[40] Maciu 1

¹Nai vola ni kawa i Jisu Karisito na Luve i Tevita, na luve i Eparama.

²O Eparaama sa vakatuburi Aisake, sa vakatuburi Jekope o Aisake, sa vakatuburi Juta kei iratou na tacina o Jekope.

³Sa vakatuburi Veresi kei Sera o Juta ka tinadrau o Tema, sa vakatuburi Esiromi o Veresi, sa vakatuburi Rami o Esiromi.

⁴O Rami sa vakatuburi Amenatave, ka vakatuburi Nasoni o Amenatave, o Nasoni sa vakatuburi Salimoni.

⁵Sa vakatuburi Poasa o Salimoni, ka tinana o Reapi, o Poasa sa vakatuburi Opeti ka tinana o Ruci, o Opeti sa vakatuburi Jese.

⁶Sa vakatuburi Tevita na tui o Jese. Sa vakatuburi Solomoni o Tevita na tui ka tinana na wati Uraia e liu.

⁷Sa vakatuburi Riopoami o Solomoni, sa vakatuburi Avaijia o Riopoami, sa vakatuburi Asa o Avaijia.

⁸Sa vakatuburi Josafati o Asa, sa vakatuburi Jorami o Josafati, sa vakatuburi Usaia o Jorami.

⁹Sa vakatuburi Jocame o Usaia, sa vakatuburi Asi o Jocame, sa vakatuburi Esekaia o Asi.

¹⁰Sa vakatuburi Manasa o Esekaia, o Manasa sa vakatuburi Emoni, sa vakatuburi Josaia o Emoni.

¹¹O Josaia sa vakatuburi Jekonaia kei ira na wekana ni ra sa la'ki tiko ki Papiloni.

¹²Ni sa oti na tiko vakabobula mai Papiloni, sa vakatuburi Salacieli o Jekonaia, sa vakatuburi Serupepeli o Salacieli.

¹³Sa vakatuburi Aviuta o Serupepeli, sa vakatuburi Eliakimi o Aviuta, sa vakatuburi Esa o Eliakimi.

¹⁴Sa vakatuburi Setoki o Esa, sa vakatuburi Akimi o Setoki, sa vakatuburi Elita o Akimi,

¹⁵Sa vakatuburi Iliesa o Elita, sa vakatuburi Mecani o Iliesa, sa vakatuburi Jekope o Mecani.

¹⁶Sa vakatuburi Joseva o Jekope, o Joseva na wati Meri o koya sa sucu mai vua o Jisu sa vakatokai o Karisito.

¹⁷Nai tabatamata mai vei Eparaama ka yacovi Tevita sa tinikava nai tabatamata, mai vei Tevita ka yacova na kau vakabobula ki Papiloni sa tinikava nai tabatamata, mai na kau vakabobula ki Papiloni ka yacovi Karisito sa tinikava nai tabatamata.

¹⁸Sa vakaoqo na sucu i Jisu Karisito na tinana o Meri sa vosaki oti tu vei Joseva, ni se bera ni rau mocevata sa kunekune o Meri mai vua na Yalo Tabu.

¹⁹Na watina o Joseva sa tamata yalododonu, ka sega ni vinakata me voroka na veidinadinati sa maroroya me nona duadua ga.

²⁰Ia ni sa vakananuma tiko o koya na veika oqo, ka raica, sa dua na agilosi ni Turaga sa rairai mai vua ena tadra, ka tukuna, "I Joseva na luvei Tevita, kakua ni o via lomaleqataka na nomu tauri Meri me watimu, ni gone sa kunekunetaka tiko e vakatubura vua na Yalo Tabu.

²¹"Ena sucu mai vua e dua na gonetagane, ia mo vakayacani koya o Jisu, ni o Koya ena qai vakabulai ira na Nona tamata mai na nodra i valavala ca."

²²Na ka oqo me vakayacori kina na vosa ni Turaga ena gusudra na parofita ka vaka:

²³"Ka raica, ena bukete e dua na goneyalewa, ka na vakasucuma e dua na gonetagane, ena vakatokai me yacana o Imanueli," kena i balebale, "Na Kalou sa tiko vata kei keda."

²⁴Sa yadra mai na moce o Joseva, ka sa cakava sara ga na ka, ka vakarota vua na Turaga me la'ki kauti Meri mai me watina,

²⁵E sega ni rau veikilai yago me yacova ni sa sucu na nona ulumatua na tagane. Sa vakayacani koya o Jisu.