[20] Vakaibalebale 30

¹Na vosa nei Akuri na luvei Jeke, kei na ka e a vosa kina: Na tamata oqo sa vosa vei IceliOvei Iceli kei Ukali.

²Sa dina, au sa lialia vakalevu sara mai vei ira na tamata, Sa sega vei au na kila ka vakatamata

³Au sega ni vulica na yalomatua ka sa sega vei au na kila me baleta na ka Tabu.

⁴O cei sa lako cake ki lomalagi se lako sobu? O cei sa soqona na cagi e ligana? O cei sa vesuka na wai ena nonai sulu? O cei na yacana? O cei na yacai na luvena, ke o sa kila?

⁵Na vosa kece ni Kalou sa savasava makare sese; O koya na sasabai ki vei ira sa vakadinati koya.

⁶Kua ni vakuria na Nona vosa, de qai vunauci iko o Koya, ka o na kune mo tamata lasulasu.

⁷E rua na ka au sa kerea vei kemuni (ni bera ni'u mate, moni kua ni bureitaka vei au):

⁸Me vakayawataki vei au na ka lasu kei na lasulasu; me'u kua ni dravudravua se vutuniyauO Mo ni vakani au ena kakana Koni sa lewa me'u kania;

⁹De'u qai mamau, ka cakitaki Kemuni, ka Tukuna, "O cei o Jiova"? Se, kevaka au sa dravudravua, ka butako, ka vakaboicataka na yaca i Koya na noqu Kalou.

¹⁰Kua ni vakaucacataka e dua na dauveiqaravi vua na nona turaga, de qai cudruvi iko ka beitaki sara kina na yalomu.

¹¹Sa dua nai tabatamata sa dau rukaka na tamadra ka sega ni vosa vinakataka na tinadra.

¹²Sa dua nai tabatamata sa dau dodonu ga e matadra na ka, ia era sa sega ga ni vakasavasavataki mai na nodra dukadukali.

¹³Sa dua nai tabatamata, era sa rui mata balavu, sa rai cake se lobi cake na bekabeka ni matadra.

¹⁴Sa dua na i tabatamata sa vaka nai seleiwau na batidra. Na batidra gaga sa vaka nai sele, me kani ira na dravudravua tani mai vuravura, kei ira na vakaloloma mai vei ira na tamata.

¹⁵Na cikinovu sa rua na luvena yalewa, Rau sa tagi ka tukuna tiko, solia mai! Solia mai! Sa tolu na ka sa sega ni mamau rawa, Sa va na ka sa sega ni tukuna tiko, "Sa rauta, sa rauta!"

¹⁶Nai bulubulu, Na kete yava, na qele sa sega tiko ni mamau ni sa tauca tikoga na ucaO kei na bukawaqa me tukuna mai, "Sa rauta, sa rauta!"

¹⁷Na mata sa cati tamana ka bese ni talairawarawa vei tinana, Na reveni ni veiwere ena tomika cake, Na ikeli ena kania.

¹⁸E tolu na ka e sa rui totoka dina me da kila, Io, e va na ka au sega ni kila:

¹⁹Na gaunisala ni ikeli ena macawa, Na gaunisala ni gata ena dela ni vatu, Na gaunisala ni waqa ena wasawasa Na nona i valavala na tagane vua na goneyalewa tabu.

²⁰Oqo na nona i valavala na yalewa dautagane: Sa kana ka qusia na gusuna, ka tukuna tiko, "Au sa sega ni cakava e dua na ka ca."

²¹Sa tolu na ka e veibasai e vuravura, io, e va na ka au sega ni rawa ni ciqoma:

²²Ni sa veiliutaki na bobula, Ni sa mamau na lialia,

²³Ni sa vakawati na yalewa sa dauveivala, Kei na yalewa dauveiqaravi, me sa lako ka ranadi ni vale.

²⁴Sa va na ka sa ka lailai sara e vuravura, Ia, sa sivia sara na nodra vuku:

²⁵Na qasivi ni sa sega ni ra kaukauwa, io, era sa vakarautaka na kedra kakana ena vula i katakata;

²⁶Na kalavo ni veivatu ni ra sa ka malumalumu sara, ia, era sa vakaqara ena veivatu;

²⁷Na vodre ni ra sa sega ni vakailiuliu, ia, era sa toso ga vakaituvatuva;

²⁸Na viritalawalawa ni sa lako tiko vaka matau ka sa tiko talega ena vale ni tui.

²⁹E tolu ga na ka sa vakaturaga na nodra i tosotoso, io e va na ka sa toso dina vakaqaqa:

³⁰Na laioni sa qaqa vei ira na manumanu ka sa sega ni kila na suka i muri;

³¹Na koli dauvala sa toso tu ga, na me tagane, kei na tui ni sa lako vata kei ira na nona mataivalu.

³²Kevaka o a yalowaitaka e so na ka, o a vakacerecerei iko ga se sa vakavuna e levu na ca, Mo tabonaka na gusumu ena ligamu.

³³Ni sa vakayavalati na wai ni sucu sa kune na bata, Sa tubu na dra ni sa boboki na ucu: Sa tubu vakakina na veileti ni sa levu na cudru.