[28] Osea 6

¹Dou lako mai, meda mai lesu vei Jiova; ni o koya ga e ia na veibasuraki, ia o koya duadua talega ena ia na veivakabulai, o koya e vei vakamavoataki, o koya duadua talega ena ia na vei vadretitaki.

²Ni oti e rua na siga ena tekivu me vakabulai keda; ena i katolu ni siga ena vakaturi keda cake, me rawa ni da bula ki vua.

³Meda kilai koya, ka sasaga yani meda kilai Jiova sara. Na nona lako mai sa vakataudeitaki oti tu, me vaka e dua na kida ni mataka; na nona lako mai sa vaka na uca taumada kei na uca taumuri, sa dau vakatubu bula e vuravura.

⁴"A cava me'u cakava vei kemudou na Ifereimi? A cava me'u cakava vei kemudou na Juta? Ni nomudou yalodina sa vaka ga na o kei na tegu ni mataka ena kena dau seavu totolo ka sega ni tudei.

⁵O koya oqo ka'u sa musuki ira kina vei ira na parofita, ka vakamatei ira ena vosa ni gusuqu; kei na nomu veilewai ena vakayacori vaka rarama.

⁶Au vinakata na loloma, ka sega na vakacaboisoro, kei na veikilai kei na Kalou ka sega nai soro kama.

⁷"Ia me vaka na bula ni tamata era sa dau beca na veiyalayalati; o ya sara ga era sa dau vakacudrui au kina vakalevu.

⁸O Kiliati na korolevu sa dau ia kina na veika ca, ka sa vakadukadukali taki ena dra.

⁹Me vaka nodra i naki vuni na daubutako me ra la'ki butako, ena sala vaka ki Sikemi era sa veilabalabati talega kina nai lawalawa ni bete; era sa vakayacora na ka sa ca sara.

¹⁰Au sa qai raica e dua na ka vakadomobula ena mataqali i Isireli: Na nodra lasa ni veibutakoci na Ifereimi; oisireli sa qai dukadukali sara.

¹¹Vei kemuni na Juta, sa vakarautaki tu vei kemudou na tatamusuki, ni'u na vakasukai ira tale mai na noqu tamata era bobula.