[22] Sere I Solomoni 8

¹O sa vakataka na ganequ sa sucuma tiko na sucu i tinaqu! Kevaka au sa raici iko, au na reguci iko, Au na sega ni maduataka e dua.

²Au na tuberi iko ka kauti iko mai ki na vale i tinaqu, Sa vakabauti au dina o tinaqu Au na vakagunuvi iko ena waini vinaka sara. Mai na wai ni pomekaraneti.

³Au sa vakailokoloko tiko ena ligana i mawi, Na ligana i matau sa mokoti au vakaukauwa.

⁴Au sa vakaroti kemudou na goneyalewa ni Jerusalemi. Dou kua ni vakayavalata se vakasaga na neirau veilomani Me yacova ni sa vakacegui vinaka. Dua Na Wekana

⁵O cei oqo sa lako tiko mai na vanua liwa, ka sa kabita tiko mai na nona daulomani? Au sa vakayadrati iko ena ruku ni vunikau, Mai kea sa susugi iko mai kina o tinamu; Mai kea, o sa kau mai kina mai vei tinamu. Na Sulumaiti Ki Vua Na Nona Daulomani

⁶Me vaka nai vakatakilakila ki na ligamu; Na veilomani sa ka kaukauwa me vaka na mate, Na vuvu sa ca me vaka nai bulubulu; Sa vakacaudreva vakalevu na yameyame ni bukawaqa, na bukawaqa i Jiova.

⁷Na wai sa sega ni rawa ni sotava na karamaca ni veivinakati, Se na ualuvu me vakaluvuca na veivinakati, Ni sa solia na nona veivinakati e dua na tagane Nai yau kece ni nona vale ena sega ni tarovi koya.

⁸Sa dua tiko na ganei keitou, ka se lailai sara na sucuna, Na cava me keitou cakaka vua ena siga sa vosaki kina o koya?

⁹Kevaka sa lalaga ni vale o koya, Keitou na sogota ena kau sitari. Na Sulamaiti

¹⁰Oi au na lalaga ni vale, Na sucuqu sa vale cecere; Au sa tiko ena yaloka ni matana me vaka e dua sa kunea na vakacegu.

¹¹O Solomoni sa dua tiko na nona were ni vaini e Peali Amoni; Sa solia na veivaini oqo vei ira na dauveiqaravi, o ira vakayadua me ra kauta mai na vuana, Kumuni me rauta e yadua na udolu na tiki ni siliva.

¹²Na noqu were ni vaini sa tu oqo e mataqu O iko Solomoni, ena tu beka vei iko e udolu, Kei ira na veiqaravi e rua na drau. Na Daulomani

¹³O iko sa dau tiko ena vei senikau, sa nodra i tokani na dau vakarorogo kina domomu”me'u rogoca sara mada! Na Sulumaiti

¹⁴Mo vakatotolo na noqu ka lomani, Ka mo vaka e dua na me kila ena ulunivanua ni veika boi vinaka.