[1] Vakatekivu 10

¹Oqo na veikawa nodratou na luvei Noa: O Semi, o Ame kei Jevica. O ira oqo sa sucu ni oti na waluvu.

²O ira na luvei Jevica tagane oqo: O Qoma, Mekoki, Madai, Javana, Tubali, Mesake, kei Tirasa.

³O iratou na luvei Qoma tagane oqo: O Asakenasa, Rifaci, kei Toqama.

⁴O iratou na luvei Javana tagane oqo: O Ilaisa, Tasisi, Kitimi, kei Dodanimi.

⁵Mai vei ira oqo, o ira na tamata ni veibaravi ni kai matanitu tani, era sa wasei tani mai na nodra vanua, o ira vakayadua me vaka na nodra dui vosavosa, me vaka na nodra dui vuvale kei na nodra dui vanua.

⁶O ira na luvei Ame tagane oqo: O Kusi, Misirami, Puti kei Kenani.

⁷O ira na luvei Kusi tagane oqo: O Seba, Avila, Sebata, Raema kei Sabeteka; kei na luvei Raema tagane, o Seba kei Didani.

⁸O Kusi sa vakasucumi vua, o Nimirote; sa tekivu me tamata qaqa mai e vuravura.

⁹Sa tamata qaqa ni vakasasa ena mata i Jiova; oqo sa tukuni kina, "Me vakataki Nimirote ena mata i Jiova."

¹⁰Nai tekitekivu ni nona matanitu sai Pepeli, o Ereki, o Akadi kei Kalanei, ena vanua o Sina.

¹¹Mai kea, sa lako yani ki Asiria ka tarai Ninive cake, o Reopoci Uri, Kela,

¹²Kei Riseni, ena kedrau maliwa o Ninive kei Kela (na koro levu).

¹³O Misirami sa vakasucumi vua o Ladimi, Ananimi, o Leabimi, o Navitaimi,

¹⁴O Pacurusimi, kei Kasuluimi (era sa basika mai vei koya na Filisitia kei na Kapatorimi).

¹⁵O Kenani sa vakasucumi vua o Saitoni na nona ulumatua kei Eci;

¹⁶Na Jepusaiti, na Amoraiti, kei na Kirikisaiti;

¹⁷Na Ivaiti, na Arakaiti kei na Sainaiti;

¹⁸Na Arivadaiti, na Semaraiti kei na Ametaiti. Era sa qai tawase na vuvale nei Kenani, ni oti oqo.

¹⁹Nai yalayala nei Kenani, sa tekivu mai Saitoni, ni o sa lako yani ki Kerari, me yaco sara i Qasa, ka lako sara i Sotoma, Komora, Adama kei Seboimi me yaco sara ki Lasa.

²⁰Oqo o ira na luve i Ame, me vaka na nodra veivuvale, me vaka na nodra i vosavosa ena nodra vanua, ena nodra matanitu.

²¹Era sa vakasucumi talega na gone vei Semi, na tamadra na luvei Eba, na taci Jevica na qase.

²²O ira na luvei Semi oqo: O Ilama, Asuri, Afakisati, Ladi kei Erami.

²³O ira na luvei Erami oqo: O Usi, Uli, Qesa kei Masi.

²⁴O Afakisati sa vakasucumi vua o Sala kei Eba sa vakasucumi vei Sala.

²⁵Sa vakasucumi vei Eba e rua na luvena tagane na yacana e dua o Veleki (ni nona gauna sa tawase kina o vuravura) kei Joketani na tacina.

²⁶Sa vakasucumi vei Joketani o Alemodidi, Selefa, Asemaveci, Jera,

²⁷Adorami, Usali, Dikala,

²⁸O Obala, Abimaele, Seba,

²⁹O Ofiri, Avila kei Jobaba. O ira kece oqo na luvei Joketani.

³⁰Na vanua era tiko kina mai Mesa, ena vanua vaka ki Sefara, na ulunivanua mai na tokalau.

³¹O ira oqo na luvei Semi, me vaka na nodra dui vuvale, me vaka na nodra dui vosavosa, ena nodra vanua, me vaka na nodra veimatanitu.

³²Sai ira oqo na vuvale nei Noa, me vaka na nodra dui taba-tamata ena nodra dui yasana, eke era sa dui wasei kina na veimatanitu e vuravura ni oti na waluvu.