[33] Maika 4

¹Ena yaco ena gauna mai muri na ulunivanua ni vale i Jiova ena vakataudeitaki ena dela ni ulunivanua, ena vakacerecerei mai na veidelana kece, era na ciciva yani na veimata tamata.

²Era na lako kina na veimatanitu ka ra tukuna, "Lako mai meda mai lako cake kina ulunivanua i Jiova, kina vale ni Kalou i Jekope; ena vakavulica vei keda na nona i valavala, eda na qai muria na nona sala". Ena lako mai Saioni na vunau i Jiova, kei na vosa i Jiova mai Jerusalemi.

³Ena lewai ira e lewe vuqa, ka ena cudruva na veimatanitu kaukauwa ena veivanua yawa; na i seleiwau me nodra i siviyara ni cukicuki, na nodra moto me sele ni sasamaki; me kua ni veivala na veimatanitu me kua ni ra qai via kila tale e dua nai valu.

⁴Ia na tamata kece me dabe tiko ena nona dui loga vaini kei na lolo, ena sega ni dua ena vakarerei ira tiko; ni sa vosa dina mai na gusu i Jiova na Kalou ni lewe vuqa.

⁵Na tamata kece era na muria ka lako voli mera vakaraitaka nodra dui Kalou, ia oi keda meda na lako ka vakaraitaka na noda Kalou o koya sa Sega ni mudu ka sega ni mudu.

⁶"Ena siga o ya", sa tukuna o Jiova, "Au na soqoni ira na lokiloki kei ira na tamata biligi, kei ira Au a vakamavoataka;

⁷Au na vakayacori ira na lokiloki mera tawana na vanua, o ira na tamata biligi mera matanitu kaukauwa, o Jiova ena lewai ira mai na ulunivanua o Saioni mai na gauna oqo kei na veigauna sa tu mai liu.

⁸O iko na nodra vale cecere na qele ni sipi, na nodra koro ni valu na goneyalewa ni Saioni, ena vukumu ena yaco kina, o ira ka ra lewa tu e liu. Era na lako mai, o ira na goneyalewa ni matanitu, era tiko e Jerusalemi."

⁹Cava o tagi vakadomoilevu kina? E sega beka ni dua na tui e tiko vata kei iko? Se e ra sa mate beka na nomudou matabose e cake? Ni sa yacovi iko na rarawa ni mosi vaka na yalewa sa taratara.

¹⁰Mo mosi mada, ka rarawa me qai rawa ni basika mai na ka o gadreva, oi kemudou na goneyalewa ni Saioni, me vaka na yalewa ni taratara mo lako tani mai ena koro, ka la'ki tiko e veikau, o na yaco sara yani ki Papiloni, o na qai vakagalalataki mai kea; ena vakabulai iko o Jiova mai na ligadra na kemu meca.

¹¹Era na vala kei iko na veimatanitu eso, era na tukuna, "Me vakacacani o koya, me da rai yani ki Saioni."

¹²Ia era a sega ni kila na Nona vakanananu na Kalou, era sega ni vakasamataka na cava sa lewai oti tu; ni na soqoni ira vata o Koya, me vaka na kena vakasoqoni na sila mai na kena vanua ni qaqaqi.

¹³"Mo tucake ka butuqaqia o iko na goneyalewa ni Saioni; Au na cakava na nomu i leu me vaka na kaukamea, na taukuku ni yavamu me vaka na parasa; mo na qaqiraka e levu na tamata vaka matailailai; au na cabora vei Jiova o koya na Kalou ni vuravura taucoko kei na ka era rawata".