[6] Josua 19

¹Nai karua ni votavota sa lako mai vei Simione, me nodra na yavusa ni luvei Simione me vaka na nodra veivuvale. Era sa vakaivotavota ena vanua sa vakaivotavota oti kina na luvei Juta.

²Sa tiko ena nodra i votavota o Perisapa, o Molada,

³O Esa “ Suali, o Bala, o Esemi,

⁴Eletolada, o Becule, o Oma,

⁵O Sikilaki, o Beci “ Mekaboce, o Esa - Susa

⁶O Beci- Lebaoce, o Sarueni, e tinikatolu na koro lelevu kei na koro lalai;

⁷O Aini, o Rimoni, o Eta, kei Asani, e va na koro lelevu kei na koro lalai;

⁸Na veikoro lalai kece sa tiko volita na veikoro lelevu, me yaco sara ki Baleci “ Bea, Rama mai na ceva. Oqo na nodra i votavota na yavusa ni luvei Simione me vaka na nodra veivuvale.

⁹Na nodra i votavota na luvei Simione sa wili kina nodra i votavota na luvei Juta, ni nodra i votavota na luvei Juta sa rui levu vei ira. o koya oqo, o ira na luvei Simione era sa vakaivotavotataki mai na nodra i votavota na luvei Juta.

¹⁰Nai katolu ni wasewase sa lako vei ira na luvei Sevuloni me vaka na nodra veivuvale, nai yalayala ni nodra i votavota sa yaco sara ki Sariti.

¹¹Na nodra i yalayala ki na ra, sa lako vaka ki Marala, ki Dabaseci ka toso sara yani ki na mataniwai e tiko mai na tokalau kei Jokimi.

¹²Mai Sariti sa gole vaka kina tokalau me donuya nai cadracadra ni siga, me salavata nai yalayala kei Kisiloco Tabu, ka lako yani ki Dabereci ni lako sivi Jafia.

¹³Mai kea sa lako vaka ki na tokalau kei Kaca “ Efa, me donui Eci “ Kasini ka toso sara yani ki Rimoni sa veiyalayala kei Nea.

¹⁴Nai yalayala sa lako wavoki ki na yasana e cake kei Anaconi ka yaco sara ki na buca mai Jivaca “ Ilai.

¹⁵Sa wili kina o Kitaci, Naelala, Simironi, Idala, kei Peceliema; e tinikarua na koro lelevu kei na koro lalai.

¹⁶Oqori nai votavota nodra na luvei Sevuloni me vaka na nodra dui veivuvale, na koro lelevu oqo kei na koro lalai.

¹⁷Sa lako mai vei Isakari nai ka va ni wasewase, vei ira na luvei Isakari me vaka na nodra veivuvale yadua.

¹⁸Na nodra vanua sa lako yani ki Jesireli e wili kina o Kesuloca, o Sunemi,

¹⁹O Afaraimi, o Sioni, o Ana raca

²⁰Rabici, o Kisioni, o Abesi,

²¹O Rameci, o Eni “ Qanimi, o Eni “ Adade kei Beci Pasase.

²²Nai yalayala sa yaco ki Tabori, ki Saesima kei Beci “ Semesi; na nodra i yalayala sa yaco ga ki na Joritani, e tinikaono na koro lelevu kei na koro lalai.

²³Oqo na nodra i votavota na yavusa ni luvei Isakari me vaka na nodra dui veivuvale, na veikoro lelevu kei na koro lalai.

²⁴Nai kalima ni wasewase sa soli ki na yavusa ni luvei Esa, me vaka na nodra veivuvale.

²⁵Na nodra vanua sa wili kina o Elikaca, o Alei, o Beteni, o Akisafa,

²⁶O Alameleci, o Amada, kei Miseli, e yacova sara na ulunivanua o Kameli e na ra, vakamuria na mataniwai na Siori “ Libinaca.

