[16] Niemaia 11

¹O ira nai liuliu ni tamata sa tiko e Jerusalemi; era sa vakawirimadigi na tamata me ra kauta mai e dua mai vei ira na tini na tamata me mai tiko e Jerusalemi, na koro tabu, kei ira na lewe ciwa me ra laki tiko ga ena nodra dui koro.

²O ira na tamata era sa vosa vinakataka na tamata sa soli koya mai, me mai tiko e Jerusalemi.

³Oqo o ira nai liuliu ni yavusa era sa tiko e Jerusalemi. (Ena veikoro e Juta, era sa dui tiko ga ena nodra dui votavota ga ni yasana ni nodra koro”o ira na Isireli, na bete, na Livai, na Necinimi kei ira na kawa ni dauveiqaravi nei Solomoni na tui.)

⁴E Jerusalemi talega era sa tiko kina eso na luvei Juta kei na so na luvei Penijamini. Oqo o ira na luvei Juta: O Acalaia na luvei Usaia, na luvei Sakaraia, na luvei Amaraia, na luvei Sefataia, na luvei Sakaraia, na luvei Mealabeli, na luvei Peresi;

⁵Kei Maseia na luvei Baruki, na luvei Koli-Ose, na luvei Asaia, na luvei Adaia, na luvei Joaribi, na luvei Sakaraia, na Siloni.

⁶O ira kece na luvei Peresi e vanadrau onosagavulu ka walu na tamata qaqa ni valu era sa tiko e Jerusalemi.

⁷O ira oqo na luvei Penijamini: O Salu na luvei Mesulame, na luvei Joedi, na luvei Pidaia na luvei Kolaia, na luvei Maseia, na luvei Iceli, na luvei Jesaia;

⁸Sa qai taravi koya o Qabai kei Salai, e ciwa na drau ruasagavulu ka walu na tamata.

⁹O Joeli na luvei Sikiri sa nodra i liuliu, kei Juta na luvei Senua sai karua ni liuliu e na koro.

¹⁰Vei ira na bete: O Jetaia na luvei Joiaribi kei Jekini;

¹¹O Seraia na luvei Ilikaia, na luvei Mesulame, na luvei Setoki, na luvei Meraioci, na luvei Aitubu o koya sai liuliu ni vale ni Kalou.

¹²O ira na tacidra sa cakava na cakacaka na cakacaka ni vale ni Kalou e ra lewe walu na drau ruasagavulu ka rua na tamata; kei Adaia na luvei Jeroame, na luvei Pelalia, na luvei Amesi, na luvei Sakaraia, na luvei Pasuri, na luvei Malakija,

¹³Kei ira na tacina nai liuliu ni dui vale nei tamadra sa lewe rua na drau vasagavulu ka rua; kei Amasai na luvei Asareli, na luvei Asai, na luvei Mesilimeci, na luvei Ima,

¹⁴Kei ira na veitacini, na tamata qaqa ni valu, era sa lewe dua na drau ruasagavulu ka walu. Na nodra i liuliu o Sabideli na luve ni dua na qaqa.

¹⁵Mai vei ira talega na Livai: O Semaia na luvei Asubi, na luvei Asirikami, na luvei Asabia, na luvei Buni;

¹⁶O Sabetai kei Josabeti mai vei ira na liuliu vaka Livai, e rau sa liutaka na cakacaka ena taudaku ni vale ni Kalou;

¹⁷Kei Matania na luvei Maika, na luvei Sabidi na luvei Esafa, o koya nai liuliu, sa liutaka na vakavinavinaka kei na masu, o Bakebukia nai karua vei ira kecega na tacina kei Ada na luvei Samua, na luvei Qalala, na luvei Jeducuni.

¹⁸O ira kece na Livai ena koro tabu sa rua na drau walusagavulu ka va na kena levu.

¹⁹Ia, o ira nai vakatawa, o Akubu, o Talimoni, kei ira na tacina sa vakatawa na matamata sa dua na drau vitusagavulu ka rua na kedra levu.

²⁰O ira kece na Isireli sa vo, na bete, na Livai, era sa tiko kece ena veikoro e Juta, o ira yadua ena nodra dui kawa.

²¹O ira na Necinimi era sa tiko e Opeli. O Sia kei Qisipa e rau sa lewa vei Necinimi.

²²O ira na veiliutaki vei ira na Livai e Jerusalemi, o Usi na luvei Bani, na luvei Asabia, na luvei Matania, na luvei Maika, na luvei Esafa, o ira na daulaga sere ena vale ni Kalou, era sa veiqaravi kina.

²³Ni sa nona i vakaro na tui me baleti ira, me sa dua nai wasewase me na votai kina na daulagasere ena veisiga yadudua.

²⁴O Petaia na luvei Mesesabeli, mai vei ira na luvei Sera na luvei Juta sa nona i vukevuke na tui ena veika kecega me baleti ira na tamata.

²⁵O ira na veikoro kei na nodra veiwere, eso vei ira na luvei Juta era sa tiko mai Kirijaci kei Araba kei na kena veikoro, o Jekebasili kei na kena veikoro, o Diboni kei na kena veikoro;

²⁶e Jesua, e Molado, e Beci-Peleti;

²⁷e Asa Suali, e Perisepa kei na kena veikoro;

²⁸e Sikilaki kei Mecona kei na kena veikoro;

²⁹e Ena-Rimoni, e Sora,e Jaremuci,

³⁰e Sanoa, e Edulama kei na kena veikoro, e Lakisi kei na kena vei were; e Aseka kei na kena veikoro. Era sa tiko mai Perisepa ki na buca o Inomi.

³¹O ira talega na luvei Penijamini mai Qipa era sa tiko mai Mitimasi, Aija kei Peceli kei na kena veikoro;

³²e Anacoci, e Nobi, Anania;

³³e Eso, e Roma, e Qitaimi;

³⁴e Adidi, Seboimi, Nebalati;

³⁵e Lodi, e Ono, kei na Buca ni daucakacaka.

³⁶Eso vei ira na wasewase vei ira na Juta era Livai era sa tiko mai Penijamini.