[16] Niemaia 10

¹O ira oqo era sa biuta na nodra i vakatakilakila (drega) e nai vola ni veiyalayalati sa volai: O Niemaia na luvei Akalaia na kovana kei Setekaia,

²O Seraia, o Asaraia, o Jeremaia,

³O Pasuri, o Amaraia, o Malakija,

⁴O Atusi, o Sebanaia, o Maluki,

⁵O Arimi, o Miamoci, o Obadaia,

⁶O Taniela, o Qineconi, o Baruki,

⁷O Mesulame, o Apaijia, o Mijamini,

⁸O Masia, o Biliqai, kei Semaia, o ira oqori na bete.

⁹O ira na Livai: O Josua na luvei Asania o Biniu mai vei ira na luvei Enatati kei Kadimieli.

¹⁰O ira na veitacini; o Sebanaia, o Otaija, o Kelita, o Pelaia, o Anani,

¹¹O Mika, o Reobo, o Asabia,

¹²O Sakuri, o Serebia, o Sebanaia,

¹³O Otaijia, o Bani, Beninu.

¹⁴Na nodra i liuliu na tamata: O Parosi, o Paeci- Moapi, o Ilama, o Satu, o Bani,

¹⁵O Buni, Asikati, o Bebai,

¹⁶O Atonija, o Bikivai, o Adini,

¹⁷O Eta, Esekaia, o Asuri,

¹⁸O Otaijia, o Asumi, o Besai,

¹⁹O Ariva, o Anacoci, o Nebai,

²⁰O Makipaiasi, o Mesulame, o Esira,

²¹O Mesesabeli, o Setoki, o Jadua,

²²O Pelataia, o Anani, o Anaia,

²³O Osea, o Ananaia, o Asubi,

²⁴O Aluesi, o Pila, o Sobeki,

²⁵O Reumi, o Asabana, o Maeseia,

²⁶O Aeijia, o Anani, o Enani,

²⁷O Maluaki, o Arimi kei Baena.

²⁸O ira na kena vo (mai vei ira na bete, na Livai, nai vakatawa, na daunisere, na Necinimi kei ira kecega sa tawasei ira mai vei ira na tamata ena vanua ki na vunau ni Kalou, na watidra, na luvedra tagane, na luvedra yalewa, o ira kecega era sa kila, ka kila vinaka sara.

²⁹Era sa duavata vakaveiwekani kei ira na turaga veiliutaki, ka me dua na veivakadonui vakabubului me baleta na kalouca kei na kalouvinaka ni kena muri na Vunau i Jiova, sa soli vei Mosese na tamata ni Kalou me ra vakabauta ka muria nai vakaro kece i Jiova kei na nona lewa kei na nonai lesilesi:

³⁰Me keimami kua ni soli ira na luvei keimami yalewa me watidra na tamata ni vanua se na luvedra yalewa me veiwatini kei ira na luvei keimami tagane;

³¹Kevaka sa mai volitaki vei keimami ena Siga ni Vakacecegu e dua na ka taleitaki, me kua ni keimami volia, ni sa Siga ni Vakacecegu ka siga tabu; keimami na laiva ga nai ka vitu ni yabaki ka sega talega ni via taroga na tubu ni i lavo sa mai tauri vei keimami.

³²Keimami sa biuta e dua na lewa volai ena vukui keimami, me keimami dau solia e dua nai wasewase ni lavo ena veiyabaki, me baleta na cakacaka ni vale ni Kalou:

³³Me baleta na madrai sa dauvakaraitaki, na madrai sa daulaukana ena veisiga, nai soro kama ena veisiga, me baleta na Siga ni Vakacecegu, na Vula Vou, na veika tabu, nai soro ni valavala ca, kei na cakacaka kecega ni vale ni noda Kalou.

³⁴Keimami sa vakawirimadigi me baleti ira na bete, na Livai kei ira na tamata me baleta na kena kau mai na buka ni vakacaboi soro ki na vale ni noda Kalou, ena gauna sa digitaki ena veiyabaki, me vakamai kina nai cabocabo ni soro nei Jiova na noda Kalou, me vaka sa volai ena vunau.

³⁵Sa volai talega na lewa me dau kau mai nai matai ni vuata ni vanua kei nai matai ni vuata mai na vuata ni vunikau kecega ena veiyabaki yadudua ki na vale ni Kalou.

³⁶Me ra kau mai na neimami dui ulumatua kei na ulumatua ni manumanu, me vaka na ka sa volai e nai vunau, kei na ulumatua ni manumanu kecega ni loma ni bai, ki na vale ni Kalou, ki vei ira na bete sa cakacaka ena loma ni vale ni Kalou;

³⁷Me kau talega mai nai sevu ni madrai droka, na neimami i soro, na vuata ni kau kecega, na waini vou kei na waiwai, ki vei ira na bete, ki na lololo talega ni vale ni noda Kalou; me kau talega mai nai ka tini ni ka kecega ena vanua ki vei ira na Livai, ni o ira na Livai e dodonu me ra taura nai katini ni ka kecega ena noda i tikotiko.

³⁸O ira na bete mai na kawa i Eroni era sa tiko vata kei ira na Livai, ni ra sa taura na Livai nai katini, me ra qai kauta mai na katini ni katini ki na vale ni Kalou ki na lololo.

³⁹O ira na luvei Isireli kei ira na luvei Livai, me ra kauta mai nai soro, na sila, na waini vou, na waiwai ki na lololo, na vanua sa tiko kina nai yaya ni e vale ni Kalou, na vanua era sa dau cakacaka kina na bete, nai vakatawa, kei ira na daunisere, keimami na sega ni vakaweleweletaka na vale ni Kalou.