaki ka sa sucu tale eso na luvena tagane kei na luvena yalewa.

²²Sa yabaki tolusagavulu o Seruki ni sa sucu o Neori.

²³Ni sa sucu oti o Neori, sa bula tale tiko o Seruki me rua na drau na yabaki, era sa sucu talega eso na luvena tagane kei na luvena yalewa.

²⁴Sa yabaki ruasagavulu ka ciwa o Neori, ni sa sucu o Tera.

²⁵Ni sa sucu oti o Tera, sa bula tale tiko o Neori me dua na drau tinikaciwai ka sa so tale na luvena tagane kei na luvena yalewa.

²⁶Sa yabaki vitusagavulu o Tera ni ratou sa sucu o Eparama, Neori kei Arana.

²⁷Oqo na kawa nei Tera: Sa vakasucumi vei Tera o Eparama, Neori kei Arana. Mai vei Arana sa kune kina o Loti.

²⁸Sa mate o Arana ena mata i tamana o Tera, ena nona vanua mai Uri e Kalitia.

²⁹E rau sa vakawati o Eparama kei Neori, na yaca ni wati Eparama o Serai kei na wati Neori o Milika, na luvei Arana yalewa, na tamai Milika, kei Isika.

³⁰Sa yava o Serai ka sega na luvena.

³¹O Tera sa kauti rau na luvena o Eparama kei makubuna o Loti na luvei Arana, o na vugona o Serai na wati Eparama. E ratou sa lako tani mai kea, ka lako ki na vanua o Kenani, ka e ratou sa mai tiko e Arana.

³²Na veisiga taucoko nei Tera sa rua na drau ka lima na yabaki, ka sa mate mai Arana o Tera.