[20] Vakaibalebale 13

¹Na gone yalomatua sa rogoca na vosa i tamana, Na gone lialia sa sega ni via kila na veivunauci.

²E na kana vinaka na tamata ena vuku ni vosa ni gusuna, Sa vakania na i valavala kaukauwa, na yalo ni tamata sa sega ni dina.

³O koya sa qarauna na gusuna, sa maroroya na yalona, o koya sa gusu levu, sa lako kina nona rusa.

⁴Na tamata daukana, sa sega ni mamau, ni sa sega na ka e rawata, Na yalona na tamata mamakutu, ena vakavutuniyautaki.

⁵Na tamata yalododonu sa cata na lasu, Na tamata ca sa vakasisila ka sa dau kune madua.

⁶Na yalododonu sa maroroya na nodra sala na sega cala, Na caka ca sa vuaviritaka na tamata i valavala ca.

⁷Sa dua sa vakavutuniyautaki koya, ia sa sega vua na ka.

⁸Nai vesu ni nona bula na tamata, o ya nai yau sa tu vua, Na dravudravua sa sega ni via rogoca na veivunauci.

⁹Na rarama ni yalododonu na reki. Na cina ni tamata ca e na boko laivi.

¹⁰Na dokadoka ena vakavuna na veileti, Na veirogorogoci e tukuna na yalomatua.

¹¹Na i yau e rawa vakailawaki, e na yali yani, o koya sa rawata na i yau ni sa cakacaka vakaukauwa, e na rawata sara vakalevu nai yau.

¹²Sa tauvimate na yalo ni sa berabera tiko mai na ka sa nuitaki, Sa vunikau ni bula ni sa sotavi na gagadre.

¹³E na vakarusai o koya sa cata na vosa, Ena sautu o koya sa rerevaka nai vakaro.

¹⁴Na nona i vunau na yalomatua sa i vurevure ni bula, mo lako tani kina mai nai cori ni mate.

¹⁵Na veikilai vinaka sa rawa kina na veitokoni, Na nona sala na tamata sega ni dina sa rui dredre.

¹⁶Na yalo qaseqase e na cakacaka me vaka na nona vuku, Na lialia ena vakaraitaka ga na nona lialia.

¹⁷Nai talai ca, ena vakaleqai ena nona leqa, Nai talai vinaka, sa kauta mai na bula.

¹⁸Na dravudravua, na madua, ena lako mai vei koya sa cata ni vakadodonutaki, o koya sa tiko malua, ni sa vunauci, e na dokai.

¹⁹Ni sa vakayacori na ka sa vinakati, sa kamikamica ki na lomada, Sa ka ca vua na lialia, me lako tani mai na ca.

²⁰O koya sa i tokani kei na yalomatua, ena yalomatua mai, o koya sai tokani kei na lialia, e na vakarusai.

²¹Na ca sa ciciva nai valavala ca, Na vinaka e na saumi vei koya na yalododonu.

²²Na tamata vinaka sa vakarautaka nai votavota vei ira na makubuna, Nai yau ni tamata ca, sa maroroi ga me nodra na yalododonu.

²³Sa levu na kakana sa tu ena nodra qele sega ni teivaki na dravudravua, Sa levu ga na benu, ni sa sega na lewa vinaka.

²⁴O koya sa sega ni vakayagataka na kuita, sa cata na luvena O koya sa lomana na luvena, sa kuitataka ni vakavulica.

²⁵Sa kana na yalododonu, ka sa vakacegui na yalona, Sa kana na tamata ca, sa qai lala ga vakalevu na ketena.