[1] Vakatekivu 31

¹Sa rogoca o Jekope na nodra vosa na luvei Lepani ka vaka: "O Jekope sa kauta kece na vei ka sa nei tamada, sa rawata na nona i yau, mai na veika ga sa nei tamada."

²O Jekope sa raica tiko na veitokoni nei Lepani vua sa vaka e sega ni vinaka mai me vaka e liu.

³O Jiova sa tukuna vei Jekope, "Mo lesu tale ki nomu vanua, vei ira na wekamu, Au na tiko vata kei iko."

⁴O Jekope sa kacivi Raijeli yani kei Lia ki na buca ena vanua era sa tiko kina na manumanu,

⁵Sa tukuna vei rau, "Au sa raica na nona veitokoni o tamamudrau “ ni sa sega ni vinaka me vaka e liu, ia, na Kalou i tamaqu sa tiko vata kei au.

⁶"Drau sa kila talega, au sa qarava na tamamudrau ena noqu kaukauwa kece.

⁷"Ia, o tamamudrau sa vakaisini au ena nona veisautaka na kequ i sau vaka tini, ia, na Kalou sa sega ni vakatarai koya me vakacacani au.

⁸"Kevaka sa tukuna vaka oqo, 'Na tavutonotono sa kemu i sau' “ era na tavutonotono kece. Kevaka sa tukuna, 'Na roka veimama ena kemu i sau' “ era na roka veimama kece.

⁹"Na Kalou sa kauta tani na manumanu kece i tamamudrau ka solia mai vei au.

¹⁰"Sa yaco ena gauna era sa kunekune kina na manumanu, au sa raica ena tadra na luve ni me era sa ladelade tiko “ era sa veivolavolai kece tu ka tavutonotono.

¹¹"Na Agilosi ni Kalou sa vosa vei au ena tadra ka tukuna, 'Jekope', sa saumi mai, 'Sai au oqo.'

¹²"Na Agilosi sa tukuna mai, 'Mo raica, na lami kecega sa rika tiko era sa volavolai ka tavutonotono, au sa raica na veika kecega sa cakava o Lepani, sa caka ga ena vukumudrau.

¹³'Oi Au na Kalou kei Peceli “ na vanua o a lumuta kina na duru ka cakava kina na bubului vei Au. Mo tucake, ka lako tani mai na vanua oqo, ka lesu ki na vanua e nodra na wekamu dina.'"

¹⁴O Raijeli kei Lia e rau sa sauma vua ka vaka: "E se vo tale tiko e so nai votavota e neirau mai na vale nei tamai keirau?

¹⁵"Keirau sa sega beka ni vulagi mai vua, ni sa volitaki keirau ka sa kania kece na neirau i lavo?

¹⁶"Ni sai yau sa taura kece na Kalou mai vei tamai keirau sa neirau kei ira kece na luvei keirau; oqo, na veika ga sa tukuna vei iko na Kalou, mo cakava."

¹⁷O Jekope sa vakavodoki ira na luvena kei na watina ena kameli.

¹⁸Sa kauta talega na nona manumanu kece kei na veika kece e taukena, na veika kece e sa rawata mai Padani-Erami, ka lako vei Aisake na tamana ena vanua o Kenani.

¹⁹O Lepani e se lako tu me kotiva na nona sipi “ o Raijeli sa butakoca mai na matakau ni vuvale e nei tamana.

²⁰Sa dro yani o Jekope, ka sa sega ni kila o Lepani na kai Siria ni sa sega ni via tukuna vua.

²¹Sa dro yani kei na ka kece sa tu vua, sa takosova yani na wai ka lako vaka ki na veiulunivanua e Kiliati.

²²Ena i katolu ni siga sa tukuni vei Lepani ni sa dro o Jekope.

²³Sa kauti ira na nona ka cici muri Jekope me vitu na siga, sa qai yaco vei ira ena veiulunivanua mai Kiliati.

²⁴Na Kalou sa lako mai vei Lepani ena bogi ena tadra ka tukuna vua, "Qarauni iko, mo lewa vinaka na nomu vosa vei Jekope."

²⁵Sa yaco yani o Lepani vei Jekope ni se qai vakaduria tiko na nona veivale laca ena veiulunivanua e Kiliati.

²⁶Sa tukuna o Lepani vei Jekope, "Na cava o sa cakava, ni o sa lako vakavuni tani mai vei au, o sa kauti rau tani na luvequ me vaka na bobula e na i seleiwau?

²⁷"Na cava o sa dro kina vakavuni ka sega ni tukuna vei au, me'u veitalatala vinaka vei iko ena marau kei na lagasere kei na tibereli na api?

²⁸"O sa sega ni vakatara me'u reguci ira na luvequ tagane kei na luvequ yalewa. o sa cakacaka vakalialia.

²⁹"Sa tu vei au na kaukauwa me'u veitotogitaki, ia, na Kalou i tamamu sa vosa vei au ena bogi ka tukuna, 'Qarauni iko vinaka, ni o sa vosa vei Jekope.'

³⁰"O sa lako dina mai oqo, baleta ni o sa via lako ki na vale nei tamamu, ia, na cava ga o butakoca mai kina na noqu kalou-matakau?"

³¹Sa sauma o Jekope, "Au sa rere baleta, 'De o na qai tauri rau tale vakaukauwa na luvemu yalewa.'

