[20] Vakaibalebale 19

¹Sa vinaka na dravudravua sa vosa ka lako vakadodonu tiko, mai vei koya sa dauveicavilaki na tebenigusuna, ni sa lialia.

²Sa sega talega ni vinaka vua e dua me sega vua na kila na ka, sai valavala ca o koya sa vakatotolotaka na yavana.

³Na lialia ni tamata sa vukica na nona i valavala ka sa yali tiko mai vakamalua na yalona vua na Kalou.

⁴Nai yau sa vakavuna na veiwekani levu, ia na dravudravua sa wasea na tamata mai vua na wekana.

⁵Na i vakadinadina lasu ena sotava dina na kenai totogi, o koya sa vosa lasu tiko ena sega ni dro bula.

⁶E lewe levu era sa vakanamata ki na nodra veitokoni na turaga, na tamata era sa veiwekani ga kei ira sa dausolisoli.

⁷O ira kece na tacina na dravudravua, era sa cati koya, sa vaka talega kina o ira na wekana ena nodra lako vakayawa mai vua! Ena tosovi ira yani ena vosa, era sa biuti koya ga.

⁸O koya sa rawata na kila na ka sa lomana na yalona; kei koya sa maroroya na vuku sa kunea na vinaka.

⁹Nai vakadinadina lasu sa waraki koya tikoga na kena i totogi, kei koya sa lasulasu ena rusa.

¹⁰Na tiko vinaka sa sega ni yaga vua sa lialia, kei koya na bobula me liutaki ira na turaga.

¹¹Na nona vakagalalataki e dua na tamata sa vakavuna na berabera ni cudru. Na nona vinaka sara sa raica sivia kina na caka cala.

¹²Na nona cudru na tui sa vaka na nona tagi vakadomoi levu na laioni. Na nona veitokoni na tui sa vaka na tegu ki na were.

¹³Na gone lialia sa i vakavuca vei tamana, Na yalewa dauveiba sa vakatuturutaka na bula.

¹⁴Na vale kei nai yau sa i votavota mai vua na tama, ia na yalewa qaseqase sa mai vua na Kalou.

¹⁵Na vucesa sa veivakamocelututaki kei na tamata sa tu wale tu ga ena vakararawataki koya na via kana.

¹⁶O koya sa maroroya nai vunau sa maroroya na yalona, o koya sa vakawaletaka na nona i lakolako ena mate.

¹⁷O koya sa dau kauwaitaki ira na dravudravua sa soli ka tiko vua na Kalou, io, na Kalou ena solia lesu vua na ka sa dausolia.

¹⁸Kuitataka na luvemu ni se tiko na vakanuinui, Kua ni dolavi iko ki na nona vakaloloma.

¹⁹Na tamata dau cudru katakata ena totogitaki vakararawa, kevaka mo vakabulai koya, o na cakava tale.

²⁰Rogoca nai vakasala ka taura na kena i vakamacala, mo yalomatua kina ena veisiga ni mataka.

²¹Sa levu nai tuvatuva sa tu ena loma ni tamataOena tudei ga nai vakasala va Kalou.

²²Na cava e vinakati ena nona yalovinaka na tamata, ni sa vinaka na dravudravua mai na lasulasu.

²³Na rerevaka na Kalou sa liutaki keda ki na bula, o koya sa tiko vua ena mamau tikoga, ka na sega ni sikovi koya na ka ca.

²⁴Na tamata vucesa sa tonia kece na ligana ki na veleti ni kakana, ka na lailai ga ena biuta ki gusuna.

²⁵Kuitataka na lialia, era na qaqarauni kina na tamata, vunauca na vuku ena kila kina e levu na ka.

²⁶O koya sa vakalolomataki tamana ka cemuria na tinana, sa luve ni veivakamaduataki ka sa dau kauta mai na veivala.

²⁷Ni sa tu vakadua na nomu rogoca nai vakasala na luvequ, o na lako sese mai na vosa e kilai kina na ka.

²⁸Nai vakadinadina sa sega ni doka na lewa ka sa vakawaletaka, Na gusuna na daucaka ca sa kania nai valavala ca.

²⁹Na lewa dodonu sa vakarautaki vei ira na dauvosavakacaca, kei na kuita sa tau ki dakudra na lialia.