[6] Josua 15

¹Sai koya oqo na nodra i wasewase na luvei Juta me vaka na nodra dui vei vuvale: Nai yalayala kei Itomi ena Vanua Liwa mai Sini ka lako sobu ki na ceva e ra sara nai yalayala.

²Nai yalayala ena ceva sa tekivu ena matasawa ni Wasawasa Masima, mai na yasana sa donuya na yasana sobu, ki ra.

³Sa qai lako yani ki na ceva, vaka ki na Delana o Arabarimi me donui Sini kei na ceva kei Ketesi“ Bania, siviti Esironi, lako sobu ki Adari ka wavokiti Karika.

⁴Mai kea me lako sara ki Asimoni ka lako yani ki na Mataniwai mai Ijipita ka me yaco sara ki na wasawasa. Oqo na nomu yalayala mai na ceva.

⁵Nai yalayala ena tokalau sa tekivu ena Wasawasa Masima, mai na gusu sara ni Joritani, ena vualiku sa tekivu ena matasawa ni wasawasa ena gusu ni Joritani.

⁶Nai yalayala sa lako cake ki Beci“ Okila ka lako cake ki Beci“ Araba; nai yalayala sa lako cake ki na vatu o Boani na luvei Rupeni.

⁷Sa lako cake nai yalayala me yaco ki Debiri, mai na buca o Akori, ka vuki cake tikoga me donui Kilikali, o koya sa tiko ena mua i cake ni Adumimi o koya sa tiko ena ceva ni veibuca. Nai yalayala sa cici tikoga ki na wai o Eni“Semesi ka yaco sara ki Eni“ Rokeli.

⁸Nai yalayala sa lako cake vaka ki na buca nei Ininomi me yaco ki na ceva ni nodra veiqakilo na Jepusaiti, sai koya o Jerusalemi. Nai yalayala sa lako cake ki na colo ni veiulunivanua sa vakababa tiko mai me donuya na buca o Refaimi mai cake.

⁹Sa lako wavoki nai yalayala mai na colo ni veidelana ki nai vurevure ni wai o Nefitoa, ka toso yani ki na veikoro mai Efironi, nai yalayala sa wavokiti Bala (o Kirijaci Jiarimi)

¹⁰Nai yalayala sa qai gole vaka ki na ra mai Bala ki na veiulunivanua mai Sia, sa toso yani vaka ki na yasa ni ulunivanua o Jiarimi ena vualiku ka gole sobu ki Beci“ Semesi ka yacovi Timina sara yani.

¹¹Sa lako talega yani nai yalayala me tarai Ekiromi yani mai cake. Sa lako wavoki ki Sekironi, me cici muria yani na ulunivanua o Bala, toso sara yani ki Jabinili me yaco sara yani ki na waitui.

¹²Na yasayasa vaka ra sa baravi ga ni Wasawasa Levu. Oqo na nodra i wasewase na luvei Juta me vaka na nodra dui veivuvale. O Kelepi Sa Vakatawani Epironi Kei Tepiri

¹³O Kelepi na luvei Jefune, sa solia o koya nai votavota vata kei ira na Juta me vaka nai vakaro nei Jiova vei Josua, o Epironi. (Epironi = Araba = tamai Anaki).

¹⁴O Kelepi sa vakasevi iratou na tolu na luvei Anaki mai kea, o Sesai, o Aimani, kei Talemai, o iratou na luvei Anaki.

¹⁵Sa lako cake mai kea o koya ki vei ira sa tawani Tepiri tiko (Kirijaci Sefa).

¹⁶Sa tukuna o Kelepi, "O koya sa valuti Kirijaci Sefa ka kauta ki vei koya ni sa vakamalumalumutaki, au na solia vei koya na luvequ goneyalewa me watina."

¹⁷O Ocanieli na luvei Kanesi na taci Kelepi sa rawata, ka sa soli kina vua o Etasa na luvei Kelepi me watina.

¹⁸Ni sa lako mai o koya vei Ocanieli, sa vakauqeti Ocanieli o Etasa me kerea vei Kelepi na tamana e dua na were. Sa lako sobu mai o Etasa mai na nona asa, sa vosa yani o Kelepi ka vaka: "Na cava o sa vinakata?"

