[23] Aisea 15

¹Na parofisai bibi me baleti Moapi ni ena vakalalai vakadua o Ari-Moapi ena bogi, e na vakarusai baleti Kiri-Moapi ka vakalalai vakadua ni na vakarusai ena bogi,

²Era sa cabe cake kina vale ni kalou nei Tiponi, kina vanua cecere me tagi, o Moapi ena tagicaki Nipo kei na vanua kece vaka Metipa; na nodra qavokavoka ena tasi, kei na kumidra ena toro laivi.

³Ena veigaunisala ni ra lako tu e ra na dara na i sulu taga; ena delavuvu ni nodra vei vale kei na gaunisala ni ra lako tu e ra na tagi ka veitagicaki vakalevu sara.

⁴O Esiponi kei Elale rau na tagi, na domodrau ena rogoci sara mai Jeasa; na mata sotia ni Moapi e ra na qai tagi mai; ena vakarawarawataki koya ga na lomana.

⁵"Na yaloqu ena tagicaki Moapi; ira na tamata beitaki e ra na vaqara bula ki Soa, me vaka na luve ni bulumakau yabaki tolu, e ra na tagi tiko ni ra sa Cabe ki Luici; e na i lakolako ki Oroneimi era na tagicaka na veivakarusai,

⁶Ena vakamacari na wai ni Nimirimi, ni sa malai ka madu na co bulabula; sa sigasiga na vanua, sa yali na co drokadroka.

⁷Na ka e ra sa bau rawata, kei na ka e ra sa bau maroroya, e ra kau laivi ena Mataniwai kina veikau bitubitu.

⁸Na veiyalayala ni vanua kei Moapi sa rorogo ga mai kina na domo ni veitagicaki, na tagi qoqolou vei Ekileimi kei Pierielimi talega.

⁹Na wai ni Timona ena sinai ena dra; ni'u na vakalevutaka ki Timona eso tale, o koya e via dro mai Moapi ena sota vata kei na laione, kei ira talega e ra se vo tiko."