[23] Aisea 16

¹Mo tala na lami vua na tui ni vanua, mai Sela kina veivanua dravuisiga, kina ulunivanua nodra na goneyalewa ni Saioni.

²Ena vaka e dua na manumanu vuka sa yali na kena sova; e ra na vaka kina na goneyalewa ni Moapi ena sovu ni wai o Aranoni.

³"Dou bose mada, me dua na lewa dodonu; dou cakava na kemudou i yaloyalo me vaka ena bogi me laurai ena sigalevu tutu; vunitaki ira na sega vanua, kua ni cakitaki Koya sa dro.

⁴Laivi ira na Noqu sega vanua me tiko kei iko, Moapi; mo nodra i vakaruru mai na matadra na dauvakacaca. Ni sa vakarau mai muduki o ira na dauveilawakitaki vakailasu, sa malumu mai na dauvakacaca ka ra sa cemuri tani mai na vanua o ira na dauvakasaurara.

⁵Na i tikotiko vakaTuraga ena vakataudeitaki ena loloma; ena qai dabe kina e Dua sa i Koya na dina ena Vale ni Soro nei Tevita, ena ia na lewa ka na vakasaqarai na lewa dodonu kei na vakatotolotaki ni caka dodonu."

⁶Eda sa rogoca tiko na viavialevu i Moapi ena nona qaciqacia”yalolevu kei na dokadoka kei na nona cudruvi”ia na nona dauvosa lasu ena sega ni yali.

⁷O koya oqo ena tagicaki Moapi kina o Moapi; taucoko na tamata e ra na tagi, dou na tagicaki Kiriereseci ni sa vakarusai ka na kuitataki vakaidina.

⁸Ni sa qai malai na veiwere mai Asiponi, kei na vaini ni Sipima; o ira na Turaga ni vei matanitu e ra sa vakabalea sobu na tabana, talei sa laki yala ki Jaseri sa lako sese ki veikau sa tete yani na tabana ka teteva na wasawasa.

⁹O koya oqo Au na tagicaka na vaini ni Sipima, me vaka ka'u sa tagicaki Jaseri, Au na vakasuasuataki kemudrau Esiponi kei Elale ena wai ni mataqu, ni sa rogo na kaila ni valu mai na nomu vuata ni yabaki.

¹⁰Sa kau laivi na lomavinaka kei na reki, ni sa levu na kakana ena teitei; ena sega na lagasere ena loga vaini se na kaikaila; ena sega ni seraka vinaka na waini ena i keli waini Au sa vagalua na nodra kaikaila.

¹¹O koya oqo ena tataqiriqiri na yaloqu me vaka na rorogo ni api vei Moapi kei na utoqu sara mai loma vei Kiriereseci.

¹²Ena yaco na kena gauna, ni na oca mai o Moapi ena vanua cecere e toka kina, e na qai lako mai ena vale ni soro me masu; ia sa na sega ga ni yaga.

¹³Oqo na vosa sa cavuta o Jiova ena gauna sa oti ena vuku i Moapi.

¹⁴Ia oqo sa vosa o Jiova, ka vaka, "Ena loma ni tolu na yabaki, me vaka na yabaki ni dua na tamata e voli me cakacaka kina, ena vakarusai o Moapi ena ka e lagilagi tiko kina me ra na rusa kece, e ra na lewe vica sara ena vo ka ra na sega ga ni rawata e dua na ka."