[20] Vakaibalebale 29

¹O koya sa dauvunauci vakavuqa ka vakaukauwataka tikoga na domona, Ena vakarusai vakasauri, ka sa sega na ka me vakabulai koya rawa.

²Ni ra sa veiliutaki na yalododonu, era na marau na tamata; Ni ra sa veiliutaki na tamata ca, era na vutugu na tamata.

³O koya sa vinakata na yalomatua sa vakamarautaki tamana, O koya sa vinakata na yalewa volitaki, sa vakamaumautaka na nona i yau.

⁴Sa vakadeitaka na vanua na tui ena lewa dodonu, O koya sa taura na ka ni veivakaqumi sa vuaviritaka na lewa dodonu.

⁵O koya sa vakaisina na wekana, sa viritaka na lawa me vesuki koya ga.

⁶Na nona talaidredre na tamata ca sa coriti koya ga. Na yalododonu sa lagasere ka marau vakalevu.

⁷Na yalododonu sa dau vakaraica na nodra i tosotoso na dravudravua.

⁸Na dauvosa vakalialia sa corita na koro, Na tamata yalomatua sa vukica tani na cudru,

⁹Kevaka sa veisisivi na yalomatua kei na lialia, Ena dredre ga se cudru na lialia, ia e na sega na vakacegu.

¹⁰Na daugunu dra ena cata na tamata sega na nona cala Na tamata dina sa guta ga na tiko vinaka.

¹¹Na lialia sa ceburaka kece na ka sa tu e lomana, Na yalomatua sa vesuki koya vakamalua.

¹²Kevaka sa vakarorogo na veiliutaki ki na lasu, era na caka cala kece na nona dauveiqaravi.

¹³Na dravudravua kei na dauveivakaocai e rau sa tautauvata ena dua na ka oqo; na Kalou sa vakararamataka na matadrau ruarua.

¹⁴Na tui sa lewai ira vakadodonu na dravudravua ena dina, Ena vakadeitaki na nona i tikotiko vakaturaga me tudei vakadua.

¹⁵Na kuita kei na veivakadodonutaki e solia na yalomatua. Na gone sa biu wale tu ga, sa kauta mai na madua vei tinana.

¹⁶Ni sa vakalevutaki na caka ca, sa levu talega na caka cala, o ira na yalododonu era na raica na nodra bale.

¹⁷Vakadodonutaka na luvemu, ena vakacegui iko, o koya. Io ena vakamarautaka na yalomu.

¹⁸Ni sa sega na ka e vakatakilai mai vua na parofita, Era sa tu vakadua na tamata; Sa ka ni marau me maroroi nai vunau.

¹⁹Na dauveiqaravi ena sega ni rawa ni vakadodonutaki ena vosa ga; E dina ni sa kila na ka e tukuni, ia ena sega ga ni via cakava e dua na ka.

²⁰O sa raica beka e dua na tamata sa dau totolo ni vosa, Sa rawa ni nuitaki cake na lialia mai vei koya.

²¹O koya sa qarava vinaka na nona dauveiqaravi ni se gone mai, Ena yaco, na gone, me sa gone e vale e muri.

²²Na tamata daucudru sa vakavuna na veivala. Na tamata daucudru katakata sa sinal ena talaidredre.

²³Na dokadoka ni tamata ena kauti koya sobu, Na malumalumu ni yalo ena maroroya tikoga na dokai.

²⁴O koya sa veitokani kei na daubutako sa cati koya vakai koya; Sa yalayala me tukuna na ka dina, sa basika ga na ka wale.

²⁵Na rerevaka na tamata sa kauta mai nai cori, O koya sa vakararavi vei Jiova, sa na tiko vinaka.

²⁶E levu era sa guta na nona veitokoni nai liuliu, Na veivakadonui duadua ga sa lako mai vei Jiova.

²⁷Na tamata sega ni dina sa ka boica vua na yalododonu, Na tamata dina ena sala sa ka vakasisila sara vei koya na tamata ca.