[35] Apakuki 2

¹Ena noqu i tutu vaka i vakatawa au na tu ga, ka au na tikoga ena dela ni bai kaukauwa; ka au na vakatawa tiko me'u raica na ka ena tukuna mai vei au o koya, kei na ka me'u tukuna yani niu sa vakadodonutaki.

²A sa tukuna mai vei au o Jiova: "Mo vola na raivotu me macala ena vava ni volavola, ka me matata vinaka vei koya e wilika.

³Ka ni sega ni vakataudeitaki vinaka na siga sa lokuci ena vuku ni raivotu; ia na kena i cavacava ena qai tukuni koya ga mai ka sega ni na lasu. E dina ni na bera vakalailai, ia mo waraka ga; ena vakayacori dina ga.

⁴"Raica o koya sa viavialevu sa sega ni dodonu na yalona e lomana; ia o koya ga sa yalododonu ena bula ena nona vakabauta.

⁵"Sa basika na dokadoka vei koya na tamata ca, ka ni sa vakacalai koya tu na waini, ka sega kina ni rawa vua me dabe dei e vale. A sa guta vakalevu na yalona na veika vakasisila, ka sa tautauvata kei mate ni sega ni vakacegu rawa, sa vakasoqona na veimatanitu kei ira kece na veimata tamata.

⁶"Era na sega beka ni cavuta mai e dua na vosa vaka i balebale, ka me dua na kena vosa ni veitabaki sobu, me tukuna vaka oqo, 'ena ca o koya sa vakalevutaka na ka sa sega ni nona - a cava sara na kena dede? Kei koya ka dau yalayala lasu'?

⁷Ena sega beka ni tucake mai vakasauri o koya sa dau solia nai yau? Kei koya talega na dauveivakasaurarataki me tauri kemudou? Dou na qai yaco me nodra bobula ka tauri kemudou? Ka dou na qai yaco me nodra bobula.

⁸Ena vuku ni nomu vakasaurarataki ira na veimatanitu, era na mai yanaraki iko o ira era vo mai na vei mataqali, ena vuku ni vakadavedra kei na vakayaco tovo kaukauwa ena vanua, kei na veikoro, kei ira era tiko kina.

⁹"Ena ca o koya sa kocova nai yau me rawa kina na nona tiko vinaka, ka me laveti cake kina na nona i tikotiko, ka me rawa ni taqomaki koya ena siga ni veika rarawa!

¹⁰O sa vakatura tiko e dua na ka mera na madua kina na nomu vuvale, o sa vakaleqai ira tiko kina, o sai valavala ca mo vakaivalavala ca taka kina na yalomu.

¹¹Na vatu ena kaci mai ena lalaga e tu kina, kei na kau ka taura tu nai vakadei ni vale ena rogoci koya yani.

¹²"Ena ca o koya e tara cake na i tokatoka ena vakadavedra kei na koro ena caka ca!

¹³Raica, e sega ni dau vaka kina o Jiova ni lewe vuqa me dau vakaocai ira vakararawa na tamata, kei na nodra vakaocai na veimatanitu ena ka e sega ni dua na kena yaga?

¹⁴Ena vakasinaiti o vuravura ena nodra kila nai ukuuku i Jiova, me vaka na kena vakasinaita na wasawasa na wai.

¹⁵"Ena ca o koya e solia na waini vua na kai nona, ka vakasaurarataki koya me taura na tavaya ka gunuva maca sara, ka me rawa ni raica kina na nona luvaiwale!

¹⁶O sa luvuci tu ena madua ka dodonu mo vakasinaiti tu ena lagilagi ni Kalou. E rairai o a - gunu! O vakaraitaka kina na nomu sega cili! Na bilo ena ligai matau i Jiova ena sovaraki vei iko, na nomu lagilagi ena vuni nomu madua.

¹⁷Ena tarai iko mai nai vakarau kaukauwa ka a yaco mai Lepanoni; ena nodra vakarerei ira na manumanu kila ena vuku ni dra ni tamata ni ra sa boica, kei na i tovo kaukauwa ka yacovi ira, mai vei ira na dauvakasaurara.

¹⁸"A cava mada e kauta mai na matakau ka me ceuti kina vei koya na dauceuceu? Na matakau kai vakatakarakara e ka lasulasu, me dau vakabauti tiko ena kena dau qaravi, ka o koya mada ga e sega ni rawa ni vosa mai?

¹⁹Ena ca o koya e dau vosa tiko kina ka mate o ya, 'mo yadra mai!' Ka dau vosa tale tikoga kina vatu, 'mo tucake! Ka vunau!' E vutucoqa na domo kei na liga ni matakau ena i ukuuku talei sara, ia ka e sega mada ga ni cegu rawa.

²⁰"Ia o Jiova sa dau tiko ena nona vale tabu. Ka me cuva ena vakarokoroko vua o vuravura kecega."