[22] Sere I Solomoni 7

¹O sa rairai vinaka ni sa vakaivava na yavamu na goneyalewa sa na ranadi! Nai lobi ni sagamu sa vaka nai ukuuku sa tali vakamatai mai vua na kena matai.

²Na nomu vicovico sa vaka na bilo sa sinai tu ga ena waini: Na ketemu sa vaka na liku sa taqa kina na viavia tali vakavinaka.

³Na sucumu sa vaka na luve ni me kila e drua.

⁴Na domomu sa vaka na tabua dromdromoa qai caliva; na matamu sa vaka na tobu ni sili mai Esiboni. Na ucumu sa vaka na vale cecere mai Lepanoni ni da rai sobu ki Tamasiko.

⁵Sa vakaisalataki na ulumu me vaka na Ulunivanua o Kameli, ka sa lokaloka na drauniulumu.

⁶O sa rui matavinaka, o sa rui veivakayavalati vakalevu!

⁷O sa rui wadrovu me vaka na balabala, Na sucumu me vaka na soso vaini.

⁸Sa tukuna, "Au sa lako mada ki na veibalabala, ka'u na taura na tabana," Na sucumu me vaka na soso vaini vei au, Na nomu i cegu me sa ka boi vinaka duadua,

⁹Na loma ni gusumu sa vaka nai vurevure ni waini vinaka duadua. Na Sulamaiti Me sa drodro vakamalua yani na waini vei koya au sa lomana, me toso kina vakavinaka na tebenigusui koya sa via moce tiko.

¹⁰Au sa nona na noqu daulomani, Na nona gagadre sa vagolei ga mai vei au.

¹¹Mo lako mai na noqu ka lomani, Daru lako mada ki na buca.

¹²Daru lako vakamataka ki na were ni vaini; Daru raica mada se sa tubu mai na vaini, Se era sa se mai na vaini? Se na pomekaraneti sa lavouvou mai Mai kea au na solia kina vei iko na noqu vinaka taucoko.

¹³Sa boi vinaka mai na ka e a sega tu ni dauboici, Ena mata ni katuba sa tu kina na vuata digitaki, Kena mataqali kece, ka vou kei na ka makawa, na ka kece sa biu oti tu me nomu, na noqu daulomani.