[23] Aisea 21

¹Na vosa ni parofisai bibi baleta na dravuisiga ni wasawasa me vaka na covulaca mai na Ceva ni lako mai, e lako mai ena vanua dravuisiga, mai na dua na vanua rerevaki sara.

²Sa vakaraitaki vei au e dua na raivotu ni rarawa; sa butako na daubutako ka vakacaca na dauvakacaca, o Ikoilama! Mo lako cake, o iko Mitia, mo laki drasiva na kau! Na nona dauveivakararawataki kecega au na muduka.

³O koya oqo sa mosi kina na toloqu; sa yacovi au na rarawa, me vaka na taratara ni yalewa bukete; au yaluma ni'u sa rogoca; au taqaya ni'u sa raica.

⁴Sa rikou na yaloqu ena domobula ni rere, na bogi me'u marau kina sa vukica me vakarerei au.

⁵Vakarautaka na teveli lesia na i vakatawa ena vale ni yadra, mo kana ka gunu ka tucake, na ravouvou, lumuta na isasabai!

⁶Ni sa tukuna vei au o Jiova; "Mo laki lesia e dua na i vakatawa me tukuna mai o koya na ka sa raica."

⁷Ni sa kunea o koya na qiqi ni valu kei ira na mataivalu ose, na qiqi ni valu asa, kei na qiqi ni valu kameli, sa qai vakadirorogo o koya me rogoca vinaka.

⁸Sa qai kacivaka mai o koya, "Na laione, noqu Turaga! sa sega ni'u cegu me'u tikoga ena vale ni yadra ni gauna ni siga; au sa tikoga ena noqu vanua ni yadra ena vei bogi.

⁹Ka raica sa lako mai oqo e dua na mataivalu ose!" Sa qai vosa mai o koya ka tukuna, "Sa bale o Papiloni, sa bale! kei ira taucoko na nona matakau ceuti sa bale taucoko kina qele."

¹⁰Ulei, na noqu tamata ka dau samuti, kei na noqu sila ena noqu rara ni sila na ka ka'u a rogoca mai vei Jiova ni lewe vuqa, na Kalou ni Isireli, ka'u sa tukuna yani vei kemudou.

¹¹Na i colacola bibi me baleti Tuma, sa kaci mai vei au e dua mai Sia, ka tukuna " Na i vakatawa sa vakaevei na bogi? Na i vakatawa, sa vakaevei na bogi?"

¹²Sa tukuna mai na i vakatawa, "Sa kida mai na mataka, sa toro talega mai na bogi, kevaka dou via taroga, dou taroga ga; dou lesu! tale mai!" Sa Vakarogoi Na Veika Me Baleti Arapea

¹³Na vosa ni parofisai bibi baleti Arapea. Dou na bogi ga mai veikau, ni Arapea oi kemudou na i vavakoso ni Tetanimi sa lako tu.

¹⁴O ira na lewe ni vanua o Tima, dou kauta na wai ki vei o ya sa via gunu; e ra sa tavaki ira e ra sa dro ka solia vei ira na kedra madrai.

¹⁵Ni ra drovaka mai na i selewau sa ucuni tu, kei na dakai sa vakarau me vanataki, kei na veika rarawa ena i valu.

¹⁶Ni sa vosa vei au o Jiova; "Me dua tale na yabaki me vaka na yabaki ni tamata voli, ena qai vakaoti na nodra lagilagi na kai Kitari;

¹⁷"Na kena vo ni tamata dauvavana, na qaqa ni Kitari ena lewe lailai mai, ni sa tukuna vaka kina o Jiova na Kalou ni lewe vuqa."