³²"Vei koya o sa raica vua na nomu kaloumatakau, me kua ni bula o koya. Ena matadra na tamata, mo vakatakilakilataka na ka e nomu ka taura yani." O Jekope sa sega ni kila ni sa kauta mai o Raijeli na ka o ya.

³³Sa lako yani o Lepani ki na vale laca nei Jekope, nei Lia, nodrau na dauveiqaravi, sa sega ga ni kunea na kalou-matakau. Sa lako yani ki na vale laca nei Raijeli.

³⁴O Raijeli sa biuta na kalou-matakau oqo ena i dabedabe ni ose ka qai dabeca yani. Sa vakasaqaqara o Lepani ena loma ni vale “ ka sa sega ga ni kunea.

³⁵Sa tukuna yani vei tamana, "Me kua ni ca vua na noqu turaga ni'u sa sega ni tucake rawa, ni sa se tiko na rosi me vaka sa dauyacovi ira ga na yalewa “ sa yaco vei au oqo." Sa vakasaqaqara, ia, sa sega ga ni kunea na kalou- matakau.

³⁶Sa cudru vakalevu o Jekope ka sa vosa vakaukauwa vei Lepani ka vaka: "Na cava au cala kina vei iko, na cava na noqu i valavala ca, mo cicivi au kina vaka oqo?

³⁷"O sa vakaraica kece na noqu veika au taukena, na cava e nomu o sa kunea? Biuta e mataqu oqo me ra vakatulewa kina o ira kece oqo e matadaru!

³⁸"E ruasagavulu na yabaki oqo au sa tiko vata kei iko, na nomu sipi kei na nomu me e se sega vakadua ni bau vakalutuka na luvena, au se sega talega ni kania e dua na luve ni me mai na kedra bai.

³⁹"O ira mada ga era sa basuraki mai vei ira na manumanu kila au sa sega ni kauta mai vei iko, au sa vakaisosomitaka ga na ka sa yali. O sa vinakata ga mai na ligaqu se era butakoci ena siga se ena bogi.

⁴⁰"Au sa tiko ga kei ira, ena siga sa kani au na katakata, ena bogi na batabata-liliwa, na noqu moce ni vakacegui sa drovaka na mataqu.

⁴¹"Au sa tiko ena nomu vale me ruasagavulu na yabaki, au qaravi iko me tinikava na yabaki ena vukudrau na luvemu yalewa, ka ono tale na yabaki ena vukudra na manumanu ka o sa veisautaka na kequ i sau vaka tini na gauna.

⁴²"Baleta ni sa tiko vata kei au na Kalou i tamaqu, na Kalou i Eparaama, na Rerevaki i Aisake “ e dina, o na vakatalai au tani ena liga lala. Na Kalou sa raica na noqu vakararawataki kei na cakacaka ni ligaqu, ka sa vunauci iko ena bogi."

⁴³Sa vosa o Lepani vei Jekope, "Oi rau na yalewa oqo e rau sa noqu, o ira na gone oqo era sa noqu, na manumanu kece oqo sa noqu, na ka kece o raica sa noqu. Ia, na cava me'u cakava vei rau na luvequ yalewa oqo kei ira na luvedrau?

⁴⁴"Lako mai me daru veiyalayalati mada, o iko kei au, me i vakadinadina ena kedaru maliwa."

⁴⁵Sa vakaduria o Jekope e dua na duru vatu.

⁴⁶Sa tukuna o Jekope vei ira na tamata, "Mo ni tomi vatu mai," era sa binia mai ka kana ena dela ni binibini vatu.

⁴⁷O Lepani sa vakayacana me Jeka-Saaduca, ia, o Jekope sa vakayacana me Kaliti.

⁴⁸Sa tukuna o Lepani, "Nai binibini vatu oqo sai vakadinadina vei kedaru ena siga oqo." Sa vakayacani kina me o Kaliti,

⁴⁹O Misipa talega, baleta ni sa tukuna, "Me raica tiko mai o Jiova ena kedaru maliwa, ni daru sa dui tikotiko.

⁵⁰"Kevaka o sa vakararawataki rau na luvequ, se o sa taura tale e so na watimu, sa sega na tamata me ” raica na Kalou ga sai vakadinadina vei kedaru!"

⁵¹Sa tukuna o Lepani vei Jekope. "Oqo nai binibini vatu kei na duru, sa tu oqo ena kedaru maliwa.

⁵²"Oqo nai vakadinadina, nai binibini vatu kei na duru, au na sega ni lako sivia nai binibini oqo ki vei iko, se, mo lako sivia mai nai binibini oqo ki vei au, me ia na veivakacacani.

⁵³"Na Kalou nei Eparaama, na Kalou nei Neori, na Kalou nei tamadrau me mai lewa ena kedaru maliwa." O Jekope sa bubului vei Koya na Rerevaki i Aisake na tamana.

⁵⁴Sa vakacabora o Jekope nai soro ena ulunivanua, ka sa kacivi ira mai na tamata me ra mai kana. Era sa kana madrai ka tiko ena ulunivanua me yacova na mataka.

⁵⁵Ena mataka lailai, sa tucake o Lepani ka reguci ira na gone kei rau na luvena yalewa ka vosa vakalouvinakataki ira. Sa lako o Lepani ka lesu tale ki nona vanua.