[23] Aisea 22

¹Na vosa ni parofisai me baleta na Buca ni Raivotu, cava sa manati kemudou ni dou sa cabe cake kina dela ni vale,

²Dou sa sinai ena rorogo, na koro levu dau mauwe, na koro levu daumarau? O ira na nomu tamata era lausua e ra sega ni mate ena i selewau, e ra sega ni mate ena veivaluvaluti.

³O ira na nomu Turaga e ra sa dro vata kece; e ra sa vesu mai vei ira na dauvavana. O ira kece e ra sa kune vei iko e ra sa vauci vata; ka ra sa dro vakayawa.

⁴O koya oqo Ka'u sa tukuna kina, "Dou rai tani vei au, ena ka rarawa na Noqu tagi, dou kakua ni gu me vakacegui au ena vuku ni kena vakacacani na nodra goneyalewa ni noqu tamata."

⁵Ni sa siga ni rarawa kei na veivakanakuitataki kei na taqaya mai Vua na Turaga o Jiova ni lewe vuqa, ena Buca ni Raivotu na siga ni basu bai kei na tagi mai na ulunivanua.

⁶A sa cola taga gasau o ira na Ilama ena qiqi ni valu kei na tamata sa vodo ose, o ira na Kiri e ra sa ucuna nai sasabai mai na kena taga.

⁷Ena yaco dina sara na gauna ni bula o digitaka ena oso ena qiqi ni valu, kei na vodo ose e ra na tuvani mai ena matamata ni koro.

⁸Ena kautani na veimaroroi mai vei Juta, mo qai raica ena siga o ya na i yaragi ena Vale mai Veikau;

⁹O sa raica vinaka talega na vakacaca ena koro i Tevita, ka sa ka levu sara; ka vakasoqona vata na wai mai na tobu e ra.

¹⁰Mo wilika tiko na vale i Jerusalemi, kei na vale o basuka sobu me dei kina na bai.

¹¹Dou cakava e dua na tobu wai ena tadrua ni bai e rua me maroroi kina na wai mai na tobu makawa. E sega ni bau rai vei Koya na Dauveibuli, se mo dokai Koya o Koya e ukutaka ena veigauna sa oti yani.

¹²Ena siga sa kaciva kina o Jiova ni lewe vuqa na tagi kei na rarawa, na tasi ni ulu kei na sulu taga.

¹³Ka sa ia na reki kei na marau, vakamatei na bulumakau kei na vakamate sipi, kana lewe ni manumanu kei na gunu waini: "Meda kana ka gunu, ni da na mate ni mataka!"

¹⁴Sa vakatakila ena daligaqu o Jiova ni Lewe Vuqa; "Ena sega ni bokoci na nomudou i valavala ca oqo me yacova na nomudou mate," sa tukuna o Jiova ni lewe vuqa.

¹⁵Sa tukuna o Jiova ni lewe vuqa; "Mo lako, vua na dauniyau oqo, vei Sepina, o koya sa lewa taucoko na vale, ka vaka:

¹⁶'Cava e nomu e ke, o cei e nomu o sa tiko kina eke, o sa mai tataka e dua na nomu i bulubulu eke, me vaka e dua sa biuta na nonai bulubulu ena vanua cecere, ka ceuta na nona i tikotiko ena vatu?

¹⁷Raica o Jiova ena viritaki iko vakaukauwa, o iko na tamata kaukauwa ena qaqiraki iko vakaidina.

¹⁸Ena tauri iko vakaukauwa ka ulataki iko me vaka na polo mo laki tau kina dua na vanua vakaitamera; e kea mo na mate kina, sa na kautani talega kina na qiqi vakaTuraga o daulagilagi tu kina me vu ni veivakamaduataki ena vale ni nomu Turaga.

¹⁹Au na cemuri iko tani mai na nomu vale ni volavola, ka vakasivoya na nomu i tutu.

²⁰'Ena siga dina o ya, Au na qai kaciva na Noqu i talatala o Elaiakimi na luve i Ilikaia;

²¹Au na vakaisulutaki koya ena nomu i sulu ubi ka vauci koya ena nomu i vau ni sulu; ka'u na lesi koya me lewa na ka o sa lewa, ia ena yaco o koya me tamadra na kai Jerusalemi kei na mataqali i Juta.

²²Na i dola ni vale nei Tevita Au na vakataqara ki tabana; ena dolava ka na sega e dua me na sogota rawa; ni sa sogota ena sega ni rawa ni dua me na dolava.

²³Ka'u na vakataudeitaki koya me vaka na i vako ena tikina sa dei sara; ena yaco me vakaiukuuku na nona i tikotiko ena vale nei tamana.

²⁴'E ra na vakaliliga vua na i ukuuku kecega ni vale nei tamana, na gone kei ira na kena kawa, kei na bilo lalai kecega, mai na bilo ni gunu ka yacova na bilo ni takitaki.

²⁵'Ena siga o ya,' sa tukuna o Jiova ni lewe vuqa, 'Ena biu tani na i vako sa vakataudeitaki ena tikina sa dei sara, ena musuki me bale, na i yaya ka vakarubeci tiko kina ena tamusuki laivi; sa tukuna o Jiova.'"