[20] Vakaibalebale 12

¹O koya sa lomana nai vakasala, sa lomana na vuku, o koya sa cata na veivakadodonutaki, sa tamata lialia.

²Na tamata vinaka, sa tokoni tiko mai vua na Kalou, Na tama sa vaka vu ca tiko, ena sogoti koya o Jiova.

³Na tamata sa sega ni tauyavutaki ena caka ca, Na wakadra na yalododonu, ena sega ni yavalati rawa.

⁴Na yalewa vinaka, sai sala talei i watina, Na yalewa sa kauta mai na madua, sa vaka nai vakavuca ni sui vei watina.

⁵Na nodra nanuma na yalododonu sa dina sara, ia na nodra i vakasala na tamata ca, sa ka ga ni veivakacalai.

⁶Na nodra vosa na tamata ca sa vaka, "Vuni lo me vakadavedra," Ia na gusudra na dodonu sara sa ka e veivakabulai.

⁷E ra sa vuaviritaki na tamata ca, ka, ra sa yali yani, Sa tudei ga na nodra vale na yalododonu.

⁸E na vakalavelaveti na tamata me vaka na nona yalomatua, Na tamata yalo ca, ena beci.

⁹Sa vinaka o koya sa beci ka sa dua tiko na nona veiqaravi, Sa ca o koya sa dau vakadokadokai ka sa sega na kena kakana.

¹⁰Sa daunanuma na nona manumanu na yalododonu, Na nona yalo loloma na tamata ca na yalo ca.

¹¹O koya sa daucakacakataka na nona qele sa kune kakana O koya sa daulako tu ga sa sega na ka e kila.

¹²Na tamata ca sa kocova na ka sa rawata na tamata yaloca. Na waka tu ni yalododonu sa solia mai na vuana.

¹³Na tamata ca sa vesuki koya na ca ni gusuna, Na tamata yalododonu ena lako sivia na leqa kecega.

¹⁴E na mamau na tamata ena ka vinaka, mai na vua ni gusuna, Na vua ni cakacaka ni ligana, ena saumi ga vua.

¹⁵Na sala ni tamata lialia, sa dodonu ga e matana, O koya sa rogoca nai vakasala sa yalomatua.

¹⁶Na cudru ni tamata lialia sa kilai vakarawarawa, Na yalo qaseqase sa ubia na ka kece ga.

¹⁷O koya sa tukuna na ka dina, sa vakaraitaka na ka dodonu. Sa veivakaisini nai vakadinadina lasu.

¹⁸Sa vosa e dua me vaka sa veisua ena i sele, Na yamedra na yalomatua sa vakadewataka na bula.

¹⁹Na tebenigusu dina sa vakadeitaki vakadua, Na yame lasulasu sa ka ga ni gauna lekaleka.

²⁰Na veivakaisini sa tu e lomadra na daucakava na ka ca, o ira na dauniveivakasalataki ki na sautu, e ra sa reki tikoga.

²¹Sa sega na leqa levu me lako siviti ira na yalododonu, o ira na yaloca, era na vakasinaiti ena ca.

²²Na tebenigusu lasulasu sa cata o Jiova, o ira sa cakacaka vakadodonu sa ka rekitaki vei Koya.

²³Na tamata yaloqaseqase, sa vunitaka na ka e kila, Na tamata lialia sa tukuna ga na nona lialia.

²⁴Na ligadra na yalomatua ena veiliutaki Na tamata vucesa ena vakaukauwataki me cakava na ka.

²⁵Na oca sa vakavuna na loma ocaoca, Na vosa vinaka sa vakavuna na marau.

²⁶Na yalododonu me digitaka vakavinaka na nona i tokani, Na nona i valavala na tamata ca e dau veivakacalai.

²⁷Na tamata vucesa sa sega ni tavuna na ka sa vakasasataka mai. Na mamakutu sai tokani vinaka sara.

²⁸Na nodra sala na yalododonu na bula sa sega na mate ena nodra sala.