[18] Jope 37

¹"Na ka talega oqo sa sautaninini kina na utoqu, Ka sa lade tani mai na kena tikina.

²Dou rogoca sara na Domona ni sa se mai, Kei na rorogo sa lako mai na Gusuna.

³Sa vakatala yani o Koya ki na ruku i lomalagi taucoko, Kei na Nona livaliva ki nai yalayala kei vuravura.

⁴Sa qai vadugu mai emuri na Domona, Sa kurukuru o Koya e na Domona vakaturaga: Ia ni sa rorogo tu na Domona, ena sega ni tarova o Koya.

⁵Sa kurukuru vakurabui na Kalou e na Domona; Sa cakava na ka levu o Koya eda sa sega ni kila rawa.

⁶Ni sa tukuna ki na uca vulavula, 'Mo tau ki vuravura:' Ki na uca wale talega, Kei na uca levu ni Nona kaukauwa.

⁷Sa qamuta dregata na ligadra na tamata kecega; Me ra kila na Nona cakacaka na tamata kecega.

⁸Era sa qai la'ki curu ki na nodra qara na manumanu, Ka tiko ga e na nodra tikina.

⁹Sa lako mai na covulaca mai na ceva: Kei na liliwa mai na vualiku.

¹⁰Sa cevata na tegu e nai cegu ni Kalou: Ka sa cevata sara na wai levu.

¹¹Ka sa vakatawa na o loaloa e na kena uca: Sa vakaseavutaka na o lumilumisa.

¹²Sa veikauyaki voli e na Nona vosa: Me ra kitaka kina na ka kecega sa vakarota o Koya, E na veivanua e vuravura sa sega.

¹³Sa vakayacora mai o Koya, me Nona kuita, Se e na vuku ni Nona vanua, se me ka ni loloma.

¹⁴"Mo vakatudaliga, Jope, ki na ka oqo: Mo tu vakadua, ka vakanananu ki na cakacaka e veivakurabuitaki ni Kalou.

¹⁵O sa kila beka na siga lesia kina na ka oqori na Kalou, Ka lewa talega kina livaliva ni Nona o me tibi mai?

¹⁶O sa kila beka se sa lili vakavinaka vakaevei na o, Na nona cakacaka e veivakurabuiaki o Koya sa vinaka duaduaga na Nona vuku?

¹⁷Se sa katakata vakavinaka vakaevei na nomui sulu, Ni sa vakacegui vuravura o Koya ni sa mudre mai na ceva?

¹⁸Drau sa tevuka vata tukuna beka na lomalagi, o Koya sa Kaukauwa, ka vaka na iloilo vakawaicalataki?

¹⁹"Mo vakatakila vei keitou na vosa me keitou tukuna vua: Ni keitou sa sega ni tukuna vakadodonu rawa e na vuku ni butobuto.

²⁰Me na tukuni beka Vua ni'u sa vosa? Kevaka sa vosa na tamata, ena qai tilomi dina ga o koya.

²¹Ia oqo, sa dredre vei ira na tamata me raica na rarama sa serau mai lomalagi; Ka sa liwa yani na cagi, ka vakasavasavataka.

²²Sa lako mai na vualiku o Koya e na Nonai ukuuku e vaka na koula; Sa tu vua na Kalou na lagilagi rerevaki.

²³O Koya sa Kaukauwa, eda sa sega ni kilai Koya rawa; sa uasivi o Koya e na kaukauwa. Kei na caka dodonu, ka ni sa vutu ni valavala dodonu; e na sega ni ia na veivakasaurarataki.

²⁴O koya oqo era sa rerevaki Koya kina na tamata: Sa sega ni vinakati ira loa era lomavuku."