[18] Jope 18

¹Sa qai sauma o Vilitati na Suaiti, ka vaka:

²"O na tinia ninaica na vosa? Mo yalomatua mada, ia e muri keitou na qai vosa.

³Na cava keitou sa okati kina me manumanu kila; Ka raici sobu me yalowai e matamu?

⁴O iko ka dresulaki iko ena nomu cudru, Ena biu laivi beka o vuravura ena vukumu? Se na kau laivi beka na veivatu mai na kena tikina?

⁵"Ia na nodra rarama nai valavala ca ena boko laivi, Ena sega talega ni serau na lidi ni nona bukawaqa.

⁶E na butobuto na rarama e na nona valelaca, Ena bokoci talega na cina e toka e tikina.

⁷Nai kalawa ni nona kaukauwa ena vakalekalekataki, Kei ira na nona daunivakasala era na vakabalei koya sobu.

⁸Ni sa vuni nona biu ki na lawa na yavana, Ka sa lakova yani o koya nai cori.

⁹Ena coriti koya e na bukubuku ni yavana na tudai, Ka sa vesuki koya nai cori.

¹⁰Sa vuni e na qele na kenai cori, Kei na kena soki e na sala.

¹¹Ena vakarerei koya na ka rerevaki e na veiyasana, Ka na cicimuria na yavana.

¹²Ena kania na nona kaukauwa na viakana, Ena volekata sara na sarisarina na rusa.

¹³Ena kania na kaukauwa ni kulina; Na ulumatua kei mate ena kania na tikina.

¹⁴Sa cavuivuvutaki o koya mai na veitaqomaki ni nona vale, Era vakauti koya vua na tui dauveivakarerei.

¹⁵Era tiko e na nona vale o ira era sega ni nona; Ena vakamiraka na sulifure kina nonai tikotiko.

¹⁶Ena madu na wakana e ra, ka sa malai na tabana e cake.

¹⁷Ena yali na nona nanumi e vuravura, Ena sega ni kune na yacana vei ira na yaca e rogo.

¹⁸Ena vakasavi o koya mai na rarama ki na butobuto, Ena vakasesei tani e vuravura.

¹⁹Ena sega na luvena se nona kawa vei ira na nona tamata, Ena sega talega e vo tiko e na nonai tikotiko.

²⁰Era na kurabuitaka na nona gauna o ira mai na ra, Ka sa kani ira mai na tokalau na rere.

²¹Sa vaka dina ga oqo na nodra i tikotiko na tamata ca, Ka sa vakaoqo na yasana nei koya sa sega ni kila na Kalou."