¹⁹Sa tukuna mai o koya, "Mo solia mai vei au e dua na veivakalouvinakataki, o sa solia oti na vanua mai na Ceva, sa solia talega vei au na vurevure ni wai." Sa qai soli talega vua nai vurevure mai cake kei nai vurevure talega e ra.

²⁰Oqo na nodra i votavota na yavusa ni luvei Juta me vaka na nodra dui vei vuvale:

²¹Na veikoro e nai yacoyaco ni yavusa nodra na luvei Juta vaka ki nai yalayala kei Itomi ki na ceva, o Kabasili o Ada, o Jakuri,

²²O Kina, Dimona, Adada,

²³O Ketesi, Asari, Itinana,

²⁴Sipi, Telemi, Beloci,

²⁵O Asori, Adata, Kerioci, Esironi, (Asari),

²⁶O Amami, Sima, Molada,

²⁷O Asari “ Katita, Kerioci, Esironi

²⁸Asari “ Suali, Perisepa, Bisijocija,

²⁹O Bala, Ijimi, Esemi,

³⁰O Elitoladi, Tesili, Orima,

³¹O Sikilaki, Madimana, Sanasanana,

³²O Libaoci, Silimi, Ayini, kei Rimoni, na koro kece sa rusagavulu ka ciwa kece kei na kena veitikotiko lalai.

³³Ena vanua lolovira: o Esetaolo, Sora, kei Asana,

³⁴O Sanoa, Ena-Qanimi, Tapua, Enama,

³⁵O Jamuci, Atulama, Soko, Aseka,

³⁶Saraimi, Aditaimi, Qedera, kei Qederocaimi: e tinikava na veikoro lelevu kei na koro lalai;

³⁷O Senana, Adasia, Miqiqali “ Kata,

³⁸O Dilini, Misipa, Jokitili,

³⁹O Lakisi, Bosakaci, Ekiloni,

⁴⁰O Kaboni, Lamasi, Kitilisi,

⁴¹Qederoci, Beci “ Daqoni, Neama, kei Makeda: e tinikaono na veikoro lelevu kei na veikoro lalai;

⁴²O Libina, Eca, Asani,

⁴³O Jipita, Asana, Nesibe,

⁴⁴O Keila, Atesibe, Maresa: e ciwa na koro lelevu kei na koro lalai;

⁴⁵O Ekironi kei ira kece na kena veikoro lelevu kei na veikoro lalai;

⁴⁶Mai Ekironi ki na wasawasa, o ira kece sa tiko voleka e Asitoti kei na kena veikoro;

⁴⁷O Asitoti kei na kena veikoro lelevu kei na kena veikoro lalai, o Qasa kei na kena koro lelevu kei na veikoro lalai O me yaco sara ki na Mataniwai mai Ijipita kei na Wasawasa Levu kei na kena matasawa.

⁴⁸Mai na veiulunivanua: o Samiri, Jatiri kei Soko,

⁴⁹O Dana, Kirijaci, Sana, (Tepiri),

⁵⁰O Arabi, Esetomo, Animi,

⁵¹O Koseni, Oloni, kei Qiloni; e tinikadua na koro lelevu kei na koro lalai;

⁵²O Araba, Duma, Esini,

⁵³O Janumi, Beci “Tapua, Afeka,

⁵⁴O Amuta, Kirijaci “ Aba (Epironi) kei Siori e ciwa na koro lelevu kei na koro lalai;

⁵⁵O Maoni, Kameli, Sipa, Jutita,

⁵⁶O Jesireli, Jokediami, Sanoa,

⁵⁷O Kaini, Kipea, Timina;

⁵⁸O Aluula, Beci “ Suri, Qedori,

⁵⁹Maeraci, Beci “ Anoci, kei Eletekoni: e ono na koro lelevu kei na koro lalai;

⁶⁰O Kirijaci Peali (o Kirijaci Jiarimi) kei Raba: e rua na koro lelevu kei na koro lalai.

⁶¹Ena vanua liwa; o Beci “ Araba, Medini kei Sekaka,

⁶²O Nibisani na Koro ni Masima, kei Eni “ Qidi: e ono na koro lelevu kei na koro lalai.

⁶³Vei ira na Jepusaiti nai taukei kei Jerusalemi, era sa sega ni cemuri tani mai vei Juta, era sa tiko vata ga kei ira na Juta me yacova na siga oqo.