[43] Joni 2

¹Ena i katolu ni siga, sa dua kina na vakamau mai Kena e Kaleli, sa tiko talega e kea na tinai Jisu.

²O Jisu kei iratou talega na Nona Tisaipeli era sa sureti ki na vakamau oqo.

³Ni sa oti na waini, sa tukuna mai na tinai Jisu, "sa oti na waini vakarautaki."

⁴Sa tukuna vua o Jisu, "yalewa, na cava oqo o sa leqataka, me mai dua kina na ka vei au? E se bera tiko ni yaco mai na Noqu gauna.

⁵Sa tukuna o tinana vei ira na dauveiqaravi, "Na veika ga sa tukuna vei kemudou o Koya dou cakava.

⁶Sa vakarautaki tu e kea e ono na saqa ni wai, me vaka na nodra i vakarau na Jiu, na veisoqo vaka o ya sa dau rawa ni sega kina e ruasagavulu se tolusagavulu na qaloni na wai.

⁷Sa tukuna vei ira o Jisu, "Me vakatawani na saqa oqori ena wai." Era sa vakatawana ga me sinai vutuvutu.

⁸Sa tukuna tale vei ira, dou takiva mai eso, ka kauta vua sa lewa tiko na soqo. Era sa cakava sara.

⁹Ni sa tovolea na wai o koya sa liutaka tiko na soqo, sa waini mai, sa sega ni kila se sa caka vakacava, o ira ga sa kauta mai, era sa kila. Sa kaciva mai na tagane sa qai vakawati, na dauveiqaravi sa lewa na soqo.

¹⁰Sa tukuna vua, "E na i vakatekivu ni soqo sa vakarautaki na waini vinaka, ni ra sa mamarau ena nodra gunu na vulagi, ia, o sa qai maroroya na waini vinaka sara e muri oqo."

¹¹Oqo nai vakatekivu ni veika lelevu sa cakava o Jisu mai Kena e Kaleli, ka sa vakaraitaka na Nona i ukuuku; era sa vakabauti Koya na Nona tisaipeli.

¹²Ni sa oti oqo, sa lako sobu ki Kapenaumi o Jisu. O Koya, na Tinana, ratou na Tacina kei ira Nona tisaipeli; era sa sega ni tiko me dede sara.

¹³Sa yaco mai na siga ni nodra Lakosivia na Jiu, ka sa lako cake ki Jerusalemi o Jisu.

¹⁴Sa raica o Koya ena valenisoro, ni ra sa volitaka tiko na bulumakau, na sipi, na ruve, na veisau i lavo kei na vaqara i lavo.

¹⁵Sa cakava e dua na wa tali me kuita, ka qai cemuri ira kece tani mai na vale ni soro, vata kei na sipi kei na bulumakau ka qai ceburaka na i lavo kece ni veisau ka vakatoboicutaka talega na kena teveli.

¹⁶Sa tukuna vei ira sa volitaka tiko na ruve, "Dou kauta tani na veika oqo! Dou kua ni cakava na Vale nei Tamaqu, me vale ni veivoli!"

¹⁷E ratou sa qai nanuma na tisaipeli ni sa volai tu "Na loma katakata ni Nomuni Vale sa kani Au."

¹⁸Era sa sauma na Jiu ka tukuna vua, "Na i vakatakilakila cava o ni sa vakaraitaka vei keimami, ena gauna o ni sa cakava kina oqo?"

¹⁹Sa sauma o Jisu ka tukuna vei ira, "Vakarusa na valenisoro oqo, ena tolu tale na siga Au na vakaduria cake tale."

²⁰Era sa tukuna na Jiu, "E vasagavulu ka ono na yabaki e tara kina na vale oqo, ia, o sa tukuna ni ra vakaduri cake me tolu ga na siga?"

²¹Ia, sa tukuna tiko ga o Koya, ni, yagona sa valenisoro o ya.

²²O koya oqo, ni sa tucake tale mai na mate o koya, era sa qai nanuma na Nona tisaipeli ni sa tukuna vei ira o Koya na veika oqo; era sa vakabauta kina na i Vola Tabu kei na vosa sa tukuna o Jisu.

²³Ni sa tiko o Koya mai Jerusalemi ena "Lakosivia," sa levu sara sa vakabauta na Yacana ena vuku ni veika sa cakava.

²⁴Sa sega sara ni via vakadeitaki Koya o Jisu vei ira, baleta ni sa kilai ira vinaka,

²⁵ka sa sega talega ni gadreva me dua e tukuni koya vei ira na tamata, ni sa kila na cava sa tu vei ira na tamata.