[39] Malakai 4

¹"Dou kila oqo, sa lako tiko mai na siga, sa waqa tiko mai me vaka na lovo, o ira kece na dokadoka, o ira kece sa daucaka ca, era na bale kina. Na siga sa lako tiko mai oqo, ena vakamai ira, Sa tukuna oqo o Jiova ni lewe vuqa, "Ena sega ni vakavoca, e dua na tabana se wakana.

²Io, vei kemudou sa rerevaka na Yacaqu, na Matanisiga Ni Yalododonu ena cadra mai vei kemudou, Sa tiko e tabana na veivakabulai, Dou na vakani vakavinaka ni dou sa lako yani, ka dou na levulevu me vaka na luve ni bulumakau sa qaravi vinaka.

³Dou na butuki ira na daucaka ca, Era na dravusa ena ruku ni yavamudou, Ena siga, Au sa na cakava kina oqo" Sa tukuna o Jiova ni lewevuqa.

⁴"Dou nanuma nai vunau i Mosese na noqu tamata, Au a solia vua mai Orepi, me baleti ira na Isireli. Sa tiko vata nai lesilesi kei na lewa.

⁵Mo dou kila, Au na talai Ilaijia na parofita vei kemudou, Ni se bera na siga e levu ka rerevaki i Jiova sa lako tiko mai.

⁶E na vukica o koya na yalodina ni tama me gole vei ira na luvedra, na yalo ni gone ki vei ira na tamadra, De'u lako mai, ka cudruva na vanua ka me'u vakarusa."