[19] Same 112

¹Dou vakavinavinaka vei Jiova! Sa kalouvinaka na tamata sa rerevaki Jiova, o koya sa rekitaka vakalevu tiko na Nona vosa.

²Era na gugumatua na nona kawa e vuravura; era na vakasaututaki na nodra kawa na tamata sa dodonu sara.

³Na i yau kei na sautu, ena tu ga e nona vale, Na nona yalododonu ena tu ga ka sega ni mudu.

⁴Ena cadra na rarama mai na butobuto vei ira na yalododonu; sa dau lomasoli, ka yalovinaka ka sa dau caka dodonu.

⁵Na tamata vinaka sa dau caka vinaka ka dau solia na ka; sa dau raica vakamatau na ka e cakava.

⁶Sa dina, ena sega ni yavalati rawa; era na nanumi tikoga na yalododonu me sega ni mudu.

⁷Ena sega ni rerevaka na ca ni sa yaco mai; Sa dei tiko na yalona, ni sa vakararavi tiko vei Jiova.

⁸Sa taucoko na yalona, sa sega ni rere, me yacova ni sa raica na ka sa gadreva na yalona vei ira na kena meca.

⁹Sa dui biubiuta o Koya, sa dau solisoli vei ira na dravudravua; sa tudei ka sega ni mudu na Nona yalododonu; ena basika cake na Nona totoka kei na Nona dokai.

¹⁰Era na raica na tamata ca, ka na rarawa kina; ena vakase bati ka yali yani; na ka e gadreva na tamata ca ena sega ni yaco.