[19] Same 111

¹Me vakavinavinakataki o Jiova! Au na vakavinavinakataki Jiova ena yaloqu taucoko, ena noda soqo na dodonu sara e lomadra, e nai soqosoqo levu.

²Sa levu na cakacaka i Jiova, Era sa vakasaqara o ira kecega sa taleitaka.

³Sa dokai ka qoroi na Nona cakacaka, na Nona yalododonu sa tudei ka sega ni mudu.

⁴Sa cakava na Nona cakacaka vinaka, me dau nanumi; sa rui vinaka na Kalou ka sa sinai ena yalovinaka.

⁵Sa solia na kakana vei ira sa rerevaki koya; ka sa dau nanuma tikoga na Nona vosa ni yalayala.

⁶Sa vakaraitaka vei ira na Nona tamata na kaukauwa ni Nona cakacaka, ni sa solia vei ira nai votavota ni veimatanitu.

⁷Na cakacaka ni Ligana sa dina ka dodonu; Sa dina kecega na Nona i vakaro.

⁸E ra sa tudei, me tu ga ka sega ni mudu. Era sa caka ena dina kei na dodonu sara.

⁹Sa vakatala na veivakabulai vei ira na Nona tamata; Na Tabu kei na Taleitaki sa Yacana dina.

¹⁰Na rerevaka na Kalou sa vuni vuku; na yalomatua sa nodra o ira sa muria na Nona vosa. Na Nona cecere sa tudei ka sega ni mudu.