[6] Josua 16

¹Na veivotai sa caka vei ira na luvei Joseva mai na Joritani e Jeriko, mai Jeriko ena tokalau ki na vanua liwa mai Jeriko me lakova yani na veiulunivanua ki Peceli, ka cici muria yani nai yalayala kei Akaiti e Ataroci,

³ka lako sobu vaka ki na ra ki na i yalayala kei Jafelitaite, me yacova sara yani nai yalayala ni mua i ra ni Beci “ Oroni, ki Qasa, ki na waitui sara.

⁴O ira na luvei Joseva, o Manasa kei Iferaimi era sa taura na nodra i votavota.

⁵Nai yalayala ni nodra vanua na luvei Iferaimi, me vaka na nodra dui veivuvale sa vaka oqo: Nai yalayala ni nodra i wasewase ena tokalau, o Ataroci Adari, me yaco sara ki Beci “ Oroni ena yasana e Cake.

⁶Na yasana sa lako yani ki na waitui ena vualiku kei Mekimecaci; sa qai lako wavokita na yasana vaka tokalau nai yalayala ki Tanaci “ Sailo ka gole sara yani ki na tokalau kei Janoa.

⁷Sa lako sobu mai Janoa ki Ataroci kei Neara, ki Jeriko sara, ka lako ki na Joritani tale.

⁸Nai yalayala sa lako mai Tapapua vaka ki na ra ki na Mataniwai mai Kana ka yaco sara yani ki na waitui. Oqo na nodra i votavota na yavusa ni luvei Iferaimi me vaka na nodra dui veivuvale.

⁹Na veikoro lelevu me nodra na luvei Iferaimi, sa tiko vata na nodra i votavota na luvei Manasa, na veikoro lelevu kei na veikoro lalai.

¹⁰Era sa sega ni cemuri ira rawa na kai Kenani era sa tiko mai Qasa; o ira na kai Kenani era sa tiko vata ga kei ira na Iferaimi me yacova sara na siga oqo, ka ra sa yaco me dau vakabobulataki.