[28] Osea 7

¹"Ni'u sa via vakabulai ira na Isireli, sa qai sega ni tabonaki rawa tu na caka cala i Ifereimi, kei na valavala ca i Samaria. Ni ra sa vakayacora tiko na veilasutaki; kei na nodra curu mai eso nai lawalawa dau butako ka kauta na ka era sa rawata ki tautuba.

²Era sega ni bau taroga mada e yalodra ni'u nanuma kece tiko nodra caka cala; na noda caka cala sa vakavolivoliti ira; ka sa yaco mai mataqu.

³Era cakava me marau na Tui ena nodra i valavala ca, kei na ravouvou ena nodra lasulasu.

⁴"Era sa dauveibutakoci kece, sa vaka na vakatakatai ni lovo vei koya na dauvavavi O sa cegu ni utura tiko na buka me yacova ni sa buta na lewe ni lovo.

⁵Sa tauvi mate na noda tui ena nona gauna, ni sa vakavuna na luvena Ravouvou ni mateni tu ga ena waini, ka dauvakailala vata kei ira na dauveivakaisini.

⁶Ena noda dau davo meda dau wawa, sa lako vata tiko kei na katakata ni yalodra; e dau moce ena bogi, nodra dau ni vavavi; ni yadra mai ena mataka, e yadra vata mai ena nona rarawa katakata.

⁷Era dau katakata totolo me vaka na lovo na nodra dau ni lewa era vakamatea taucoko; sa sega na nodra tui, ka sega ni bau dua vei ira me golevi au mai.

⁸"Sa vakailalavata kei ira na tamata eso o Ifereimi. O koya sa vaka na keke sa dredre ni vukici.

⁹Era sega tiko ni kila ni o ira Na tamata tani o ya; era sa vakamalumalutaki ira tiko ka sa yali tiko mai nodra kaukauwa. Io, sa vulavula tiko mai na uluna kece, se sega tikoga ni kila ka rawa.

¹⁰Na dokadoka i Isireli sa laurai tu e matana, Ia era sega ni via golevi Jiova na nodra Kalou se masuti koya ena veika kece oqo.

¹¹"O Ifereimi sa vaka e dua na ruve lialia ka sega ni vakayalo O Era rai ga ki Ijipita, ka lako tikoga ki Asiria.

¹²Ena vanua era lako kina, au na tagavi ira ena noqu lawa; Au na kauti ira sobu mai me vaka na manumanu vuka; Au na qai kanakuitaki ira ena vuku ni nodra vakarorogo cala.

¹³"Ena ca vei ira, ni ra sa dro tani vei au! Na veivakarusai vei ira, baleta ni ra talaidredre vei au! E dina au a vakabulai ira, io era se vosa lasutaki au tikoga.

¹⁴Era sega ni masuti au dina mai na vuni yalodra, ni ra dau tagi ena nodra i davodavo. "Era dau soqoni vata ga ena vuku ni sila kei na gunu yaqona, era vuki tani sara ga vei au;

¹⁵Au vakavulici ira me kaukauwa mai na ligadra, io era se bucina tikoga na ka ca me baleti au;

¹⁶Era lesu mai, ia ka sega ki vua sa cecere sara, era sa vaka na dakai rerevaki. Ena vuku ni vosa ca ni yamedra. Na ka oqo era na i vakalasa kina ena vanua o Ijipita.