[23] Aisea 1

¹Na raivotu nei Aisea na luve i Emosi, ena nona raica na veika me baleti Juta kei Jerusalemi ena gauna i Usaia, Jocame, Easi, kei Esekaia, ratou na Tui Juta.

²Rogoca, na lomalagi, ka dolava mai na daligamu, na vuravura! Ni sa vosa mai na Kalou o Jiova, "Ka'u a veisusu ka veituberi mai vei ira na luvequ, ia o ira, era sa qai vuki tani tale mai vei Au;

³Na bulumakau e kila na kena i taukei, kei na asa na bai ni nona Turaga; ia o ira na Isireli, era sega tu ni kila, o ira na noqu tamata, era sega ni bau via kauwai mai vei au."

⁴Ulei na matanitu sa ca na tamata sa bikai ena caka cala, sa tubu me levu na i vakarau vakasisila, era sa vakaleqai vakalevu na gone, era sa guilecavi Jiova, era vakacudruya me cudru na Yalosavasava i Isireli, era sa vuki tani vakanadaku.

⁵Cava mo do'u mokuti tale kina? Dou sa na qai ca tikoga vakalevu nomudou qavokavoka sa tauvimate, na yalomudou sa tu vakadua, sa yali kina na bula.

⁶Mai na qeteqete ni yavamudou me tara yani na nomudou qavokavoka sa sega ni qai dua na i vakaraitaki ni bula me kune kina, ia sa kune ga kina na mavomavoa, kei na mawe ni vakacacani; ka sega ni bau dua na veiqaravi e bau vakayacori kina se lumuti tu ena waiwai.

⁷Nomudou vanua sa lala, nomudou vei koro lelevu sa vakamai ena buka; o ira na kai tani era sa mai kania na nomudou veiwere ena matamudou; sa ra qai biuta tu me lala ni ra sa mai taura ka vukica na kai tani.

⁸O ira na goneyalewa ni Saioni era sa biu tu me vaka e dua na vale e tara me cegu kina vakalailai na tamata ena vei loga ni vaini, vaka talega na vale ni veimaroroi ena loga ni kiukaba, me vaka na koro sa vakacacani.

⁹Vaka vo o Jiova ni lewe vuqa me qai biuta mai e vica me vo tiko vei keda, oi keda eda na via tautauvata kei Sotoma, eda na tautauvata talega kei Komora.

¹⁰Dou rogoca na vosa i Jiova oi kemudou na vakatulewa tiko mai Sotoma; dou rogoca vinaka na vunau ni noda Kalou, oi kemudou na kai Komora:

¹¹"A cava sara mada na i naki ni nomudou dauvakacaboi soro mai vei au?" sa tukuna o Jiova, "Sa levu tu vei au na sipi tagane me i soro kama kei na uro ni bulumakau, e vakani tu vakavinaka au sega ni marautaka na dra ni bulumakau, se lami, se dra ni me.

¹²"Ni dou sa lako mai mo dou mai tu e mataqu o cei sa vakadonuya vei kemudou me taura me na ciqoma na ligamudou, ni dou sa mai buturaka ka vakacacana na Noqu loma ni bai?

¹³Me kakua ni kau tale mai na i soro vakaveitalia na i madrali boivinaka e vakasisila vei Au na Vula Vou, na SigaTabu kei na kacivi mo dou vakasoqoni vata mai”Au sa sega ni vosota rawa na i valavala ca kei na soqosoqo tabu.

¹⁴Na nomudou Vula Vou kei na nomudou Solevu tabu sa cata na lomaqu, sa vakararawataki Au tiko, ka sa mai vaka vu leqa vei Au.

¹⁵Ni do'u sa dodoka na ligamudou, mai vei au ka'u na tabonaka na mataqu mai vei kemudou; e dina ni dou masu mai vakavuqa, ka'u na sega ni rogoca na ligamudou sa sinai ena dra.

¹⁶"Vakasavasavataki kemudou, me savasava vinaka na nomudou bula; dou biuta tani e mataqu na nomudou i tovo ca, me sa rauta na caka ca,

¹⁷Vulica na caka vinaka; segata na lewa dodonu, cudruvi koya na tamata ca, maroroi ira na luve ni yali, dau vukei ira na yada.

¹⁸"Dou lako mai, me tou veivosaki vata" sa tukuna o Jiova, "Ke sa vaka na ka kulakula na nomudou i valavala ca sa na vulavula me vaka na vulavula ni uca cevata; ke sa mani damu vakula sara, sa na vaka ga na vuti ka ni sipi.

¹⁹Kevaka do'u sa loma rawarawa mo dou vakarorogo, dou na kania na vuata ni vanua;

²⁰Ia kevaka dou cata ka talaidredre, ena tarai kemudou na i seleiwau;" ni sa vosa dina oqo mai na gusu i Jiova.

²¹Na kena yaco me dautagane na koro ka dauyalodina! Koro daulewa dodonu, a ka dodonu ga ka dau tiko kina; ia e daidai sa tiko kina na daulaba.

²²Na nomu siliva sa vuki me veveka mai, na nomu waini sa veiwaki vata kei na wai.

²³O ira na nomu ravouvou era sa dautalaidredre, era sa veitokani vata kei ira na daubutako: era dauvinakati ira na daurawa ka ena sala tani, ka ra muria me ra saumi lesu: era sa sega ni lewa dodonu, ena vukudra na luve ni yali kei na nodra sega ni raici vinaka na yada.

²⁴O koya oqo sa tukuna kina na Turaga, o Jiova ni lewe vuqa, o Koya na kaukauwa i Isireli, "Io, Ka'u na vakacegui Au mai vei ira na Kequ meca, ka vakayacora na cudru vei ira era cati Au.

²⁵Au na vukica vei iko na ligaqu me tarai iko ka'u na savata laivi na veveka mai na siliva, ka kauta tani kece.

²⁶Ka'u na vakalesui ira tale na nomu Turaga ni lewa me vaka e liu, kei ira na nomu matabose me vaka na kena i tekitekivu, ka oti o na qai vakatokai, na koro daucaka dodonu, ka koro dauyalodina."

²⁷Ena vakabulai o Saioni ena vuku ni lewa dodonu, kei ira era sa veivutuni mai ena lewa dodonu.

²⁸Na veivakarusai vei ira na i vakarau kaukauwa kei ira nai valavala ca ena vakayacori vata ga, kei ira era biuti Jiova era na rusa.

²⁹Ni ra na maduataka na oki do'u sa daudomona, dou na taqaya talega ena vuku ni veiwere dou sa digitaka.

³⁰Ni dou na vaka na vuni oki sa malai na drauna, kei na were sa sega kina na wai.

³¹Ia o koya sa kaukauwa ena vaka na wa ni cina, kei na nona cakacaka ena vaka na lidi ni yameyame me waqa mai, e rau na kama vata ruarua, ka sega ni rawa ni dua me bokoca rawa.