²⁷Sa gole vaka ki nai cabecabe ni siga, ki Beci “ Dakoni; ka yacovi Sevuloni yani ki na buca o Jipica “ Ilai, ka lako cake me sivi Beci “ Emeki, kei Nieli, ka lako sivi Kabulu ena yasana i mawi,

²⁸Wili talega o Epironi, Reobi, o Amoni kei Kana, me yacovi Saitoni raraba sara yani.

²⁹Sa gole mai ki Rama nai yalayala kina koro ni valu mai Taia, sa qai gole vaka ki Osa ka yaco sara ki wasawasa ena vanua vaka Akisibe.

³⁰O Umaki, o Apeki, kei Reabi sa wili tale tiko ga kina: e ruasagavulu na koro lelevu kei na koro lalai.

³¹Oqo na nodra i votavota na yavusa ni luvei Esa me vaka na nodra veivuvale; na veikoro lelevu oqo kei na koro lalai.

³²Nai ka ono ni wasewase sa lako mai ki na yavusa ni luvei Navitalai, o ira na luvei Navitalai me vaka na nodra veivuvale.

³³Sa tekivu na nodra i yalayala e Elepi, volekata yani na vanua mai na vunikau terebinici e Saenananimi, o Adami “ Nekeba kei Jabinili, vakayawa sara ki Lakumi; ka mai cava ena Joritani.

³⁴Mai Elepi, sa lako yani nai yalayala vaka ki na ra ki Asonaci Tabori, sa lako tani mai kea, vaka ki Uloki, sa sema yani vei Sevuloni ena yasana e ra kei Esa ena yasana vakara me yaco sara yani ki Juta mai na Joritani kina i cadracadra ni siga.

³⁵Kei na veikoro ni valu o Sidimi, o Seri, o Amaca, o Rekaci kei Cinareci,

³⁶O Adama, o Rama, o Asori,

³⁷Kadesi, o Edrei, o Ena “ Asori,

³⁸O Aironi, o Mikidali “ Ilai, o Oremi, o Beci “ Anaca, kei Beci “ Semesi; e tinikaciwa na veikoro lelevu kei na koro lalai.

³⁹Oqo na nodra i votavota na yavusa ni luvei Navitalai me vaka na nodra veivuvale.

⁴⁰Nai kavitu ni wasewase sa lako yani ki na yavusa ni luvei Tani me vaka na nodra veivuvale,

⁴¹Na vanua sa nodra i votavota o Sora, o Esitaolo, o Iri “ Semesi,

⁴²O Saelabini, o Aijaloni, Jecila,

⁴³O Eloni, o Timina, o Ekironi,

⁴⁴O Eletekei, o Kibeconi, o Balaci,

⁴⁵O Jeuti, o Bene “ Bareki, o Kaca “ Rimoni,

⁴⁶O Me “ Jakoni, kei Rakoni kei na veivanua sa volekati Jopa.

⁴⁷Na nodra vanua na luvei Tani sa lako sivia yani oqo, baleta ni ra sa lako cake na Tani me vala kei Lesime ka taura na vanua, era sa samuta na vanua e nai seleiwau, taukena na vanua ka tiko kina. Era sa vakayacana me Lesime, Tani, na yacai Tani na tamadra.

⁴⁸Oqo na nodra i votavota na luvei Tani me vaka na nodra veivuvale, na veikoro lelevu oqo kei na koro lalai.

⁴⁹Ni sa mai oti na nodra wasea na vanua me nodra dui votavota me vaka na kena yalayala, o ira na luvei Isireli era sa solia nai votavota mai vei ira ki vei Josua na luvei Nuni.

⁵⁰Me vaka na vosa i Jiova, era sa solia vua na korolevu ea kerea, o Timinaca Sera, ena veiulunivanua mai Ifereimi; sa tara na koro ka tiko kina.

⁵¹Oqo na vei votavota sa wasea o Iliesa na bete, o Josua na luvei Nuni, kei ira na veiliuliu ni tama ni veiyavusa ni luvei Isireli me nodra i votavota mai Sailo ena mata i Jiova, ena mata ni katuba ni vale vakacevaceva ni bose. Sa qai oti na nodra wasea na vanua.