[23] Aisea 2

¹Na vosa ka raica o Aisea na luvei Emosi ena vuku i Juta kei Jerusalemi.

²Sa na yaco dina sara ena siga mai muri, ni na vakataudeitaki na ulunivanua ni vale i Jiova me toka ena ulunivanua cecere, ena vakaceceretaki ka me lolovira na vei ulu ni koro tale eso; ka ra na drodro yani kina na vei matanitu kecega.

³Era na lakova na tamata e vuqa ka tukuna, "Lako mai, meda lako cake kina ulunivanua i Jiova, kina vale ni Kalou i Jekope; ena vakavulica vei keda o koya na Nona i valavala, ia eda na muria na Nona sala." Ni na lako yani mai Saioni na vunau, kei na vosa i Jiova mai Jerusalemi.

⁴Ena ia na veilewai ena vuku ni matanitu ka na vunauci ira e vuqa, ka ra na tukitukia na nodra i seleiwau me bati ni siviyara, kei na nodra moto me i sele ni samaki; ena sega ni lave i seleiwau e dua na matanitu, kina dua tale na matanitu ka ra na sega ni vulica tale na i valu.

⁵Vei kemudou na mataqali i Jekope, meda mai lako voli tu ena rarama i Jiova.

⁶Ni Kemuni a biuti ira na Nomuni tamata na mataqali i Jekope, ni ra sa vakasinaita na nodra bula ena i valavala mai na tokalau; era dauvakaraitaka na veika lasulasu me vaka e ka dina me vakataki ira na kai Filisitia, ka ra lomavinaka vei ira na gone ni matanitu tani.

⁷Na nodra vanua sa sinai kina na siliva kei na koula, ka sa levu na nodra i yau talei; na nodra vanua sa sinai kina na ose, ka sega ni wili rawa na nodra qiqi ni valu.

⁸Na nodra vanua sa sinai ena matakau; era cuva ka qarava na cakacaka ni ligadra, kina veika e cakava na qaqalo ni ligadra.

⁹Era cuva sobu na tamata, ena nodra vakamalumalumutaki ira; o koya mo ni kakua ni vosoti rawa.

¹⁰Mo curu kina vei ruku ni vatu ka vunitaki iko ena kuvu ni qele, mai na Nona rerevaki na Kalou, ena Nona i serau kei na Nona i ukuuku levu vaka Turaga.

¹¹Na nona mata viavialevu e dua na tamata ena vakamalumalumutaki, kei na nodra dokadoka na tamata ena vakabalei sobu, ia ena cecere duadua o Jiova ena siga o ya.

¹²Ena siga i Jiova ni lewe vuqa ena lako mai vei ira kecega era dokadoka ka viavialevu”kei ira kecega era vakalevulevui ira era na vakamalumalumutaki ”

¹³Na sitari ni Lepanoni sa vakacerecerei ka laveti cake, kei na oki kecega ni pasani;

¹⁴Na ulunivanua cecere kecega, kei na vei delana era sa laveti cake tiko;

¹⁵Kei na vale ni valu, kei na bai ni valu;

¹⁶Na waqa kecega ni Tasisi, kei na i yaya rairai vinaka kecega.

¹⁷Na viavia levu ni tamata ena vakamalumalumutaki sobu, kei na qaciqacia ena uru sobu; o Jiova duadua ga ena vakacerecerei ena siga o ya,

¹⁸Ia na matakau kece ena vakarusa laivi o Koya.

¹⁹Era na lako na tamata kina veiqara vatu, kei na qara ena loma ni qele, ena vuku ni veika rerevaki i Jiova kei na i ukuuku ni Nona i sulu vakaTuraga, ni sa tucake me yavalati vuravura vakalevu sara.

²⁰Ena siga o ya ena biuta tani na tamata na nona matakau siliva kei na nona matakau koula, era bulia me ra dauqarava, kina na kalavo kei na beka,

²¹Me la'ki curu kina qara vatu, kei na vei uluvatu, ena vuku ni veika rerevaki i Jiova kei na i ukuuku ni Nona i tutu vakaTuraga, ni sa tucake me vakayavalati vuravura vakalevu sara.

²²Dou kua ni goleva e dua na tamata, sa tiko ena qara ni ucuna na nona i cegu; a cava mada sa bau rawata o koya?