[24] Jeremaia 10

¹Dou rogoca na vosa sa tukuna o Jiova vei kemudou, Isa na mataqali i Isireli.

²Sa tukuna vakaoqo o Jiova: "Dou kakua ni vulica na nodra sala na veimatanitu tani; Dou kakua talega ni taqaya ena i vakatakilakila ni lomalagi, ni ra sa taqaya kina na veimatanitu tani."

³Ni sa sega yaga na nodra i tovo na tamata; ni sa dua sa taya e dua na vunikau mai veikau, na cakacaka ni liga ni matai e nai matau.

⁴Era sa vakaiukuukutaka ena siliva kei na koula; era vakadeitaka e nai vako kei nai tukituki, me kakua ni yavala.

⁵Era sa wavu tu, me vaka na niusawa, ka ra sa sega ni vosa rawa; mera na daucolati tu, ni ra sa sega ni lako rawa. Dou kakua ni rerevaka na veika oqori, ni sa sega na ca era na cakava rawa, se me ra na cakava rawa na vinaka.

⁶Ni sa sega e dua me vakataki Kemuni, Jiova (o Ni sa levu, ka sa levu na Yacamuni ena kaukauwa),

⁷O cei me na sega ni rerevaki Kemuni, Isa na Tui ni veitamanitu? ni sa kilikili ga kei Kemuni oqo. Ena kedra maliwa kece na vuku ena veivanua, kei na nodra veimatanitu kecega, sa sega e dua me vakataki Kemuni.

⁸Ia era sa yalosese ka lialia vata ga; na matakau sai vakavuvuli sega ni yaga.

⁹Na siliva sa tukitukilaki me veleti; Sa kau mai Tasisi, kei na koula mai Ufasi, na cakacaka ni matai kei na ligai koya na matai ni koula; Sa karakarawa ka lokaloka na nodra i sulu, Sa nodra cakacaka kecega na tamata maqosa.

¹⁰Ia o Jiova ga na Kalou dina; o Koya na Kalou bula kei na Tui sa sega ni mudu. Ni sa cudru o Koya, ena sautaninini o vuravura, ia na veimatanitu era na sega ni vosota rawa na Nona cudru.

¹¹Mo dou tukuna vei ira vakaoqo, Na kalou ka ra a sega ni bulia na lomalagi kei na vuravura, era na rusa tani yani mai na delai vuravura, ka mai na rukui lomalagi talega.

¹²Sa bulia na vuravura o Koya ena Nona kaukauwa, sa vakataudeitaki vuravura ena Nona vuku, ka tevuka yani lomalagi ena Nona lewa matau.

¹³Ni sa tabalaka na Domona, sa levu na rorogo ni wai mai lomalagi: ka sa vakuvuya cake o Koya na kabukabu mai nai yalayala kei vuravura. Sa cakava o Koya na livaliva me baleta na uca, ka sa kauta mai na cagi mai na Nona lololo.

¹⁴Sa yalo-sese na tamata kecega ni sega na kila ka; era sa vakamaduataki na matai kecega ena matakau ceuceu; Ni sa ka lasu sara na nona matakau e vakawaicalataki, ka sa sega nai cegu e tiko vua.

¹⁵Era sa sega ni yaga, na cakacaka e Sinai ena cala; Ena gauna era cudruvi kina era na rusa.

¹⁶Sa sega ni vakakina na nodra i votavota na Jekope, ni sa bulia na ka kecega o Koya kei Isireli na yavusa sa Nonai votavota; o Jiova ni lewe vuqa na Yacana.

¹⁷Mo kumuna na nomui yaya ena vanua, isa o iko na lewe ni koro vakabai!

¹⁸Ni sa tukuna vakaoqo o Jiova: Raica, Au na viritaki ira tani e na gauna oqo na lewe ni vanua, ka'u na vakararawataki ira, me ra vakila sara.

¹⁹Ulei na noqu mavoa! sa ka rarawa na noqu yaviti. Ia au a tukuna, E dina sa ka ni veivakararawataki oqo, ia sa dodonu me'u na vosota ga.

²⁰Na noqu vale laca sa vakacacani, kei na kena dali kecega sa cavuka; o ira na luvequ era sa lako tani vei au, ka ra sa yali. Sa sega e dua me birika tale na noqu vale laca, se rubeca na kenai lati.

²¹Ni sa yalosese mai o ira nai vakatawa, ka ra sa sega ni qarai Jiova; o koya oqo era na sega kina ni tamata yaco, ia na nodra qele ni sipi kecega ena dui vakasavi.

²²Raica, sa rogo mai na domo ni tukutuku, kei na dua na ue levu mai na vanua e na vualiku, me vakalalataki na veikoro vaka-Juta, ka me qara ni koli-kata.

²³Kemuni Jiova, au sa kila ni sa sega ni vu mai vua na tamata na nona sala; Sa sega ni tu vua na tamata sa lako tu na lewa ni nonai lakolako.

²⁴I Jiova, mo ni vakanakuitataki au, ia ena lewa dodonu; Me kakua ena Nomuni cudru, de o Ni vakarusai au sara.

²⁵Mo Ni sovaraka na Nomuni cudru ki na veimatanitu tani, o ira era sega ni kilai Kemuni, kei na veivuvale era sega ni masuta na Yacamuni; ni ra sa kani Jekope, mama ka tilomi koya, ka vakalalataka na nona i tikotiko.