[23] Aisea 20

¹Ena yabaki sa lako mai kina o Taritani ki Asitoki, ni sa talai koya o Sarikoni na tui Asiria ka sa vala kei Asitoti ka taura,

²Ena gauna vata o ya sa vosa kina o Jiova vei Aisea na luvei Emosi ka vaka, "Lako ka kauta tani na i sulu taga mai na yagomu, ka kauta tani talega na i vava mai na yavamu". Asa kitaka vaka kina ni lako tu ka luvaiwale ka sega ni vakaivava.

³Sa qai tukuna o Jiova "Me vaka na nona lako o Aisea ni luvaiwale ka sega ni vakaivava me tolu na yabaki me i vakatakilakila ka vakatakarakara baleti Ijipita kei Iciopea,

⁴"Ena vaka kina o tui Asiria ena kauti ira na kai Ijipita e ra sa bobula kei na kai Iciopea era vulagi, na gone kei na qase ni ra luvaiwale ka sega ni vaka ivava, ka sega ni bulukau na nodra i sulu, a ka ni veivakamaduataki ki Ijipita.

⁵"E ra na qai rere ka maduataki Iciopea na ka e ra vakararavi kina kei na ka e ra dokai kina.

⁶"O ira sa tiko rawa ena tai oqo e ra na qai tukuna ena siga o ya, 'Raica sa i koya oqo eda vakararavi kina nida via dro meda kere veivuke mai vei tui Asiria, ena qai rawa vakacava meda sereki?'"